Éxodo 12:25 - Biblia

²⁵ “Jare pe reta peï ma yawe jokua ɨwɨ Tumpa jei umeeta oï pewe wae pe, pe reta jare piñemoñaa reta wi opa año rupi piyemɨmanduata ko kua mbaembae reta re,” jei.

Éxodo 12:25 Iomraidhean Croise

Éxodo 12:24

“Kua chiñee tuiko piyapo waerä jaeño mái pewa,” jei.

Éxodo 12:26

“Aramoi rupi pesambiaɨ reta upɨranduta pewe, “¿Marái ramo pa yayapo ñaï kua mbaembae reta?’

Éxodo 13:10

Jáeramo opa año rupi jokua ara uwäe yawe, piyapota ko kua yemɨmandúa yerowia pewa,” jei.

Éxodo 13:5

“Tumpa jei peramɨkue reta pe umeeta iko pewe cananeo reta, heteo reta, amorreo reta, heveo reta, jare jebuseo reta iɨwɨ pemaerä. Jayawe Tumpa peruwäe ma yawe jokua ɨwɨ ikawiete wae pe, piyapota ko kua yemɨmandúa mbɨyape levadura mbae pewa. Jukuäraita ko piyapo kua tenondewa yasɨ pe etei añawe wiwe opa año rupi.

Éxodo 3:17

Jáeramo che ponoeta ɨwɨ Egipto wi jare puraata pëti ɨwɨ ikawiete wae pe kiape piyekouta peï wae. Jokua ɨwɨ pe ñonoï cananeo jee wae reta, heteo jee wae reta, amorreo jee wae reta, ferezeo jee wae reta, heveo jee wae reta, jare jebuseo jee wae reta.’ Jukuärái ere chupe reta,” jei Tumpa Moisés pe.

Éxodo 3:8

“Jáeramo che ayu aepɨ reta waerä ɨwɨ Egipto pewa reta wi,” jei. “Che anoeta reta jokua ɨwɨ Egipto wi araa waerä pëti ɨwɨ ikawiete wae pe kiape uyekouta ñonoï wae,” jei. “Jokua ɨwɨ pe ñonoï cananeo jee wae reta, jare heteo jee wae reta, jare amorreo jee wae reta, jare ferezeo jee wae reta, jare heveo jee wae reta, jare jebuseo jee wae reta,” jei Tumpa Moisés pe.