Éxodo 13:3 - Biblia

³ Jayawe Moisés jei opaete Israel iñemoñaa reta pe: “Jekuaeño pemandúa kawi kua ara re,” jei. “Echa’ä kua ara Tumpa perenoe jae imbaepuerete rupi ɨwɨ Egipto wi. Joko pe täta piyeyokuise ɨwɨ Egipto pewa reta pe. Kua ara awɨye peu mbɨyape levadura rewe wae.

Éxodo 13:3 Iomraidhean Croise

Éxodo 12:15

Tumpa jei wi Moisés jare Aarón pe: “Pemɨmbeu wi opaete Israel iñemoñaa reta pe kuärái: ‘Chiu ara rupi peuta mbɨyape levadura mbae wae. Jukuärái wi ara tenondewa pe opa peki opaete levadura perëta pe oï wae. Jare jokua chiu ara reta rupi, ime kía jou yawe mbɨyape levadura rewe wae, jayawe joko wiwe awɨye piñemɨïru jae ndiwe.

Éxodo 12:17

“Pemɨmbeu wi chupe reta kuärái: ‘Añawe wiwe imeta ko piyapo kua yemɨmandúa mbɨyape levadura mbae pewa, echa’ä kua ara etei che ponoe aï ɨwɨ Egipto wi opaete pe reta. Jayawe pe reta jare piñemoñaa reta wi opa año rupi piyemɨmanduata ko kua chiu ara reta re, echa’ä jukuärái che jae piyapo waerä jaeño mái pewa.’ Jukuärái pere chupe reta,” jei.

Éxodo 12:19

‘Jokua chiu ara reta rupi awɨye etei toï levadura perëta japɨpe rupi. Jare ime kía pe reta pepɨte pe oï wae, perëtáɨwa ani ambɨe ɨwɨ pewa, jare jae jou yawe mbɨyape levadura rewe wae, jayawe joko wiwe awɨye piñemɨïru jae ndiwe.

Éxodo 12:2

“Añawe wiwe kua yasɨ toï yasɨ tenondewarä jare año uyembɨpɨ wae pemaerä,” jei chupe reta.

Éxodo 12:41

Jare 430 año ara uwäe yawe, jokua ara etei oë yuraa reta ɨwɨ Egipto wi.

Éxodo 12:42

Jokua pɨ̈tu Tumpa uyandareko jese reta jare onoe reta ɨwɨ Egipto wi. Jáeramo joko wiwe opaete año rupi Israel iñemoñaa reta imanduata ko jokua pɨ̈tu re jare oñono teeta ko reta Tumpa pewarä.

Éxodo 12:8

“Pemɨmbeu wi chupe reta kuärái: ‘Jokua pɨ̈tu tuyapo tou reta asao ñanarokɨ iro wae ndiwe, jare tumɨtɨ̈ra reta mbɨyape levadura mbae wae ndiwe.

Éxodo 13:14

Jare jei wi chupe reta: “Aramoi rupi pesambiaɨ reta upɨranduta pewe, “¿Marái ramo pa yayapo ñaï kua?’ Jayawe pere chupe reta: ‘Kua yayapo ñaï wae umbɨjaanga oï Tumpa ñanerenoe ɨwɨ Egipto wi wae re imbaepuere tuichaete wae rupi. Echa’ä ɨwɨ Egipto pe yaikuasɨete yaiko.

Éxodo 13:9

Kua semana oïta pemaerä pëti mbae yemɨmanduaka pewa peresɨwa re jare pepapɨ re oï wae rami. Pemɨmanduata oï mbaembae Tumpa yanemboe wae re pikuaa kawi peyupe waerä jare pere waerä wi. Echa’ä jae ko peTumpa perepɨ ɨwɨ Egipto pewa reta wi wae imbaepuere tuichaete wae rupi.

Éxodo 20:2

“Che ko jae peTumpa aikoño mái wae ponoe ɨwɨ Egipto wi wae. Joko pe täta piyeyokuise Egipto pewa reta pe,” jei.

Éxodo 20:8

“Pemanduata ko opa semana rupi ara mbutuu re jare jokua ara piñono teeta ko chemaerä.

Éxodo 3:20

“Jayawe chembaepuere rupi aiporarakata aï ɨwɨ Egipto pewa reta pe mbaembae ipuere mbaei kía uyapo wae pɨpe. Jayawe ramo mburuwicha wasu umaeñota peré peë peo waerä,” jei chupe.

Éxodo 6:1

Jayawe Tumpa jei Moisés pe: “Añawe nde ndechata neï mbae ayapota aï mburuwicha wasu kotɨ wae,” jei. “Chembaepuerete rupi ayapokata jae umaeño oë yuraa waerä che aiparawo wae reta re. Añetete ayapokata mburuwicha wasu omoë omondo waerä iɨwɨ wi opaete jae reta,” jei.

Éxodo 6:6

“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta.

Éxodo 6:7

Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi.

San Mateo 10:12

“Jare pike yawe jokua kuimbae jëta pe, pembɨsaluda kawi Tumpa jee re.

San Lucas 22:19

Jae nunga wi Jesús uipɨsɨ mbɨyape jare uyapo wi yasurupái jese. Jayawe upɨsäa mbɨyape jare umee jemimboe reta pe, jare jei chupe reta umbɨjaanga rewe: “Kua ko jae cherete ameeta aï peré wae. Añawe wiwe peuta kua piyemɨmandúa waerä cheré,” jei chupe reta.

1 Corintios 11:24

jare umee yasurupái Tumpa pe jese. Joko wi upɨsäa mbɨyape jare jei jemimboe reta pe umbɨjaanga rewe: “Pipɨsɨ peu. Kua ko jae cherete ameeta aï peré wae. Añawe wiwe peuta kua piyemɨmandúa waerä cheré.” Jukuärái jei chupe reta.

1 Corintios 5:8

Jáeramo jekuaeño ko yayemɨmanduata Cristo uyapo yandewe wae re. Jare ¿kërái ra yayapota jokua? Awɨyeta ma ko yaiko ye teko kachi rupi. Imeta ko yaiko jupi rupi jare teko kawi rupi.

Efesios 1:19

Jare aeka aï chupe wi pikuaa kawi waerä tuichaete ye ko Tumpa imbaepuere yanemborɨ waerä opaete yande Cristo re yarowia wae reta. Jukuärái ayerureñoi aï Tumpa pe peré. Jayawe che aipota pikuaa kawi waerä Tumpa imbaepuere rewa. Tumpa uikuaaka ma opaete wae pe tuichaete ye ko imbaepuere.

Jueces 2:12

Opa uyerowa reta Tumpa ikoño mái wae wi – jae ko Tumpa onoe ueru tamɨkue reta ɨwɨ Egipto wi wae. Jare uyapo reta ïru ɨwɨ pewa reta uyapo wae rami, echa’ä jae reta umbɨpɨ umbɨadora tumparaanga reta re – jae ko Baal jare Astarot jee wae. Israel pewa reta uyapo iyupe jokua tumparaanga reta, jare uñeñono reta ɨwɨ re uipɨu rewe tumparaanga reta jowai. Jukuärái ombopochɨka reta ikotɨ Tumpa ikoño mái wae.