Efesios 5:6 - Biblia

⁶ Piyandareko kawi piyé, echa’ä aramoi imeta oï kía jei pewe ikawiño ko yayapo waerä jokua mbaembae. Erëi awɨye piyembɨtawɨka, echa’ä jokua ñee upurumbɨtawɨ wae pewa ko. Jare Tumpa iarasɨ uitɨta oï jese jekuaeño uyapo jokua mbaembae ikawi mbae wae re.

Guaraní Pe (Western): Simba

⁶ Agüɨye pemaeño quía re pembɨtavɨ vaerã cua re. Echa'ã cua icavi mbae vae jeco pegua Tumpa uiporaracata co Tumpa jei vae uyapo'ã vae reta pe.

Efesios 5:6 Iomraidhean Croise

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

San Mateo 24:4

Jayawe Jesús jei chupe reta: “Piyandareko kawi piyé kuri awɨye waerä kiawe pembɨtawɨ,” jei chupe reta.

Marcos 13:22

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

Marcos 13:5

Jayawe Jesús jei chupe reta: “Piyandareko kawi piyé kuri awɨye waerä kiawe pembɨtawɨ,” jei chupe reta.

Romanos 1:18

Erëi Tumpa ara wi uikuaaka oï kërái jae pochɨete oï wɨrowia mbae jese wae reta kotɨ jare mbae ikawi mbae wae uyapo wae reta kotɨ. Jare jupi ko jae kërái uiporaraka chupe reta waerä. Echa’ä yepe tëi jae reta uikuaa añetete wae Tumpa rewa, erëi jae reta jeko kachi rupi oyopia ñonoï jokua arakuaa.

Colosenses 2:18

Jáeramo ime yawe kía uipota pembɨjeko pe reta pembutuicha’ä Tumpa jee kërái jae uyapo rami wae re, awɨye piyapɨsaka jese. Jokua nunga reta uipota uñemɨmichiraanga opaete wae jowake. Jare umbutuicha reta araɨwa reta, jare jekuaeño jei reta uyembɨkate rewe, “Tumpa uikuaaka chewe,” jei reta tëi. Iyupe reta jae retái ipɨayemɨngeta ikawi oï tëi, jare uyembɨkate reta jokua re.

Colosenses 2:4

Kua mbaembae che jae pewe awɨye waerä kía pembɨtawɨ yemboe jupi echa wae rupi.

Colosenses 2:8

Jare piyandareko kawi piyé awɨye waerä kía pembɨtawɨ jae iyarakuaa rupiño. Jokua arakuaa jupi wae echa ko, erëi ou’ä ko Cristo wi. Ou kuimbae reta wiño, jare jae ko arakuaa kua ɨwɨ pewaño.

Colosenses 3:6

Jeta wae reta uyapo ñonoï kua nunga mbaembae. Jare jokua jeko pewa Tumpa iarasɨ uitɨta oï jese reta.

2 Tesalonicenses 2:3

Awɨye wi pemaeño kía re pembɨtawɨ waerä. Echa’ä ndei ara yandeYa pewa uwäe mbowe, imeta ko uyeyapo rani ïru mbaembae. Echa’ä jeta wae reta oyowaichoeteta Tumpa kotɨ. Jare uyekuaata wi oï jokua kuimbae ikawi mbaete oï jese wae. Jokua kuimbae Tumpa omombota oï kuri Tatawasurenda pe.

Hebreos 13:9

Erëi kua ɨwɨ pe ime jeta yemboe ambɨe ye ye wae reta. Jáeramo piyandareko kawi piyé, echa’ä pemaeño piyé yawe, jokua yemboe reta ipuere pembopia Jesucristo wi. Erëi ikawi ko yande reta jekuaeño ñañemɨmɨräta waerä Tumpa ipɨakawi re. Jeta wae reta uipota tëi uñemɨmɨräta Tumpa re teko tembiu pewa rupi. Erëi mbaetɨi yanemborɨ jokua nunga teko reta.

Hebreos 3:19

Jukuärái ko yaikuaa jae reta wɨrowia’ä Tumpa jei wae jeko pewa ipuere’ä uike reta jokua ɨwɨ pe kiape uputuuta tëi yureko wae pe.

1 Pedro 2:8

Jare jae nunga wi Cristo ikota pëti ita rami ipotawe wae kía ipɨsapäa jese waerä. Echa’ä jeta wae reta ipɨsapäata oa oo rami, jare jukuärái ndarau uepitɨ reta tekowe opa mbae wae. Kua nunga reta uyapɨsaka’ä Tumpa iñee re, jare jokua jeko pewa ipɨsapäa reta rami. Echa’ä Tumpa jeiño mái jokua uyeyapo waerä.

1 Juan 4:1

Cheïru puau wae reta, awɨye perowia woi ipotawe kía Tumpa iñee ou umɨmbeu wae, echa’ä añawe rupi ime jeta wae reta Tumpa iñee umɨmbeuraanga wae reta. Jayawe ime yawe kía ou piyembatɨ wae pe jare jei pewe yawe, “Che ko jae Tumpa iñee umɨmbeu wae,” pemboporowa rani jae iñee añetete ra ou Tumpa wi wae.