Efesios 5:5 - Biblia

⁵ Echa’ä pepuere pikuaa kawi kua re: Jokua ara Cristo oï ma yawe opaete wae imburuwicha wasurä, kía iawasapota wae jare kía jekuaeño mbae kachi uyapo wae oïta’ä etei jae ndiwe. Jare oïta’ä jae ndiwe wi kía korepoti jekuaeño uipotaete jae imaeräño wae, echa’ä korepoti oï chupe itumparaanga rami. Jáeramo awɨye ma piyapo jokua mbaembae jae reta uyapo wae rami.

Guaraní Pe (Western): Simba

⁵ Echa'ã pe reta picuaa cua: Aguasa uyapo vae reta, jare opaete mbae pɨchɨ̃i vae uyapo vae reta, jare ĩru vae reta imbaembae uipota vae reta - echa'ã uipota ete ĩru vae reta imbaembae Tumpa güi - ndarau yugüɨreco Cristo jare Tumpa iporoyocuia pe.

Efesios 5:5 Iomraidhean Croise

Éxodo 20:17

“Jare awɨye pepɨa pe pipotaete rewe pemae mbaembae perapicha jëta pe onoi wae re. Awɨye pemae pipotaete rewe perapicha jembireko re, jare perapicha pe uyeyokui wae reta re, jare iweye reta re, jare imburika reta re, jare ïru imbaembae reta re.” Jukuärái jei Tumpa Israel iñemoñaa reta pe.

Hechos 20:32

“Añawe poñono aï Tumpa ipo pe. Jae tuyandareko kawi mii peré,” jei. “Pemanduañoi wi jokua ñee Tumpa ipɨakawiete yandewe wae re. Echa’ä jokua ñee rupi Tumpa ñanemɨmɨräta ikotɨ, jare umee yandewe yanderendarä opaete Tumpa oñono tee jae imaerä wae reta ndiwe,” jei Pablo chupe reta.

Hechos 8:21

“Ndarau ndepuere ndeparawɨkɨ ore ndiwe, echa’ä ndepɨa jupi’ä ko Tumpa kotɨ,” jei chupe.

Gálatas 5:19

Yande reta yaikuaa kawi kërái ko kía iko yawe jae jei wae rupiño. Echa’ä uyapo awasa, jare uyapo mbaembae kachi wae, jare imbɨkere.

Gálatas 5:21

Iñemɨrose. Upuruyuka. Usawɨpo. Jare uyapo arete wi. Jare jeta ïru kua nunga mbaembae ikawi mbae wae uyapo kía iko yawe jae jei wae rupiño. Che tamɨmbeu ye pewe kua nunga mbaembae ikawi mbae wae rupi yureko wae reta ndarau etei ñonoï Tumpa ndiwe, jae oï ma yawe opaete wae imburuwicha wasurä jaeño mái pewa.

Efesios 5:3

Jare wi pe reta ko jae Tumpa oñono tee jae imaerä wae. Jáeramo ndarau ikawi piyapo waerä awasa jare mbaembae kachi wae. Jare awɨye korepoti jekuaeño pipotaete pemaeräño.

Colosenses 1:13

Echa’ä yandeRu Tumpa yanderepɨ ma Añawasu imbaepuere wi jare ñaneñono ma Taɨ imbaepuere pe. Tumpa uauete Taɨ, jare añawe uyapo ma yandewe ñaï waerä Taɨ ndiwe Taɨ oï ma yawe opaete wae imburuwicha wasurä jaeño mái pewa.

Colosenses 3:5

Jayawe pe reta peï ma tekowe ipɨau wae pe ramo, pemombo mii peyuwi pereko kua ɨwɨ pewa. Jáeramo awɨye piyapo awasa. Jare awɨye wi pembɨkere. Awɨye awe piyemɨngeta pepɨa pe awasa piyapo waerä. Awɨye pipota mbae ikawi mbae wae. Jare awɨye jekuaeño jeta mbaembae pipotaete pemaeräño. Echa’ä jukuärái piyapo yawe, jokua mbaembae pipotaete wae uyeyapota petumparaangarä.

1 Timoteo 6:10

Echa’ä kía uipotaete korepoti onoi wae uyawɨta opa kërái rái rupi Tumpa kotɨ. Jukuärái amokue wae reta usɨrɨ ma yemboe añetete wae wi. Jáeramo jeta mbaesusere ou chupe reta.

1 Timoteo 6:17

Jare añawe che aipota numbɨarakuaa ikokatu wae Cristo re wɨrowia wae reta rewa. Ere chupe reta awɨye waerä ikate iparawete wae reta kotɨ. Ere wi chupe reta awɨye waerä uyeko ikorepoti re, echa’ä aramoi ɨmambae opata chuwi reta. Ikawiete ko uyeko reta waerä Tumpa imeño mái iko wae re. Jae ko umee yandewe opaete mbaembae yayekou waerä jese.

Hebreos 13:4

Umenda wae reta jekuaeño tuyerereko kawi. Awɨye kía tuyapo awasa. Echa’ä Tumpa uiporarakata oï awasa uyapo wae reta pe jare imbɨkere wae reta pe.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.