Éxodo 10:11 - Biblia

¹¹ “¡Kuña reta jare sambiaɨ reta ndarau etei yuraa! Kuimbae retaño ipuere oë yuraa peTumpa jee umbutuicha reta waerä, echa’ä jukuärái piyerure chewe tenonde yawe,” jei mburuwicha wasu Moisés pe. Joko wi mburuwicha wasu onoeka jëta wi Moisés jare Aarón.

Éxodo 10:11 Iomraidhean Croise

Éxodo 10:10

Jayawe mburuwicha wasu pochɨ rewe jei Moisés pe: “¡PeTumpawe ndarau ipuere pemborɨ peraa waerä kua wi pekuña reta jare pesambiaɨ reta, echa’ä amaeñota’ä etei aï peré peraa reta waerä! ¡Añawe aikuaa pe reta pipota ko chembɨtawɨ piko wae!” jei chupe.

Éxodo 10:28

Jare pochɨ rewe jei Moisés pe: “¡Ekua ye chewi kua wi! ¡Aipota’ä ye ma aecha nderowa! ¡Iyandareko ndiyé, echa’ä ndeyu ye yawe cherowai, che nduyukakata aï kuri!” jei chupe.

Éxodo 5:4

Erëi mburuwicha wasu jei chupe reta: “¡Joko peño ma!” jei chupe reta. “Moisés jare Aarón, ¿marái ramo pembɨyemboɨ peï chepione reta iparawɨkɨ wi? ¡Opaete wae tuñatima ye iparawɨkɨ pe!” jei chupe reta.