Éxodo 10:25 - Biblia

²⁵ Jayawe Moisés jei chupe: “Ndarau orepuere ndueya reta,” jei. “Nemaeñota ko oreré nduraa waerä orerɨmba reta wi nduyuka numee waerä oreTumpa ikoño mái wae pe.

Éxodo 10:25 Iomraidhean Croise

Génesis 8:20

Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

Éxodo 10:24

Jayawe mburuwicha wasu uenika Moisés jare jei chupe: “Pekua pembutuicha peTumpa jee. Peraa wi pekuña reta jare pesambiaɨ reta. Erëi perɨmba reta tupɨtaño,” jei chupe.

Éxodo 10:26

Nduraata ko opaetei orerɨmba reta. Pëti awe ndarau upɨta, echa’ä nduiparawota ko kuri orerɨmba reta ipɨte wi nduyuka numee waerä oreTumpa pe. Jare nduikuaa’ä noï mbae nunga mbaemɨmba reta etei ra oreTumpa uipotata numee chupe waerä ndoo nuwäe ɨwɨtini wasu pe rewa,” jei Moisés mburuwicha wasu pe.