Éxodo 12:15 - Biblia

¹⁵ Tumpa jei wi Moisés jare Aarón pe: “Pemɨmbeu wi opaete Israel iñemoñaa reta pe kuärái: ‘Chiu ara rupi peuta mbɨyape levadura mbae wae. Jukuärái wi ara tenondewa pe opa peki opaete levadura perëta pe oï wae. Jare jokua chiu ara reta rupi, ime kía jou yawe mbɨyape levadura rewe wae, jayawe joko wiwe awɨye piñemɨïru jae ndiwe.

Éxodo 12:15 Iomraidhean Croise

Génesis 17:14

“Ipotawe kuimbae uyembɨcircuncidaka mbae wae chembae’ä ko. Jáeramo pemondo ye peyuwi, echa’ä jae uyapo’ä che jae wae rupi jeko pewa,” jei Tumpa Abraham pe.

Éxodo 12:8

“Pemɨmbeu wi chupe reta kuärái: ‘Jokua pɨ̈tu tuyapo tou reta asao ñanarokɨ iro wae ndiwe, jare tumɨtɨ̈ra reta mbɨyape levadura mbae wae ndiwe.

Éxodo 13:3

Jayawe Moisés jei opaete Israel iñemoñaa reta pe: “Jekuaeño pemandúa kawi kua ara re,” jei. “Echa’ä kua ara Tumpa perenoe jae imbaepuerete rupi ɨwɨ Egipto wi. Joko pe täta piyeyokuise ɨwɨ Egipto pewa reta pe. Kua ara awɨye peu mbɨyape levadura rewe wae.

San Mateo 16:12

Jayawe ramo jemimboe reta uikuaa Jesús uyemɨngeta yepe iko umbɨjaanga rewe. Jei’ä yepe iko chupe reta uyandareko waerä iyé levadura mbɨyape pewa wi. Jaeño uipota jei chupe reta uyandareko kawi waerä iyé reta fariseo reta jare saduceo reta oporomboe wae wi.

San Lucas 12:1

Jayawe jetaete ye uyembatɨ Jesús oï wae pe, jare uñemɨaña ye reta. Erëi Jesús omboe tenonde jemimboe reta rani. Jayawe jei chupe reta umbɨjaanga rewe: “Piyandareko kawi piyé kuri fariseo reta ilevadura wi – jae ko kërái jae reta uyeyokui Tumpa pe añetete wae nunga,” jei chupe reta.

San Lucas 2:43

Jare pascua ara reta uasa ma yawe, José jare Jesús ichɨ opa ye yuraa reta tëi jëta kotɨ. Erëi Jesús upɨtaño Jerusalén pe José jare María uikuaa mbae rewe.

Hechos 12:3

Jare jokua ikawi judío itenondewa reta pe. Jáeramo Herodes uikuaa yawe umbɨyerowia oï judío reta, uipɨsɨka wi Pedro. Erëi uyukaka woi’ä, echa’ä jokua semana iko chiu ara yemɨmandúa mbɨyape levadura mbae pewa jei chupe reta wae ramo.

Gálatas 5:12

¡Aipota echa ko tëi jokua jei pewe piyembɨcircuncidaka waerä wae reta tuyeapiawoka opaetei kuri!