Éxodo 13:10 - Biblia

¹⁰ Jáeramo opa año rupi jokua ara uwäe yawe, piyapota ko kua yemɨmandúa yerowia pewa,” jei.

Éxodo 13:10 Iomraidhean Croise

Éxodo 12:14

“Pemɨmbeu wi chupe reta kuärái: ‘Añawe wiwe kua ara re pemanduata ko. Opaete año rupi pe reta jare piñemoñaa reta wi piñemɨmanduata ko kua ara uñeñono tee oï chemaerä wae re.’ Jukuärái pemɨmbeu chupe reta,” jei Tumpa Moisés jare Aarón pe.

Éxodo 12:17

“Pemɨmbeu wi chupe reta kuärái: ‘Añawe wiwe imeta ko piyapo kua yemɨmandúa mbɨyape levadura mbae pewa, echa’ä kua ara etei che ponoe aï ɨwɨ Egipto wi opaete pe reta. Jayawe pe reta jare piñemoñaa reta wi opa año rupi piyemɨmanduata ko kua chiu ara reta re, echa’ä jukuärái che jae piyapo waerä jaeño mái pewa.’ Jukuärái pere chupe reta,” jei.

Éxodo 12:42

Jokua pɨ̈tu Tumpa uyandareko jese reta jare onoe reta ɨwɨ Egipto wi. Jáeramo joko wiwe opaete año rupi Israel iñemoñaa reta imanduata ko jokua pɨ̈tu re jare oñono teeta ko reta Tumpa pewarä.

Éxodo 13:5

“Tumpa jei peramɨkue reta pe umeeta iko pewe cananeo reta, heteo reta, amorreo reta, heveo reta, jare jebuseo reta iɨwɨ pemaerä. Jayawe Tumpa peruwäe ma yawe jokua ɨwɨ ikawiete wae pe, piyapota ko kua yemɨmandúa mbɨyape levadura mbae pewa. Jukuäraita ko piyapo kua tenondewa yasɨ pe etei añawe wiwe opa año rupi.