Éxodo 1:17 - Biblia

¹⁷ Erëi jokua mokui kuña upurumbɨyekuaku wae reta uipɨuete Tumpa wi. Jáeramo uyapo’ä reta mburuwicha wasu jei chupe wae. Umaeño iko waerä sambiaɨ kuimbae reta re.

Éxodo 1:17 Iomraidhean Croise

Génesis 42:18

Mbapɨ ara ma uasa yawe, José ueruruka ye tɨkeɨ reta jae jowai jare jei chupe reta: “Tumpa wi aipɨu wae ko che. Jáeramo piyapo yawe kua che jaeta pewe wae, jayawe ndarau puyukaka,” jei chupe reta.

Éxodo 1:18

Jayawe mburuwicha wasu ueruruka ye jokua mokui kuña upurumbɨyekuaku wae reta jare upɨrandu chupe reta: “¿Maera pa piyapo jukuärái? ¿Maera pa piyuka’ä jokua sambiaɨ kuimbae hebreo reta che poyokui rami?” jei chupe reta.

San Mateo 10:28

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

San Lucas 12:5

“Erëi che taikuaaka pewe kía wi ko ikawi pekɨye waerä. Ikawi ko pekɨye waerä Tumpa wi. Echa’ä jae ipuere wi perete uyuka pewi. Jare joko wi ime onoi mbaepuere pemondo waerä Tatawasurenda pe. Jáeramo che tae pewe, chuwi ko ikawi pekɨye waerä,” jei Jesús chupe reta.

Hechos 5:29

Jayawe Jesús jemimboe tenondewaete reta ipɨte wi Pedro uyemɨngeta opaete pewarä, jare jei mburuwicha reta pe kuärái: “Pe reta pipota’ä tëi ore nduyapo waerä Tumpa jei orewe wae. Erëi nduyapota ko Tumpa jei wae, pe reta pere wae wi,” jei chupe reta.