Éxodo 1:16 - Biblia

¹⁶ Jare mburuwicha wasu oyokui reta: “Pemborɨ yawe kuña Israel iñemoñaa reta imembɨ oa oï yawe, pemae jese. Kuimbae yawe, piyuka. Jare kuña yawe, pemaeño tuiko.” Jukuärái oyokui mburuwicha wasu jokua mokui kuña reta.

Éxodo 1:16 Iomraidhean Croise

Éxodo 1:15

Jaɨkue rupi mburuwicha wasu ueruruka mokui kuña upurumbɨyekuaku wae reta, Sifra jare Fúa jee wae reta. Jae reta omborɨ kuña hebrea reta imembɨ oa yawe.

Éxodo 1:22

Jáeramo mburuwicha wasu oyokui opaete ɨwɨ Egipto pewa reta jare jei chupe reta: “Pemombo kuri ɨ wasu Nilo pe opaete sambiaɨ kuimbae hebreo jaeramo oa wae reta. Erëi oa yawe sambiaɨ kuña, pemaeño tuiko,” jei mburuwicha wasu chupe reta.

San Mateo 21:38

“Erëi uvarupa uiporu wae reta uecha taɨ ou oï yawe, jei reta iyupe: ‘Pea ou oï wae ko jae uvarupa iyarä wae. Yayuka ñañono, jare uvarupa upɨtata yanemaerä,’ jei iyupe reta.

Hechos 7:19

“Kua mburuwicha wasu iyarakuaa katuete uyapo waerä mbaembae kachi wae yanderamɨkue reta pe. Jae ueyaka chupe reta isambiaɨ jaeramo oa wae reta umano waerä,” jei Esteban chupe reta.

Hebreos 11:23

Jae nunga wi yanemandúa Moisés tu jare ichɨ re. Jae reta wɨrowia kawi Tumpa re. Jáeramo yepe tëi mburuwicha wasu jei opaete Israel iñemoñaa isambiaɨ kuimbae jaeramo oa wae reta imeta ko umano, erëitu Moisés oa yawe, tu jare ichɨ oñomi reta Moisés o pe mbapɨ yasɨ rupi. Echa’ä jae reta uecha Moisés ko jae sambiaɨ ikawi wae, jare ukɨye’ä reta mburuwicha wasu wi.

Apocalipsis 12:4

Jare juwai pe uipɨsɨ mbɨte seri yasɨtata reta omombo ɨwɨ kotɨ. Jare jae uyemboɨ kuña imembɨ oata wae jowai opa waerä tëi jou chuwi imembɨ oa yawe.