Éxodo 13:21 - Biblia

²¹ Jare ara rupi Tumpa oo jae reta jenonde amapɨ̈tu tuicha uyemboɨ wae echa uruwata reta waerä. Jare pɨ̈tu rupi uyekuaa chupe reta tata echa rami umbɨembipe waerä chupe reta. Jukuärái Israel iñemoñaa reta ipuere waerä uwata ara rupi jare pɨ̈tu rupi wi.

Éxodo 13:21 Iomraidhean Croise

Éxodo 10:10

Jayawe mburuwicha wasu pochɨ rewe jei Moisés pe: “¡PeTumpawe ndarau ipuere pemborɨ peraa waerä kua wi pekuña reta jare pesambiaɨ reta, echa’ä amaeñota’ä etei aï peré peraa reta waerä! ¡Añawe aikuaa pe reta pipota ko chembɨtawɨ piko wae!” jei chupe.

Éxodo 16:10

Jayawe Aarón uyemɨngeta iko opaete wae reta ndiwe rambuewe, uyerowa umae reta ɨwɨtini wasu kotɨ. Jare uecha reta aramoiño Tumpa imbaepuere jupi wae uyekuaa chupe reta tembipe uwerasɨ wae rami amapɨ̈tu re.

Éxodo 32:1

Moisés ɨma ara rupi upɨta jokua ɨwɨtu wasu re. Jayawe Israel iñemoñaa reta jei iyupe: “Ndarau ma ou ye,” jei iyupe reta. Jáeramo jeta wae yuraa uyembatɨ reta Aarón oï wae pe jare jei reta chupe: “Mase, ekua iyapo yandewe yandetumparä yandereruwata waerä. Echa’ä jokua Moisés yandereru ɨwɨ Egipto wi wae, yaikuaa’ä mbae ra uasa chupe wae,” jei reta Aarón pe.