Efesios 6:1 - Biblia

¹ Añawe che jae wi sambiaɨ reta pe kuärái: Tuyapo opaete mbaembae tu jare ichɨ jei wae rupi. Echa’ä jokua ko jae yandeYa uipota wae, jare jupi ko uyapo reta waerä.

Guaraní Pe (Western): Simba

¹ Cunumi reta jare cuñatai reta tuyapo tu jare ichɨ jei vae, yandeYa re güɨrovia ramo. Echa'ã cua jupi co.

Efesios 6:1 Iomraidhean Croise

Génesis 28:7

Jare Esaú uecha Jacob uyapo oï tu jare ichɨ jei chupe wae rupi.

Génesis 37:13

Jare mbowɨ ara ma yuweru yewɨ'ä yureko reta. Jayawe Jacob jei José pe: “Nderɨkeɨ reta ime uyandareko ñonoï cheowecha reta re Siquem pe,” jei. “Ekua emae nderɨkeɨ reta re kërái ra oï reta wae. Jare eru che kuri ñee ipɨau wae jesewa reta jare cheowecha reta rewa,” jei chupe. Jayawe José jei tu pe: “Taa jayawe,” jei chupe. Jayawe Jacob omondo José ɨwɨ ipe tuicha Hebrón jee wae wi.

San Lucas 2:51

Jayawe Jesús oo ye Nazaret pe jae reta ndiwe, jare jekuaeño uyapo jae reta jei wae rupi. Jare Jesús ichɨ upi ipɨa pe opaete jokua mbaembae uasa wae.

Romanos 12:2

Kua ɨwɨ pewa reta opaete seri oyowaicho ñonoï Tumpa kotɨ jare jae reta jeko kachi oï Tumpa jowai. Jáeramo pereko awɨye toï jae reta jeko rami. Pemaeño Tumpa re umbɨpɨau waerä pepɨayemɨngeta, jare jukuärái umbɨambɨe waerä pereko. Jare jukuärái piyapo yawe, pikuaa kawita peï mbae Tumpa uipota piyapo waerä wae – jae ko mbaembae ikawi wae, jare jupi wae, jare umbɨyerowia Tumpa wae.

Romanos 16:2

Jáeramo jae oo uwäe yawe, pembɨasa kawi mii kuri yandeYa jee re. Echa’ä ikawi ko jukuärái yayapo waerä yandeyupe, yande Tumpa ñaneñono tee jae imaerä wae reta. Jare pemborɨ mii wi Febe aramoi mbae uata chupe yawe, echa’ä jae omborɨ ma jeta wae reta jare che chemborɨ wi.

Romanos 7:12

Jayawe opaete mbaembae Tumpa jei Moisés rupi wae ikawi wae ko tëi jare jupi ko.

1 Corintios 15:58

Jáeramo hermano mii reta, piñemɨmɨräta yandeYa re, jare awɨye pesɨrɨ chuwi. Jekuaeño piñemɨatangätu piyapo waerä mbarawɨkɨ yandeYa umee pewe wae. Echa’ä pe reta pikuaa peï, peparawɨkɨ yawe yandeYa pe, yandeYa umeeta oï pewe kuri ikawiete wae jokua re.

1 Timoteo 5:4

Erëi kuña ime umano wae ime onoi yawe imembɨ reta jare jamarïro reta, jayawe jae reta tomborɨ uikuaaka waerä uyeyokui ko ñonoï Tumpa pe. Echa’ä kuña ime umano wae uyandareko ma imembɨ reta re jare jamarïro reta re michi raɨ wiwe. Añawe ikawi ko jae reta uyandareko yuapɨ ye waerä ichɨ re jare iyarɨ re. Jare jukuärái uyapo yawe, jae reta umbɨyerowia ko ñonoï Tumpa.

1 Pedro 2:13

Ikawi’äete ko yandereko pewa ïru wae reta kachi uyemɨngeta waerä yandeYa kotɨ. Jáeramo piyapo opaete mburuwicha reta kua ɨwɨ pewa jei pewe wae. Kua yandeɨwɨ pe mburuwicha wasu opaete wae re onoi mbaepuere.