Efesios 5:3 - Biblia

³ Jare wi pe reta ko jae Tumpa oñono tee jae imaerä wae. Jáeramo ndarau ikawi piyapo waerä awasa jare mbaembae kachi wae. Jare awɨye korepoti jekuaeño pipotaete pemaeräño.

Guaraní Pe (Western): Simba

³ Ẽrei agüɨye etei piyapo aguasa jare opaete mbae pɨchɨ̃i vae, jare agüɨye pipota ĩru vae reta imbaembae. Echa'ã Tumpa peñono tee ma iyupeguarã.

Efesios 5:3 Iomraidhean Croise

Éxodo 20:17

“Jare awɨye pepɨa pe pipotaete rewe pemae mbaembae perapicha jëta pe onoi wae re. Awɨye pemae pipotaete rewe perapicha jembireko re, jare perapicha pe uyeyokui wae reta re, jare iweye reta re, jare imburika reta re, jare ïru imbaembae reta re.” Jukuärái jei Tumpa Israel iñemoñaa reta pe.

Jeremías 6:13

Opaete wae – iparawete wae reta wiwe jare mburuwicha retawe – ipɨa pe uipotaete ye korepoti. Oete ye jokua wi Tumpa iñee umɨmbeu wae reta jare sacerdote retawe upurumbɨtawɨ wae reta ko.

San Mateo 15:19

“Echa’ä pepɨa wi ko oë opa mbae ikawi mbae wae, echa’ä pepɨa pe piyemɨngeta mbaembae kachi wae re jare joko wi pepuruyuka, piyapo awasa, pembɨkere, pemonda, papu ïru wae reta re, jare ikawi mbae wae pere perapicha kotɨ,” jei.

San Lucas 12:15

Jayawe Jesús jei opaete wae pe: “Piyandareko kawi piyé awɨye waerä jeta mbaembae pipotaete. Jeta wae reta wɨrowia tëi jeta mbaembae onoi yawe, jekowe ikawita oï. Erëi jukuärai’ä ko,” jei chupe reta.

San Lucas 16:14

Jare fariseo reta kua uyandu yawe, oyoyai Jesús. Echa’ä jae reta uipotaete korepoti.

Hechos 15:20

Erëi ikawi ko yaikuatía waerä chupe reta tupapire kuärái: ‘Awɨye tuyemɨngɨa reta Tumpa kotɨ tumparaanga reta rupi. Jare awɨye tou reta wi mbaemɨmba uyeyuwɨkue isoo, jare awɨye tou reta wi tuwɨ. Jare awɨye tuyapo reta awasa.’ Jukuärái yaikuatiata chupe reta,” jei.

Hechos 20:33

“Che pëti wese awe amae’ä aipotaete rewe pekorepoti re, jare peoro re, jare peremimonde re,” jei.

Romanos 1:29

Jae reta jekuaeño uyapo mbae jupi mbae wae, jare iawasapota reta. Jekuaeño uipotaete reta korepoti jae reta imaeräño. Jare uyapoñoi reta mbae ikawi mbae wae. Iñemɨrose reta. Upuruyuka reta. Iyeakase reta. Upurumbɨtawɨ reta. Jeko kachi reta. Jare indayepota reta.

Romanos 16:2

Jáeramo jae oo uwäe yawe, pembɨasa kawi mii kuri yandeYa jee re. Echa’ä ikawi ko jukuärái yayapo waerä yandeyupe, yande Tumpa ñaneñono tee jae imaerä wae reta. Jare pemborɨ mii wi Febe aramoi mbae uata chupe yawe, echa’ä jae omborɨ ma jeta wae reta jare che chemborɨ wi.

Romanos 6:13

Añawe pe reta ko jae umano wae ikowe ye ou wae rami. Jáeramo awɨye ye ma pemee perete teko kachi pe. Awɨye ye ma perete tuiko teko kachi jembiporu rami. Erëi piñemee mii Tumpa pe piyapo waerä mbae ikawi wae. Perete tuiko Tumpa jembiporu rami piyapo waerä mbae jupi wae.

1 Corintios 10:8

Jare awɨye wi yande reta yayapo awasa kërái jeta jae reta uyapo rami. Echa’ä jukuärái uyapo reta ramo, Tumpa täta rupi uiporaraka chupe reta. Jare jokua ara woi umano reta 23.000 rupi.

1 Corintios 5:1

Ime ye oï ambɨe ñee ambɨetata aï pewe wae. Jeräkua ma opaete kerupi mbae kachiete wae uasa oï pepɨte pe. Jare jokua mbae Tumpa re wɨrowia mbae wae retawe mbaetɨ ipuere umbɨasaiño. Ime ndaye pepɨte pe pëti wae wɨreko oï ichɨraanga.

1 Corintios 6:13

Jare amokue pe reta pere peï kuärái: “Tembiu yanderɨe pewarä ko, jare yanderɨe tembiu pewarä ko wi. Erëi pëti ara Tumpa mokui rewe umbaita oï. Jare jukuärái ko yanderete oï wi. Pëti ara yanderete Tumpa umbaita oï. Jáeramo mbae’ä ko yayapo waerä awasa.” Jukuärái amokue pe reta pere tëi. Erëi jukuärai’ä ko. Añetete pëti ara yanderete kua ɨwɨ pewa opata oï. Erëi Tumpa umbɨjekowe yeta oï yanderete imbaepuere tuichaete wae rupi kërái jae umbɨjekowe ye yandeYa rami. Jayawe yanderete jae’ä ko awasa pewarä – jae ko yayeyokui kawi waerä yandeYa pe. Jare yandeYa ko jae yanderete iYa.

1 Corintios 6:18

Jáeramo pe reta awɨye etei piyapo awasa. Pesɨrɨ chuwi. Echa’ä jae ko mbae kachi Tumpa jowai, jare mbaetɨ etei ambɨe mbae kachi ipuere urükumewa perete wae kua mbae wi. Echa’ä kía uyapo awasa wae, jete kotɨ etei ko uyapo oï mbae kachi.

2 Corintios 12:21

Ayembɨpɨa’ä aï wi aramoi chemarata apɨta pewi Tumpa jowake, jare tuicha rupi chepɨatɨtɨta jokua re. Echa’ä aramoi pepɨte pe jokua tenonde yawe teko kachi rupi yureko wae reta jekuaeño ueya’ä jokua ipɨayemɨngeta kachi wae. Aramoi imeño ko awasa pe ñonoï reta jare mbɨkere rupi.

Efesios 5:5

Echa’ä pepuere pikuaa kawi kua re: Jokua ara Cristo oï ma yawe opaete wae imburuwicha wasurä, kía iawasapota wae jare kía jekuaeño mbae kachi uyapo wae oïta’ä etei jae ndiwe. Jare oïta’ä jae ndiwe wi kía korepoti jekuaeño uipotaete jae imaeräño wae, echa’ä korepoti oï chupe itumparaanga rami. Jáeramo awɨye ma piyapo jokua mbaembae jae reta uyapo wae rami.

Filipenses 1:27

Erëi ipotawe mbae uasa chewe wae rupi, che pumɨñera pechaka waerä teko kawi opaete wae jowake, jae reta umae kawi waerä ñee ikawi Cristo rewa wae re. Echa’ä jukuärái piyapo yawe, aikuaata pe reta piñemɨmɨräta peï pëti ramiño, jare pëti ramiño piñemɨatangätu peï ñee ikawi wae pemɨmbeu waerä. Jukuärái aipota pereräkua kawi waerä chewe chepuere’ä añatima ye pekotɨ yawe.

Colosenses 3:5

Jayawe pe reta peï ma tekowe ipɨau wae pe ramo, pemombo mii peyuwi pereko kua ɨwɨ pewa. Jáeramo awɨye piyapo awasa. Jare awɨye wi pembɨkere. Awɨye awe piyemɨngeta pepɨa pe awasa piyapo waerä. Awɨye pipota mbae ikawi mbae wae. Jare awɨye jekuaeño jeta mbaembae pipotaete pemaeräño. Echa’ä jukuärái piyapo yawe, jokua mbaembae pipotaete wae uyeyapota petumparaangarä.

1 Tesalonicenses 4:3

Tumpa uipota pe reta piñeñono tee waerä jae imaerä – jae ko awɨye waerä piko awasa rupi.

1 Tesalonicenses 4:7

Jae nunga wi Tumpa mbaetɨ ko ñanereni yande yaiko waerä kachi rupi. Ñanereni ko ñañeñono tee waerä jae imaerä.

1 Timoteo 2:10

Echa’ä ime kía nunga kuña jei yawe, “Aipɨu ko Tumpa wi,” jei, jayawe ikawi ko jokua nunga kuña uñemɨmaepöra waerä Tumpa pewarä. Jare kuña reta uyapo yawe mbaembae ikawi wae omborɨ waerä ïru wae reta, jokua nunga kuña reta ko jae maepöraete Tumpa pewarä.

1 Timoteo 3:3

Jare awɨye tikause, jare awɨye tiñerärose. Erëi tipɨakawi. Awɨye tuiko jowaichopota. Awɨye korepoti jekuaeño tuipotaete jae imaeräño.

1 Timoteo 6:10

Echa’ä kía uipotaete korepoti onoi wae uyawɨta opa kërái rái rupi Tumpa kotɨ. Jukuärái amokue wae reta usɨrɨ ma yemboe añetete wae wi. Jáeramo jeta mbaesusere ou chupe reta.

2 Timoteo 3:2

Echa’ä jeta wae reta uyandarekota oï iyeeño. Jokua nunga reta jekuaeño uipotata korepoti jae reta imaeräño. Uyembutuichata reta japicha kotɨ. Jare uyembɨkateta reta. Jare jekuaeño uyemɨngetata reta japicha kotɨ ikawi mbae wae. Jare ndarau uyapo reta tu jare ichɨ jei wae rupi. Jare ndarau umee yasurupái kía pe awe. Jare mbaembae Tumpa rewa mbaeta’ä chupe reta.

Tito 1:11

Ikawi ko ñamɨkïi waerä jokua nunga reta. Echa’ä jae reta oporomboe ñonoï awɨyeta tëi oporomboe wae re. Jare jokua jae reta uyapo ñonoï korepoti umɨngana waeräño. Jare jae reta oporomboe kachi wae rupi, jeta tëtara reta umbɨyerowa ma yemboe añetete wae wi.

Tito 1:7

Tumpa umee oï Cristo re wɨrowia wae reta itenondewa reta pe mbarawɨkɨ jupi wae – jae ko uyandareko kawi waerä Cristo re wɨrowia wae reta re. Jáeramo tuechaka reta teko kawi awɨye waerä kía umbɨjeko mbae re awe. Awɨye tuyererowia katu reta iyé ïru wae reta jowai. Awɨye tipochɨ rái reta. Awɨye tikause reta. Awɨye tiñerärose reta. Awɨye tuipotaete reta korepoti jae imaeräño.

Tito 2:3

Jae ramiño wi emboe kuña ukuakuaa wae reta uechaka waerä teko kawi ipuere umbɨyerowia waerä Tumpa. Emboe reta wi awɨye waerä indayepota jare awɨye tikause reta wi. Jare emɨkɨrëɨ reta omboe waerä ikawi wae re kuña taurusu wae reta.

Hebreos 12:16

Jare awɨye piyapo awasa. Awɨye wi piko Esaú iko wae rami. Echa’ä jae uipɨu’ä Tumpa wi jare mbaembae Tumpa pewa wi. Echa’ä jokua taɨrɨpɨyekou Tumpa umeeta tëi iko chupe wae, Esaú owaka tɨwɨ pe tembiu reño.

1 Pedro 5:2

piyandareko kawi waerä opaete hermano reta Tumpa oñono pepo pe wae re, echa’ä jae reta ko jae Tumpa imaerä iko wae reta. Piyandareko mii jese reta kërái owecha iyandarekoa uyandareko iowecha reta re rami. Pemae kawi jese reta piyerowia rewe jare kía jei mbae pewe rewe, echa’ä jokua ko jae Tumpa uipota wae. Jáeramo piyapo mii pekɨrëɨ ngatu rewe. Awɨye piyapo pipota korepoti pemɨngana ramoño.

2 Pedro 2:10

Jare oete uiporarakata oï opaete kía uipota’ä Tumpa jei wae rupi yureko wae reta pe. Jae reta jei wae rupiño ko yureko reta, jare opa ma uñererükumewa reta jeko kachi rupi. Jokua oporomboe kachi wae reta ikate iyé reta. Mbaetɨ etei ukɨye reta uyemɨngeta waerä ipotawe mbaepuere onoi wae reta kotɨ.

2 Pedro 2:14

Jae reta ipotawe kuña re umae yawe, umae jese uipota rewe. Jare ikueri’ä reta Tumpa kotɨ uyawɨ wae wi. Jae nunga wi jae reta uyawɨka Tumpa kotɨ jokua ipɨräta’ä ñonoï Tumpa re wae reta pe. Jare jekuaeño umae reta japicha imbaembae re uipota rewe. Jáeramo Tumpa iarasɨ uitɨta oï jese reta.

2 Pedro 2:3

Jare jokua oporomboe kachi wae reta uipotaeteta korepoti. Jare imiärita reta iyapu rewe pembɨtawɨ waerä ipuere waerä umɨngana pewi korepoti. Erëi ɨma rupi Tumpa jei uiporaraka waerä chupe reta. Jare chupe reta waerä Tatawasurenda uyeyapɨkatu ma oï.

Apocalipsis 2:14

‘Erëitu ime amokue mbaembae re pumbɨjeko waerä. Jae ko kua: Ime pepɨte pe ñonoï amokue wae reta uipota’ä ueya jokua yemboe kuimbae Balaam arakae oporomboe wae. Balaam arakae umbɨarakuaa mburuwicha Balac jee wae kërái ipuere waerä uyawɨka Israel iñemoñaa reta pe Tumpa kotɨ. Jayawe Balac umɨkɨrëɨ Israel iñemoñaa reta jou waerä tembiu tumparaanga pe uñemee wae jare uyapo reta waerä awasa.

Apocalipsis 2:21

Che amee tëi ma ara jokua kuña pe ueya waerä ipɨayemɨngeta kachi wae. Erëi uipota’ä. Jekuaeño uipota awasa uyapo.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.

Apocalipsis 9:21

Jae nunga wi jae reta ko upuruyuka wae reta, jare ipaye wae reta, jare iawasapota wae reta, jare imonda wae reta. Erëi uipota’ä etei ueya reta ipɨayemɨngeta jokua mbaembae rewa.

1 Samuel 8:3

Erëi Samuel taɨ reta uyapo’ä ikawi wae tu uyapo wae rami. Jae reta uipotaete korepoti ramo, mbaetɨ uiporu kawi imbaepuere. Echa’ä kía ou yawe uñeapo waerä japicha re, Samuel taɨ reta umaeño jese umbɨepɨ wɨari waerä chupe reta omborɨ reta waerä.