Efesios 5:10 - Biblia

¹⁰ Jare jekuaeño piyemboe kërái pembɨyerowia waerä yandeYa Jesucristo.

Guaraní Pe (Western): Simba

¹⁰ Jecuaeño pipota picuaa yandeYa uipota piyapo vaerã vae.

Efesios 5:10 Iomraidhean Croise

Romanos 14:18

Jare jukuärái yayeyokui ñaï Cristo pe yawe, jayawe yambɨyerowiata ko ñaï Tumpa, jare ïru wae reta umae kawita yanderé.

Filipenses 1:10

Jukuärái ayerure aï peré pikuaa waerä piparawo ikawi waeño. Echa’ä jukuärái piyapo yawe, pikota jupi rupi jare peïta pereko mbae rewe ara yandeYa Cristo pewa ou rewa.

Filipenses 4:18

Jayawe pe reta pikuaa waerä, uwäe ma chewe opaete mbaembae pe reta peruruka chewe wae. Epafrodito umee ma chewe opaete jare añawe ayekou aï. Uata’ä etei oï chewe mbae awe. Kua yemborɨ pe reta peruruka chewe wae, jae ko mbae pemee Tumpa pe wae rami. Jokua nunga Tumpa umbɨyerowia.

Colosenses 1:10

Jukuärái ore nduyerure noï peré pereko kawi waerä kërái ikawi ko yureko waerä kía kía Tumpa pewa iko wae reta. Echa’ä jukuärái piko yawe, pembɨyerowiata Tumpa opaete mbaembae piyapo wae rupi. Echa’ä piyeyokui kawita chupe opaete mbae ikawi wae Tumpa pe piyapo wae rupi, jare jekuaeño wi pekuakuaata Tumpa kotɨ arakuaa rupi.

1 Tesalonicenses 5:21

Pemboporowa rani jokua ñee añetete ra ou Tumpa wi. Jare ikawi oï yawe jokua ñee, jayawe pipɨsɨ jare pemandúa jese.

1 Timoteo 2:3

Jayawe ikawi ko yayerure waerä Tumpa pe opaete wae reta re. Yayapo jukuärái yawe, yambɨyerowiata Tumpa – jae ko yandeRepɨ wae.

1 Timoteo 5:4

Erëi kuña ime umano wae ime onoi yawe imembɨ reta jare jamarïro reta, jayawe jae reta tomborɨ uikuaaka waerä uyeyokui ko ñonoï Tumpa pe. Echa’ä kuña ime umano wae uyandareko ma imembɨ reta re jare jamarïro reta re michi raɨ wiwe. Añawe ikawi ko jae reta uyandareko yuapɨ ye waerä ichɨ re jare iyarɨ re. Jare jukuärái uyapo yawe, jae reta umbɨyerowia ko ñonoï Tumpa.

Hebreos 12:28

Jáeramo ñamee yasurupái Tumpa pe, echa’ä jokua jae umee oï yandewe wae, ndarau etei opa. Echa’ä jae umee oï yandewe ñaï waerä jae ndiwe jae oï ma yawe opaete wae imburuwicha wasurä jaeño mái pewa. Jáeramo yayeyokui Tumpa pe yaipɨu rewe yambɨyerowia waerä.

1 Pedro 2:20

Erëi jae reta uyapo yawe mbae kachi wae, jare ipatrón uiporaraka chupe reta jokua jeko pewa yawe, jupi ko uiporara reta waerä jokua re. Jare yepe tëi umɨawäta reta jokua uiporara reta wae, jesewe mbaetɨ mbae re Tumpa umɨñatima waerä chupe reta. Erëi jae reta uiporara yawe mbae ikawi wae uyapo reta wae re, jare umɨawäta reta yawe, kua ko jae Tumpa umbɨyerowia wae.

1 Pedro 2:5

Tumpa peapo oï pëti tupao wasu rami Espíritu Santo iko pɨpe waerä. Añetete pe reta ko jae jokua tupao wasu pewa ita tekowe ime onoi wae reta rami. Jukuärái Tumpa peñono tee oï piko waerä sacerdote retarä. Echa’ä jae uipota pe reta piyeyokui waerä chupe jare piyapo waerä jokua mbaembae jae umbɨyerowia wae. Jare jukuärái pepuere piyapo Jesucristo pemborɨ oï wae rupi.