Éxodo 12:16 - Biblia

¹⁶ Piyembatɨ mokui wese jokua chiu ara reta rupi, tenonde ara pe jare chiu ara pe wi, pembutuicha waerä cheree. Jare jokua chiu ara reta rupi awɨye peparawɨkɨ. Jaeño pepuere piyapo peyupe tembiu.’ Jukuärái pere chupe reta,” jei.

Éxodo 12:16 Iomraidhean Croise

Éxodo 16:23

Jayawe Moisés jei chupe reta: “Tumpa jei yandewe kuärái: ‘Kuriye ko ara mbutuu jare uñeñono tee oï Tumpa pewarä. Jáeramo kua ndimbowe pemonoo mokui ara pewarä. Jare pemboyɨta wae pemboyɨ, jare pembupuputa wae pembupupu añawe woi. Jare opaete jembɨrekue peupi kuriye pewarä.’ Jukuärái Tumpa jei yandewe,” jei Moisés chupe reta.

Éxodo 16:29

Amee ko pewe ara chiu peputuu waerä. Jáeramo amee aï pewe mokui wese ye tembiu pemonoo waerä ara owa pe. Jukuärái uepitɨta pewe mokui ara pewaräño. Ara chiu pe pepɨtata ko opaete perëta rupiño. Awɨye peë joko wi.’ Jukuärái jae aï chupe reta,” jei Tumpa Moisés pe umɨmbeu waerä Israel iñemoñaa reta pe.

Éxodo 16:5

“Ere chupe reta opaete semana owa ara pe tomonoo reta mokui ara pewarä,” jei Tumpa Moisés pe.

Éxodo 20:10

Erëi chiu ara ko jae ara mbutuu uñeñono tee chemaerä wae. Jáeramo awɨye peparawɨkɨ jokua ara pe. Jare awɨye tuparawɨkɨ wi pesambiaɨ reta, jare pewe uyeyokui wae reta, jare perɨmba reta. Jare ambɨe ɨwɨ pewa iko pe ndiwe wae retawe awɨye tuparawɨkɨ jokua ara pe.

San Juan 19:31

Jesús umano yawe, pëti araño ma uata iko uwäe waerä pëti mbutuu ara ikawiete wae, echa’ä jae ko pascua iara wi. Jáeramo judío reta uyeyapɨkatu yureko jokua mbutuu ara pewarä. Jare jae reta itenondewa reta uipota’ä kía jetekue uyekutu oï wae upɨta waerä kurusu re pɨarewe rewa, Moisés arakae uikuatía wae rupi uyapo reta waerä. Jáeramo jae reta yuraa umɨñera Pilato omopëka chuwi reta waerä itɨmaka kurusu re usawawa yureko wae reta. Echa’ä jukuärái ɨmambae umanota reta, jare joko wi Pilato ipuere waerä umbɨweyɨka jetekue reta kurusu wi.