Éxodo 10:17 - Biblia

¹⁷ Pëti wese ye awɨye pemandúa mii chewe kachi ayapo wae, jare piyerure mii cheré peTumpa ikoño mái wae pe umbɨsɨrɨ waerä chewi kua mbaesusere mano pewa,” jei mburuwicha wasu chupe reta.

Éxodo 10:17 Iomraidhean Croise

Éxodo 8:28

Jayawe mburuwicha wasu jei chupe reta: “Amaeñota peré peo waerä ɨwɨtini wasu kotɨ, erëi awɨye mbɨrɨete pekua,” jei. “Jare añawe piyerure cheré,” jei mburuwicha wasu Moisés jare Aarón pe.

Éxodo 8:4

Pïte reta upɨrɨrɨkɨta nderé, jare opaete ndeɨwɨ pewa reta re, jare opaete nemborɨa nembɨarakuaa wae reta re.’ Jukuärái ere chupe,” jei Tumpa Moisés pe.

Éxodo 8:8

Joko wi mburuwicha wasu uenika Moisés jare Aarón jare jei chupe reta: “Amaeñota aï peré peë peraa piyuka mbaemɨmba reta pemee waerä peTumpa pe,” jei. “Jayawe piyerure peTumpa pe umbɨsɨrɨ waerä kua pïte reta chewi jare cheɨwɨ pewa reta wi,” jei chupe reta.

Éxodo 9:27

Joko wi mburuwicha wasu uenika woi Moisés jare Aarón, jare jei chupe reta: “Añawe aikuaa ayawɨ ma ko peTumpa kotɨ. Añetete peTumpa jupi wae ko, erëi che jare cheɨwɨ pewa reta opaete teko iya ko ore.

Éxodo 9:28

Piyerure peTumpa pe oreré umɨmbɨta waerä kua ama jɨapu jare amandau kɨyete pewa. Tamaeño ma peré peë peo waerä. Awɨye ye ma pepɨta kua ɨwɨ Egipto pe,” jei mburuwicha wasu chupe reta.

Números 21:7

Jáeramo jeta yuweru uyembatɨ reta Moisés oï wae pe, jare omoë reta chupe iñee: “Ore nduyawɨ ma Tumpa kotɨ jare ndekotɨ wi oreyengeta kachi wae rupi. Erëi iyerure mii Tumpa pe oreré umbɨsɨrɨ waerä kua mboi reta orewi,” jei reta Moisés pe. Jayawe Moisés uyerure Tumpa pe jese reta umbɨsɨrɨ waerä chuwi jokua mboi reta.

Hechos 8:24

Jayawe Simón ipɨatɨtɨ rewe jei chupe reta: “Piyerure mii Tumpa pe cheré, awɨye uyeyapo waerä chewe kua pere chewe wae,” jei chupe reta.

Romanos 15:30

Hermano mii reta, yande pëti ramiño ñaï yandeYa Jesucristo re ramo, jare Espíritu Santo rupi yayerau päwe rewe ramo, che pumɨñera piyerure waerä cheré täta rupi Tumpa pe che ndiwe.

2 Corintios 1:10

Jukuärái Tumpa orerepɨ ma mano wi. Jare añawe rupi jekuaeño jae orerepɨ oï. Jare ore ndorowia katu jese jae jekuaeño orerepɨ waerä.