Éxodo 1:22 - Biblia

²² Jáeramo mburuwicha wasu oyokui opaete ɨwɨ Egipto pewa reta jare jei chupe reta: “Pemombo kuri ɨ wasu Nilo pe opaete sambiaɨ kuimbae hebreo jaeramo oa wae reta. Erëi oa yawe sambiaɨ kuña, pemaeño tuiko,” jei mburuwicha wasu chupe reta.

Éxodo 1:22 Iomraidhean Croise

Génesis 41:1

Joko wi mokui año ma uasa yawe, pëti pɨ̈tu mburuwicha wasu oke iko yawe, upau. Jare ipau pe jae iko ɨ wasu Nilo jee wae jembeɨ pe.

Éxodo 1:16

Jare mburuwicha wasu oyokui reta: “Pemborɨ yawe kuña Israel iñemoñaa reta imembɨ oa oï yawe, pemae jese. Kuimbae yawe, piyuka. Jare kuña yawe, pemaeño tuiko.” Jukuärái oyokui mburuwicha wasu jokua mokui kuña reta.

Éxodo 2:6

Jare uipea canasta yawe, uecha sambiaɨ uyao oï japɨpe. Jayawe mburuwicha wasu tayɨ uiparareko umae jese jare jei: “Kua sambiaɨ ko aipo jae pëti hebrea imembɨ,” jei.

Hechos 7:19

“Kua mburuwicha wasu iyarakuaa katuete uyapo waerä mbaembae kachi wae yanderamɨkue reta pe. Jae ueyaka chupe reta isambiaɨ jaeramo oa wae reta umano waerä,” jei Esteban chupe reta.

Hebreos 11:23

Jae nunga wi yanemandúa Moisés tu jare ichɨ re. Jae reta wɨrowia kawi Tumpa re. Jáeramo yepe tëi mburuwicha wasu jei opaete Israel iñemoñaa isambiaɨ kuimbae jaeramo oa wae reta imeta ko umano, erëitu Moisés oa yawe, tu jare ichɨ oñomi reta Moisés o pe mbapɨ yasɨ rupi. Echa’ä jae reta uecha Moisés ko jae sambiaɨ ikawi wae, jare ukɨye’ä reta mburuwicha wasu wi.