Efesios 5:4 - Biblia

⁴ Jare piyemɨngeta yawe ïru wae reta ndiwe, jekuaeño piyemɨngeta pemee rewe yasurupái Tumpa pe. Awɨye ma piyemɨngeta iyarakuaa mbae wae reta jare ipotawe imbɨkere wae reta uyemɨngeta wae rami. Echa’ä ndarau ikawi kía Tumpa oñono tee jae imaerä wae uyemɨngeta waerä jukuärái.

Guaraní Pe (Western): Simba

⁴ Jare agüɨye vi piyemɨngueta imbɨquere vae reta uyemɨngueta rami. Agüɨye piyemɨngueta iyaracuaa mbae vae reta uyemɨngueta rami. Agüɨye peyurupɨchɨ̃i ñee icavi mbae vae pe. Echa'ã icavi'ã piyemɨngueta vaerã jucuarãi. Ẽrei cua mbaembae icavi mbae vae pere vaerãve pemee yasurupai Tumpa pe.

Efesios 5:4 Iomraidhean Croise

Marcos 7:22

pemonda, pipota ïru wae reta imbaembae, piyapo mbae kachi wae, pepurumbɨtawɨ, piñemɨro perapicha pe, ikawi mbae wae pere perapicha kotɨ, piyembɨkate, jare piyeyapo pearakuaa mbae echa rami,” jei.

San Juan 6:23

Jayawe yuweru uwäe ïru chalana reta tëta wasu Tiberias wi joko pe. Joko wi mbɨrɨ'ä iko ïruwe ara pe ukaru reta wae – jae ko kiape jou reta mbɨyape yandeYa umbɨjeta chupe reta wae umee yawe yasurupái Tumpa pe.

Romanos 1:28

Jayawe opaete wae uikuaa tëi yureko Tumpa rewa, erëi jesewe opaete seri opa umbɨsɨrɨ iyuwi jokua arakuaa. Jáeramo Tumpa ipɨatɨtɨ rewe opa ueya reta uyemɨngeta reta waerä ipɨa pe opaete mbaembae ikawi mbae wae re. Jare jokua jeko pewa jae reta añawe rewa jekuaeño uyapo opaete mbaembae ikawi mbae wae Tumpa jowai.

2 Corintios 1:11

Erëi oremborɨ mii, pe reta, yerure rupi. Echa’ä jeta wae reta uyerure yawe Tumpa pe oreré, jae reta tuicha rupi uyapota yasurupái Tumpa pe jokua mbae ikawi wae Tumpa uyapo orewe wae re.

2 Corintios 9:15

¡Yasurupái Tumpa pe mbae ikawiete ye umee yandewe wae re! Yandepuere rape’ä opa ñanemiäri jese.

Efesios 1:16

Jare jokua ayandu wiwe jekuaeño amee aï yasurupái Tumpa pe jae uyapo pewe wae re. Jare ayerureñoi aï Tumpa pe peré.

Efesios 4:29

Jare piyandareko kawi piyé mbae pere wae rupi. Awɨye ñee ikawi mbae wae pemoë. Pemoë ñee ikawi waeño pemɨkɨrëɨ waerä ïru wae reta. Jare jukuärái ipotawe kía piñee re uyapɨsaka wae uñemɨmɨrätata Tumpa re.

Filipenses 4:6

Awɨye etei piyembɨpɨa’ä mbae re awe. Erëi piyerure Tumpa pe opaete mbaembae re. Peka chupe opaete mbaembae uata oï pewe wae yasurupái pemee chupe rewe, echa’ä jae uyandu oï piyerure chupe wae re.

Colosenses 3:8

Erëi añawe pëti jei wae peño imeta ko peya opaete kua ïru ikawi mbae wae reta wi: jae ko arasɨ, mbochɨ, mbae ikawi mbae piyapo peyupe wae, kachi piyemɨngeta perapicha kotɨ wae, jare ñee kachi wae.

1 Tesalonicenses 3:9

¡Kërái etei ko numee yasurupái Tumpa pe jokua yerowia pemee orewe wae re!

1 Tesalonicenses 5:18

Jare jekuaeño pemee yasurupái Tumpa pe ipotawe mbae uyeyapo pewe wae rupi. Echa’ä jukuärái ko Tumpa uipota piyapo waerä, pe pëti ramiño peï Jesucristo re wae reta.

Filemón 1:8

Jáeramo ime anoi mbae mii re che aipota numɨñera jese wae. Jare kua pe jupi ko che jae waerä tëi ndewe mbae jupi wae ndiyapo waerä. Echa’ä Cristo umee chewe mbaepuere jukuärái ayapo waerä.

Hebreos 13:15

Añawe rupi yande reta mbaetɨ ma yambɨyerowia Tumpa mbaemɨmba reta yaraa ñamee chupe wae rupi. Echa’ä Cristo opa ma umbɨambɨe opaete jokua yandewe. Añawe rupi yambɨyerowia ko Tumpa jae jee yambutuicha wae rupi. Jayawe yambutuicha jae jee opaete wae jowake.

2 Pedro 2:18

Jare jokua oporomboe kachi wae reta, ime ye ambɨe mbae kachi uyapo reta wae. Jae reta uyemɨngeta uyembɨkate rewe. Yepe tëi iñeengatu reta, erëi jokua usiriwe’ä etei kía imaeräwe. Jae reta jei tëi: “Yandepuere yaiko yanderete uipota wae rupiño. Jokua mbae’ä ko,” jei reta. Jukuärái jae reta umbɨtawɨ jaeramo wɨrowia Cristo re wae reta. Echa’ä umɨkɨrëɨ uyapo reta ye waerä jokua jaeramo mbaembae kachi opa tëi ueya reta wae.

2 Pedro 2:7

Jare Tumpa opa umbái yawe jokua tëta wasu reta, jae uepɨ Lot. Echa’ä Lot ko jae kuimbae jupi wae Tumpa kotɨ. Opa ara rupi jae uecha mbaembae kachi jokua tëta wasu pewa reta uyapo wae, jare uyandu wi kachi kachi uyemɨngeta reta. Jare Lot jupi ramo, uiporara jare ipɨatɨtɨ parawete jokua uyandu jare uecha wae re. Jáeramo Tumpa uiparareko jare uepɨ.

Judas 1:10

Erëitu kua kuimbae reta uyemɨngeta kachi jeta mbaembae rewa, yepe tëi jae reta uikuaa kawi’ä jokua mbaembae rewa. Jare jokua michi mii jae reta uikuaa tëi wae, jokuawe urukachi reta. Jae reta yureko wɨraeño ipotawe rupi mbaemɨmba iko wɨraeño wae rami. Jare kua mbaembae jae reta uyapo wae rupi etei ou oï chupe reta Tumpa iarasɨ wasu.

Judas 1:13

Jae nunga wi kua kuimbae reta ko jae ɨaparoa wasu tɨrɨye rami. Echa’ä jae reta umaeño iyé uyereraaka waerä kotɨ kotɨ jete uipota wae rupi, jare jukuärái jekuaeño uyapo reta mbaembae ñemɨmaraka pewa. Kua nunga reta re ndarau ikawi kiawe wɨrowia waerä, echa’ä jae reta ko jae yasɨtata uwata wae reta rami. Jáeramo Tumpa uyapɨkatu ma chupe reta kiape pɨ̈tumimbiete oï wae pe joko pe omombo reta waerä jaeño mái pewa.