Éxodo 14:13 - Biblia

¹³ Jayawe Moisés jei chupe reta: “Awɨye pekɨye,” jei. “Piñemɨmɨräta. Peäro jare pechata peï Tumpa uyapota oï wae kua ara perepɨ waerä. Echa’ä opaete pea sɨndaro reta ɨwɨ Egipto pewa pecha peï añawe wae, ndarau etei ma pecha ye kuri.

Éxodo 14:13 Iomraidhean Croise

Génesis 15:1

Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 46:3

Jayawe Tumpa jei Jacob pe: “Che ko jae Tumpa. Nderu Isaac iTumpa ko che. Awɨye ekɨye ndeo waerä ɨwɨ Egipto pe, echa’ä nde rupi joko pe ayapota aï jeta niñemoñaa reta,” jei chupe.

Éxodo 14:30

Jukuärái jokua ara etei Tumpa uepɨ Israel iñemoñaa reta sɨndaro ɨwɨ Egipto pewa reta wi. Jare Israel iñemoñaa reta uecha sɨndaro reta jetekue mar jembeɨ rupi.

Isaías 43:11

Che ko jae Tumpa, jare mbaetɨ ye ambɨe Upuruepɨ wae. Jaeño ko che,” jei Tumpa.

Números 14:9

“Jáeramo awɨye piyowaicho Tumpa kotɨ,” jei. “Awɨye pekɨye jokua ɨwɨ pewa reta wi. Añetete yawaita’ä ko yandewe ñamɨamɨri reta waerä, echa’ä Tumpa oï yande ndiwe,” jei. “Jáeramo mbaetɨta kía jae reta uepɨ waerä yandewi. Jayawe awɨye pekɨye chuwi reta.” Jukuärái jei tëi Josué jare Caleb chupe reta.

San Mateo 28:5

Jayawe araɨwa jei kuña reta pe: “Awɨye pekɨye,” jei. “Aikuaa pe reta peka peï Jesús umano kurusu re wae.