Éxodo 11:8 - Biblia

⁸ Jare Moisés jei wi chupe: “Opaete nemborɨa nembɨarakuaa wae reta yuweruta uñeñono reta ɨwɨ re uipɨu rewe cherowai. Jare chemɨñerata reta anoe araa waerä cherëtáɨwa reta kua wi. Jayawe ramo noëta ndoo,” jei Moisés mburuwicha wasu pe. Jare opa Moisés uyemɨngeta yawe, pochɨ rewe oë oo mburuwicha wasu jowai wi.

Éxodo 11:8 Iomraidhean Croise

Éxodo 10:29

Jáeramo Moisés jei mburuwicha wasu pe: “Jaekawi ndere jukuärái. Ndarau ye ma ayu nderowai,” jei chupe.

Marcos 3:5

Jayawe pochɨ rewe Jesús umae iyɨpɨ rupi ñonoï wae reta re, jare tuicha ipɨatɨtɨ jae reta ipɨatäta ramo. Jayawe jei kuimbae pe: “Emɨsɨmi ndepo,” jei chupe. Jayawe kuimbae ipo umɨsɨmi jare ukuera woi.

Hebreos 11:27

Jare Moisés wɨrowia Tumpa jei wae re ramo, ukɨye’ä mburuwicha wasu iarasɨ wi jare oë oo ɨwɨ Egipto wi. Yepe tëi Tumpa uyekuaa mbae wae ko, erëi Moisés uñemɨmɨräta jese uecha oï rami.

Apocalipsis 3:9

‘Pe reta pikuaa jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta iyapu wae reta ko jare uyembatɨ Satanás jee re uikuaa mbae rewe. Mase, che ayapokata jae reta yuweru waerä pekotɨ jare uñeñono reta waerä ɨwɨ re perowai uñemɨmichi rewe. Jare jeita reta pewe: “Añetete yepe yandeYa perau,” jeita reta.