Éxodo 12:41 - Biblia

⁴¹ Jare 430 año ara uwäe yawe, jokua ara etei oë yuraa reta ɨwɨ Egipto wi.

Éxodo 12:41 Iomraidhean Croise

Éxodo 12:17

“Pemɨmbeu wi chupe reta kuärái: ‘Añawe wiwe imeta ko piyapo kua yemɨmandúa mbɨyape levadura mbae pewa, echa’ä kua ara etei che ponoe aï ɨwɨ Egipto wi opaete pe reta. Jayawe pe reta jare piñemoñaa reta wi opa año rupi piyemɨmanduata ko kua chiu ara reta re, echa’ä jukuärái che jae piyapo waerä jaeño mái pewa.’ Jukuärái pere chupe reta,” jei.

Éxodo 12:51

Jare jokua ara etei Tumpa onoe reta ɨwɨ Egipto wi Jacob doce taɨ tee tee iñemoñaa reta rupi.

Éxodo 13:14

Jare jei wi chupe reta: “Aramoi rupi pesambiaɨ reta upɨranduta pewe, “¿Marái ramo pa yayapo ñaï kua?’ Jayawe pere chupe reta: ‘Kua yayapo ñaï wae umbɨjaanga oï Tumpa ñanerenoe ɨwɨ Egipto wi wae re imbaepuere tuichaete wae rupi. Echa’ä ɨwɨ Egipto pe yaikuasɨete yaiko.

Éxodo 13:16

Jare jei wi chupe reta: “Che jae ye aï pewe, kua yemɨmandúa piyapota wae ikota pëti mbae yemɨmanduaka pewa peresɨwa re jare pepapɨ re oï wae rami. Echa’ä pemɨmanduata kërái Tumpa perenoe ɨwɨ Egipto wi imbaepuere tuichaete wae rupi,” jei Moisés chupe reta.

Éxodo 13:3

Jayawe Moisés jei opaete Israel iñemoñaa reta pe: “Jekuaeño pemandúa kawi kua ara re,” jei. “Echa’ä kua ara Tumpa perenoe jae imbaepuerete rupi ɨwɨ Egipto wi. Joko pe täta piyeyokuise ɨwɨ Egipto pewa reta pe. Kua ara awɨye peu mbɨyape levadura rewe wae.

Éxodo 13:9

Kua semana oïta pemaerä pëti mbae yemɨmanduaka pewa peresɨwa re jare pepapɨ re oï wae rami. Pemɨmanduata oï mbaembae Tumpa yanemboe wae re pikuaa kawi peyupe waerä jare pere waerä wi. Echa’ä jae ko peTumpa perepɨ ɨwɨ Egipto pewa reta wi wae imbaepuere tuichaete wae rupi.

Éxodo 3:10

“Jáeramo ekua nde. Che nomondota ɨwɨ Egipto pe mburuwicha wasu jowai nenoe waerä jokua ɨwɨ Egipto wi Israel iñemoñaa reta – jae reta ko che aiparawo wae,” jei Tumpa Moisés pe.

Éxodo 3:8

“Jáeramo che ayu aepɨ reta waerä ɨwɨ Egipto pewa reta wi,” jei. “Che anoeta reta jokua ɨwɨ Egipto wi araa waerä pëti ɨwɨ ikawiete wae pe kiape uyekouta ñonoï wae,” jei. “Jokua ɨwɨ pe ñonoï cananeo jee wae reta, jare heteo jee wae reta, jare amorreo jee wae reta, jare ferezeo jee wae reta, jare heveo jee wae reta, jare jebuseo jee wae reta,” jei Tumpa Moisés pe.

Éxodo 6:6

“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta.

Daniel 9:24

Araɨwa jei Daniel pe kuärái: “Tumpa jei nerëtáɨwa reta rewa jare tëta wasu uñeñono tee wae rewa kërái 490 año uasata opa uyeyapo waerä kua mbaembae: opa iyapɨ waerä teko kachi jare mbaembae uyawɨ reta Tumpa kotɨ wae; jare ime waerä jupi wae jaeño mái pewa Tumpa kotɨ; jare opa uyeyapo waerä Tumpa iñee arakae umɨmbeu wae reta jei uyeyapota iko wae; jare uñeñono tee waerä Tumpa pewarä Tumpa joo jupiete ye wae.

San Juan 7:8

“Pekua, pe reta, pembɨasa waerä tabernáculos iara reta. Che ata’ä rani, echa’ä ndei ara uwäe che a waerä joko pe.” Jukuärái Jesús jei tɨwɨ reta pe.

Hechos 1:7

Jayawe Jesús jei chupe reta: “Ndarau pepuere pikuaa kërái yawe cheRu jokua uyapota oï wae. Jaeño cheRu jeita jokua re,” jei.

Hechos 7:36

“Jayawe Moisés onoe wɨraa reta ɨwɨ Egipto wi. Jare Tumpa imbaepuere rupi jae uyapo jeta mbaembae kiawe ipuere’ä uyapo wae ɨwɨ Egipto pe, jare Mar Pɨ̈ta jee wae pe, jare cuarenta año ɨwɨtini wasu rupi yureko reta rambuewe,” jei chupe reta.