Éxodo 12:3 - Biblia

³ “Pemɨmbeu opaete Israel iñemoñaa reta pe kuärái: ‘Kua yasɨ payandepo ara pe pëti pëti jëtara tu tuiparawo tueru jëtara pewarä pëti mbaemɨmba kuimbae taurusu wae.

Éxodo 12:3 Iomraidhean Croise

Génesis 22:8

Jayawe Abraham jei chupe: “Tumpa etei ko umeeta yandewe owecha, cheraɨ mii,” jei chupe. Jare mokui rewe jekuaeño yuraa reta.

Génesis 4:4

Jare Abel uiparawo amokue wae iowecha reta imembɨrɨpɨ ikawiete wae, jare uyuka, jare ueru umee waerä Tumpa pe mɨmba isoo ikawiete wae jare ikɨra wae. Jare Tumpa uyerowia umae Abel re jare jokua jae ueru wae re.

Éxodo 12:2

“Añawe wiwe kua yasɨ toï yasɨ tenondewarä jare año uyembɨpɨ wae pemaerä,” jei chupe reta.

Éxodo 12:21

Jayawe Moisés umbatɨka opaete Israel iñemoñaa itenondewa reta, jare jei chupe reta kuärái: “Pekua woi pembeu pëti pëti perëtáɨwa reta pe uyuka reta waerä owecha taurusu uiparawo wae uyemɨmandúa reta waerä Tumpa iarasɨ umbɨasa wɨraeño chuwi reta wae,” jei.

Éxodo 12:4

Erëi ime ñëtara mbowɨño wae jare ipuere’ä opa jou yawe jokua mbaemɨmba soo jokua pɨ̈tu woi, jayawe tumee wi jëta ïru uata oï chupe wae pe. Tuepitɨ mbaemɨmba soo pëti pëti wae pewarä.’ Jukuärái pemɨmbeu chupe reta,” jei Tumpa chupe reta.

Éxodo 12:6

Pëti pëti ñëtara Israel iñemoñaa pewa tuyandareko kawi jɨmba uiparawo wae re kua yasɨ ara catorce rewa. Jare jokua ara uwäe yawe, tuyuka reta kuri pɨ̈tuɨpɨ yawe.

Éxodo 14:15

Jayawe Tumpa jei Moisés pe: “¿Maera pa ndeka chewe yemborɨ?” jei. “Ere Israel iñemoñaa reta pe jekuaeño too reta tenonde.

Éxodo 20:19

Jare jei reta Moisés pe: “Ore nduyapɨsakata nderé nde oremɨngeta yawe,” jei. “Erëi ndukɨyete noï numanota ko Tumpa oremɨngeta yawe,” jei reta Moisés pe.

Éxodo 4:30

Jare Aarón umɨmbeu chupe reta opaete Tumpa jei Moisés pe wae. Moisés uyapo wi Tumpa imbaepuere rupi jokua mbaembae Israel iñemoñaa reta jowai.

Éxodo 6:6

“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta.

Levítico 1:2

“Ere Israel iñemoñaa reta pe kuärái: ‘Ime yawe kía pepɨte wi uipota ueru mbae umee waerä Tumpa pe wae, tueru jɨmba reta ipɨte wi – ipuere pëti waka, owecha, ani kapura.

San Juan 1:29

Pɨarewe pe Juan uecha Jesús ou oï ikotɨ, jare jei joko pe ñonoï wae reta pe: “Mase, pee oï Tumpa ombou wae,” jei. “Jae ko pëti owecha kuimbae yaraa yayuka ñamee Tumpa pe wae rami. Echa’ä Tumpa ombou umano waerä yanderé, jae rupi umbái waerä teko ñanoi Tumpa kotɨ wae. Jae ko opaete ɨwɨ pewa reta pewarä tëi,” jei.

San Juan 1:36

Jayawe Jesús uasa jokoropi ou. Jare Juan umae ngatu jese jare jei ye: “Mase, pea kuimbae Tumpa ombou umano waerä yanderé pëti owecha yayuka ñamee Tumpa pe wae rami,” jei chupe reta.

San Juan 12:1

Owa araño ma uata uwäe waerä pascua iara reta. Jayawe Jesús jare jemimboe reta ndiwe yuraa ye Betania pe kiape Lázaro iko wae pe. Jae ko jokua kuimbae tenonde yawe Jesús umbɨjekowe ye ueru umanokue wae reta ipɨte wi wae.

San Juan 12:12

Jare pɨarewe pe Jesús oo Jerusalén kotɨ. Kua jeräkua opaete Jerusalén pe ñonoï wae reta pe. Kua reta tenonde ma yuweru Jerusalén pe uyemɨmandúa reta waerä pascua iara reta re. Jare jae reta uikuaa yawe Jesús ou oï Jerusalén pe wae, tuicha rupi uyerowia reta.

1 Corintios 5:7

Jáeramo pe reta imeta ko pemombo jokua teko kachi peyuwi. Pe pikuaa ko judío reta uyapoñoi pascua ara pe wae. Echa’ä jokua ara pe jae reta omombo iyuwi mbɨyape indechikue uyeyapo levadura rewe wae. Jare jokua yemɨmandúa uyapo reta yawe, jou reta mbɨyape ipɨau wae levadura onoi mbae wae. Jayawe kërái jae reta jokua ara omombo iyuwi jokua mbɨyape indechikue, jukuärái wi pe reta pemombota peyuwi teko kachi pepɨte rupi oï wae, pepuere waerä piko jupi jokua mbɨyape ipɨau wae levadura onoi mbae wae rami. Jare añetete jukuärái ko peï Tumpa jowai. Echa’ä kërái judío reta uyuka owecha pascua ara pe, jukuärái wi Cristo uñemee umano waerä teko yareko Tumpa kotɨ wae uyembái waerä.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.