Éxodo 10:9 - Biblia

⁹ Moisés jei chupe: “Opaetei ko ndoota. Kunumi reta wiwe jare indechi wae retawe, jare opaete kuimbae reta jare kuña reta yuraata. Opaete orerɨmba retawe nduraata wi ore ndiwe. Opaete ore nduyapota ko yemɨmandúa tembiu pewa oreTumpa jee numbutuicha waerä,” jei Moisés chupe.

Éxodo 10:9 Iomraidhean Croise

Éxodo 10:10

Jayawe mburuwicha wasu pochɨ rewe jei Moisés pe: “¡PeTumpawe ndarau ipuere pemborɨ peraa waerä kua wi pekuña reta jare pesambiaɨ reta, echa’ä amaeñota’ä etei aï peré peraa reta waerä! ¡Añawe aikuaa pe reta pipota ko chembɨtawɨ piko wae!” jei chupe.

Éxodo 10:26

Nduraata ko opaetei orerɨmba reta. Pëti awe ndarau upɨta, echa’ä nduiparawota ko kuri orerɨmba reta ipɨte wi nduyuka numee waerä oreTumpa pe. Jare nduikuaa’ä noï mbae nunga mbaemɨmba reta etei ra oreTumpa uipotata numee chupe waerä ndoo nuwäe ɨwɨtini wasu pe rewa,” jei Moisés mburuwicha wasu pe.

Éxodo 12:32

Opa peraa wi perɨmba reta kërái piyerure chewe rami, jare peë wɨrae pekua. Jare piyerure mii peTumpa pe cheré ipɨakatu waerä chewe,” jei mburuwicha wasu Moisés jare Aarón pe.

Éxodo 12:37

Jayawe Israel iñemoñaa reta oë yuraa tëta wasu Ramesés jee wae wi tëta wasu raɨ Sucot jee wae kotɨ. Yuraa 600.000 kuimbae reta, jare uyepapa’ä kuña reta jare sambiaɨ reta wi.

Éxodo 12:38

Wɨraa reta wi jɨmba reta – jae ko owecha, kapura, jare iwaka reta wi. Yuraa wi jae reta ndiwe jeta Israel iñemoñaa mbae wae reta.

Éxodo 13:6

Chiu ara rupi peuta ko mbɨyape levadura mbae wae. Jare chiu ara uwäe ma yawe, pëti yemɨmandúa tembiu pewa rupi pembutuichata ko Tumpa jee.

Éxodo 3:18

Jare Tumpa jei wi chupe: “Jae reta uyapɨsakata nderé. Jare nde ndeota Israel iñemoñaa itenondewa reta ndiwe mburuwicha wasu jowai, jare ndereta chupe kuärái: ‘Ore hebreo reta nduiko wae, oreTumpa ikoño mái wae uyekuaa orewe. Jáeramo emaeño oreré noë nduwata waerä kua wi mbapɨ ara rupi ɨwɨtini wasu kotɨ. Joko pe orepuere nduyuka mbaemɨmba reta numee oreTumpa pewarä.’ Jukuärái ndereta chupe,” jei.

Éxodo 5:1

Joko wi Moisés jare Aarón yuraa reta mburuwicha wasu Egipto pewa jowai jare jei reta chupe: “Ore Israel iñemoñaa reta nduiko wae, oreTumpa ikoño mái wae jei ndewe kuärái: ‘Emaeño che aiparawo wae reta re oë yuraa reta waerä ɨwɨtini wasu kotɨ, joko pe uyapo reta waerä yemɨmandúa tembiu pewa cheree umbutuicha reta waerä.’ Jukuärái jei ndewe oreTumpa,” jei reta mburuwicha wasu pe.

Éxodo 5:3

Jayawe Moisés jare Aarón jei ye chupe: “Ore hebreo reta nduiko wae, oreTumpa uyekuaa orewe,” jei reta chupe. “Emaeño mii oreré noë nduwata waerä kua wi mbapɨ ara rupi ɨwɨtini wasu kotɨ nduyuka numee mbaemɨmba reta oreTumpa pewarä. Echa’ä ore ndoo’ä nduyapo yawe jokua, oreTumpa uiporarakata ko orewe mbaerasɨ pe ani ñeräro pe,” jei reta mburuwicha wasu pe.

Efesios 6:4

Jare añawe che jae tu reta pe wi kuärái: Awɨye tombopochɨkaño isambiaɨ reta ipotawe mbaembae re. Erëi tomboe reta jupi wae re, jare tumbɨarakuaa kawi reta kërái yandeYa uipota wae rupi.

Josué 24:15

“Erëi pipota’ä piyeyokui yawe Tumpa pe, jayawe kua ara etei piparawo kía pe piyeyokuita wae,” jei. “Pepuere piyapo peramɨkue reta uyapo wae rami. Echa’ä arakae rupi yureko reta yawe ɨwɨ Mesopotamia pe, umbɨadorase reta tumparaanga reta re. Ani pepuere piyeyokui amorreo reta kua ɨwɨ rupi yureko wae itumpa reta pe. Erëi che jare cherëta pewa reta ndiwe nduyeyokuita noï Tumpa ikoño mái wae pe,” jei Josué chupe reta.