Éxodo 12:36 - Biblia

³⁶ Tumpa uyapo ɨwɨ Egipto pewa reta uipɨu waerä Israel iñemoñaa reta wi. Jayawe ɨwɨ Egipto pewa reta umee wɨrae chupe reta opaete mbaembae ueka chupe wae rupi. Jukuärái Israel iñemoñaa reta wɨraa iyupe ɨwɨ Egipto pewa reta wi jeta imbaembae jepɨ wae.

Éxodo 12:36 Iomraidhean Croise

Génesis 15:14

“Erëi che aiporarakata aï jokua ɨwɨ pewa reta pe, jare joko wi niñemoñaa reta oëta yuraa jokua ɨwɨ wi jeta mbaembae ikawiete wae rewe,” jei.

Génesis 39:21

Erëi Tumpa jekuaeño iko José ndiwe jare ipɨakawi chupe. Jáeramo uyapo peresorɨru iyandarekoa umae kawi waerä jese.

Éxodo 11:2

“Ere kuimbae jare kuña Israel iñemoñaa reta pe ueka waerä jëta iyɨpɨ rupiwa Egipto pewa reta pe mbaembae jepɨete wae oro pewa jare mbaembae korepoti tïi wae pewa.” Jukuärái ma jei Tumpa Moisés pe.

Éxodo 11:3

Jare Tumpa uyapo ma ɨwɨ Egipto pewa reta uipɨu waerä Israel iñemoñaa reta wi. Jáeramo mburuwicha wasu imborɨa umbɨarakuaa wae reta jare opaete ɨwɨ Egipto pewa reta uipɨu rewe umae Moisés re.

Hechos 2:47

Jae reta jekuaeño umbutuicha Tumpa jee, jare opaete tëta wasu pewa reta umae kawi jese reta. Jayawe opa ara rupi jeta wae reta wɨrowia yandeYa Jesucristo re, jare yandeYa uepɨ reta. Jukuärái yandeYa jekuaeño umbɨjeta iko jese wɨrowia wae reta.

Hechos 7:10

Jare jekuaeño omborɨ José opaete yembɨawái reta rupi,” jei. “Joko wi Tumpa umbɨpɨakawi mburuwicha wasu ɨwɨ Egipto pewa umae kawi waerä José re. Jae uikuaa iko Tumpa umee José pe arakuaa. Jáeramo mburuwicha wasu umbɨjee José opaete ɨwɨ Egipto pewa reta imburuwicharä. Jukuärái José wɨreko mbaepuere opaete Egipto pewa reta re, jare mburuwicha wasu jëtara reta re wi,” jei Esteban chupe reta.