Efesios 4:9 - Biblia

⁹ Jokua uyekuatía oï wae jei yawe, “Jae uyeupi oo ye ɨwate kotɨ yawe,” ¿mbae pa uipota uikuaaka yandewe? Uikuaaka yandewe jae tenonde ou ara wi ɨwɨ pe.

Guaraní Pe (Western): Simba

⁹ Tapɨrandu peve, ¿mbae pa uipota jei cua uyupi oo ara pe jei vae? Uipota jei ugüeyɨ rani vi co ɨvɨ igüɨ pe etei.

Efesios 4:9 Iomraidhean Croise

Génesis 11:5

Jayawe Tumpa uweyɨ ou umae waerä jokua tëta wasu re jare jokua tëta ɨwatete wae uyapo yureko reta wae re.

Salmo 139:15

Chereterä uyekuaa iko yawe, añemi’ä etei ndewi yepe tëi chesɨ jɨe pe aiko.

Salmo 8:5

Nde oreapo orembaepuere rewe. Jaeño araɨwa reta ime onoi mbaepuere ɨwate katu orewi. ¡Kërái etei orembutuicha ma!

Éxodo 19:20

Jayawe Tumpa uweyɨ ɨwɨtu wasu iyapɨte ɨwatete wae re. Jare joko wi jei Moisés pe: “Iyupe eyu chekotɨ,” jei. Jayawe Moisés uyupi ye oo Tumpa oï wae pe.

San Mateo 12:40

“Echa’ä kërái Jonás iko mbapɨ ara jare mbapɨ pɨare jokua pira wasu jɨe pe, jukuärái wi che kuimbaerä ayeyapo wae aïta mbapɨ ara jare mbapɨ pɨare teöwerenda pe,” jei chupe reta.

San Juan 20:17

Jayawe Jesús jei chupe: “Awɨye jekuaeño chepɨsɨ. Echa’ä ndei ayeupi cheRu oï wae pe,” jei chupe. “Erëi ekua emɨmbeu cherɨwɨ reta pe che ata ma aï cheRu oï wae pe – jae ko peRu wi. Jae ko cheTumpa jare peTumpa wi,” jei chupe.

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 6:33

Jare mbɨyape Tumpa añawe umee wae jae ko kua ou ara wi wae. Jae ko umee tekowe opa mbae wae ɨwɨ pewa reta pe,” jei chupe reta umbɨjaanga rewe.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

San Juan 6:41

Jayawe judío itenondewa reta umbɨpɨ uyemɨngetangeta wɨari Jesús kotɨ. Echa’ä chupe reta pewarä ikawi’ä Jesús jei yawe: “Che ko jae mbɨyape ara wi ayu wae.”

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 6:58

“Jayawe jukuärái ko kua mbɨyape ara wi ou wae. Kua mbɨyape jae’ä ko jokua peramɨkue reta jou wae rami. Echa’ä yepe tëi jokua mbɨyape jae reta jou wae omborɨ reta michi pewa, erëi jaɨkue rupi opañoi umano reta. Jare jokua mbɨyape ipuere’ä umee chupe reta tekowe opa mbae wae. Erëi jukuärai’ä ko kua mbɨyape che amee wae. Echa’ä ipotawe kía kua mbɨyape jou wae onoita tekowe opa mbae wae,” jei Jesús chupe reta.

San Juan 6:62

“Jukuärái yawe, ¿këraita ra peï kuri jayawe che kuimbaerä ayeyapo wae cherecha ayupi ye a aï ara pe tenonde aiko wae pe? Che aikuaa aï pe reta pipota’ä jokua nunga Upuruepɨ wae,” jei chupe reta.

San Juan 8:14

Jayawe Jesús jei chupe reta: “Jukuärái tëi ko. Erëitu kua che jae chiyé wae añetete ko, echa’ä che aikuaa ko ketɨ wi ayu wae jare ketɨ a wae. Erëi pe reta pikuaa’ä jokua rewa. Jáeramo pepuere’ä pere chewe: ‘Nde ndere neï wae mbae’ä ko.’

Hebreos 2:7

Nde oreapo orembaepuere rewe. Jaeño araɨwa reta ime onoi mbaepuere ɨwate katu orewi. ¡Kërái etei orembutuicha ma!

Hebreos 2:9

Erëi yaecha ko Jesús opaete mbaembae re oï. Yepe tëi tenonde Tumpa umɨmichi Jesús araɨwa reta wi Jesús uyeyapo yawe kuimbaerä, erëi jokua michi pewaño. Añawe Jesús umano yanderé ramo, Tumpa oñono ma opaete wae imburuwicha wasurä iko waerä jare umee chupe uyepɨuka waerä opaete wae pe. Añetete Tumpa ipɨakawiete ramo, ombou Jesús umano opaete pewarä.