Efesios 6:5 - Biblia

⁵ Jare añawe che jae aï uyeyokui wae reta pe wi kuärái: Tuyapo uipɨu rewe ipatrón jei wae rupi. Tuyeyokui reta chupe ipɨakɨrëɨ rewe Cristo pe uyeyokui wae rami.

Guaraní Pe (Western): Simba

⁵ Uyeyocui vae reta tuyapo ipatrón jei vae uipɨu reve jare umbutuicha reve. Ipɨaquɨrẽɨ reve tuyeyocui ipatrón pe. Tuyeyocui chupe, Cristo pe uyeyocui rami.

Efesios 6:5 Iomraidhean Croise

Génesis 16:9

Jayawe araɨwa Tumpa etei wae jei chupe: “Iñatima yewɨ ndeya Sarai kotɨ jare iyapo jae jei ndewe wae rupi,” jei.

San Mateo 6:22

“Kërái pemae pembaembae re, jukuäraita iko pemaerä. Echa’ä neräkateɨ'ä yawe nembaembae re, ndiyekouta neï kuri opa kërái rái rupi. Jokua ikota ndewe pëti tembipe ikawi wae pe ndiko wae rami.

San Mateo 6:24

Jare Jesús jei wi umbɨjaanga rewe: “Kiawe ndarau ipuere uyeyokui mokui karái pe pëti jei wae peño. Echa’ä jukuärái yawe, uauta pëti wae jare ïruwe uñamɨtäata. Jae nunga wi jae jatangätuta oï pëti wae pe, jare ïruwe re ndarau uipota umae. Jukuärái wi ko pe reta pepuere’ä piyeyokui Tumpa pe pipotaete korepoti rewe,” jei chupe reta.

San Mateo 8:9

“Echa’ä che aikuaa wi kërái ko mbaepuere reta. Che ime anoi chemburuwicha reta, jare che imeta ko ayapo jae reta jei chewe wae. Jae ramiño wi ime sɨndaro reta che ayokui wae. Che jae yawe pëti sɨndaro pe, ‘Ekua,’ jae oota ko. Jare jae yawe ïru sɨndaro pe, ‘Eyu,’ jae imeta ko ou. Jae ramiño wi che jae yawe uyeyokui chewe wae pe mbae uyapo waerä, jae imeta ko uyapo. Jáeramo che aikuaa nde mbae ndere yawe, uyeyapota ko,” jei sɨndaro Jesús pe.

Hechos 2:46

Jare opa ara rupi yuraa uyembatɨ reta tupao wasu joka pe umbutuicha reta waerä Tumpa jee. Jare tëta tëta rupi umbɨyao tembiu iyupe reta, jare ukaru päwe reta uyerowia rewe jare uñemɨmichi rewe.

Romanos 9:3

Echa’ä Tumpa iarasɨ imeño oï cherëtáɨwa Israel iñemoñaa reta re. Jare aipota tëi Tumpa chembɨsɨrɨ waerä Cristo wi jare uiporaraka waerä chewe jae reta ipepɨka pe awɨye waerä Tumpa iarasɨ uitɨ jese reta.

1 Corintios 2:3

Jare che jaeramo a pepɨ yawe, che a cherete ipɨräta’ä iko rewe. Jare arɨrɨ aiko parawete akɨye ramo, aramoi ayawɨta aiko mbarawɨkɨ Tumpa umee chewe wae.

1 Corintios 7:22

Echa’ä yepe tëi kía pëti pione ko, erëi yandeYa ueni yawe iko waerä jae imaerä, jokua pione uyenduta oï yandeYa uepɨ rami ma ko. Jae ramiño wi yepe tëi kía jae’ä ko pionerä iko wae, erëi yandeYa ueni yawe iko waerä jae imaerä, jae ma ko Cristo pe täta rupi uyeyokui wae.

2 Corintios 1:12

Kua añawe ndoeta pewe wae, ndoeta pewe nduyerowia rewe jare orepɨa orembɨjeko mbae rewe. Jae ko kua: Ore nduiko yawe Cristo re wɨrowia mbae wae reta ipɨte rupi jare pe reta ndiwe wi, ore nduiko kawi orereko mbae rewe. Ndupurumbɨtawɨ'ä etei. Erëi ore mbaetɨ ko oreiño orearakuaa rupi nduiko jukuärái. Ore ko noï Tumpa ipɨakawi rupi.

2 Corintios 7:15

Jare Tito imandúa kërái pe reta piyapo jae jei pewe wae re, jare kërái pembɨasa kawi pipɨu rewe. Jáeramo añawe Tito jeiete perau oï.

Efesios 5:22

Añawe che jae aï kuña reta ime rewe wae pe kuärái: Tuiko ime jei wae rupi kërái yandeYa jei wae rami.

Efesios 6:24

Tumpa tipɨakawi opaete yandeYa Jesucristo uauete wae reta pe. Jukuärái tuiko.

Filipenses 2:12

Jáeramo cheïru puau mii wae reta, che pumɨñerata mbae piyapo waerä. Pe reta pikuaa ime mbaembae Tumpa uipota pe reta piyapo waerä wae tekowe opa mbae wae ime penoi ramo. Jare che aiko yawe pe reta ndiwe, jekuaeño piyapo jokua mbaembae Tumpa wi pipɨu rewe. Erëi che pumɨñera jeiete jukuärái piyapo kawi waerä añawe rupi che mbaetɨ ma aï pe reta ndiwe rambuewe.

Filemón 1:16

Erëi añawe jae mbaetɨ ma ko pëti uyeyokui ndewe waeño. Añawe jae ko pëti yandehermano yaau mii wae. Jare jokua ikawiete ko pëti uyeyokui wae wi. Che au ko, erëi nde uasaete ye ma ko ndeauta aipo. Awɨye mii ma emae jese jae ko uyeyokui wae echaño. Emae mii jese jae ko nderɨwɨete rami yandeYa re wɨrowia ramo.

Josué 24:14

Josué jei Israel pewa reta pe: “Pipɨu Tumpa wi jare jekuaeño piyeyokui kawi chupe,” jei. “Pemombo peyuwi jokua tumparaanga reta arakae peramɨkue reta umbɨadorase wae, jae reta yureko yawe ɨwɨ Mesopotamia pe jare ɨwɨ Egipto pe. Che jae aï pewe piyeyokui kawi waerä Tumpa ikoño mái wae pe,” jei.