Efesios 4:6 - Biblia

⁶ Jare opaete yande ñanoi wi pëtiño yandeRu Tumpa. Jae ko opaete mbaembae iYa. Jae oï yandepɨa pe, jare yande rupi uyapo oï iparawɨkɨ kua ɨwɨ pe. Jukuärái yandepuere yaikuaa kawi pëti ramiño ko ñaï wae.

Guaraní Pe (Western): Simba

⁶ Tumpa vi pentiño co. Jae co yandeRu. Jae co yandeYa. Jae uparavɨquɨ opaete yande rupi. Jae ico yandepɨa pe.

Efesios 4:6 Iomraidhean Croise

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

San Mateo 6:9

“Jayawe pe reta piyerure yawe Tumpa pe, piyerureta ko kuärái: ‘OreRu mii ara pe neï wae, nderee tuñeñono tee opaete ïru tee reta wi.

San Juan 14:23

Jare Jesús jei chupe: “Cherau wae uyapota chiñee rupi. Jare cheRu uauta jae. Jare che jare cheRu mokui rewe ndoyuta nduiko waerä jae ndiwe. Jayawe che ayekuaakata chupe,” jei.

San Juan 17:26

“Che aikuaaka ma chupe reta nde rewa, jare jekuaeño che ayapota jukuärái jae reta cherau waerä kërái nde cherau rami. Jare jukuärái che etei aïta jae reta ndiwe. Jukuärái ko ayerure ndewe,” jei Jesús.

San Juan 20:17

Jayawe Jesús jei chupe: “Awɨye jekuaeño chepɨsɨ. Echa’ä ndei ayeupi cheRu oï wae pe,” jei chupe. “Erëi ekua emɨmbeu cherɨwɨ reta pe che ata ma aï cheRu oï wae pe – jae ko peRu wi. Jae ko cheTumpa jare peTumpa wi,” jei chupe.

Romanos 11:36

Echa’ä yandeYa ko jae opaete mbaembae iYa. Jae ipo wiño ko ou opaete mbaembae, jare jae rupi opaete mbaembae ñonoï. Jare opaete mbaembae ime oï wae reta jae uyapo jae imaerä. ¡Tuyembutuichaka yandeYa jee jaeño mái pewa! Jukuärái tuiko.

1 Corintios 12:6

Jare yepe tëi Tumpa uparawɨkɨ ambɨe ye ye pëti pëti yande reta rupi, erëi jae pëtiño ko.

1 Corintios 8:6

Erëi yanemaerä ime pëtiño Tumpa añetete wae. Jae ko yandeRu Tumpa ara pe oï wae. Jae ko uyapo opaete mbaembae, jare yande reta yaiko yambutuicha waerä jae jee. Jare ime wi oï pëtiño yandeYa. Jae ko yandeYa Jesucristo. Jae rupi ko opaete mbaembae uyekuaa. Jare jae rupi ko wi yande reta ime ñanoi tekowe ipɨau wae.

2 Corintios 6:16

¿Këraita ra kía oñono yawe tumparaanga reta tupao wasu japɨpe? Ndarau ikawi. Jare yande reta ko jae jokua tupao wasu rami, echa’ä Tumpa imeño mái iko wae yandepɨte pe oï ramo. Jukuärái jei Tumpa iñeerɨru pe. Echa’ä joko pe Tumpa jei yandewe kuärái: “Che aikota jare awatata cherëtara reta ndiwe. Che aikota jae reta iTumparä, jare jae reta yurekota chemaerä,” jei.

Efesios 1:21

Joko pe Tumpa ndiwe Cristo ime onoi mbaepuere tuichaete wae opaete mburuwicha reta ara jare ɨwɨ pe ñonoï wae reta re. Jukuärái Cristo Tu ndiwe imbaepuere tuichaete ko opaete wae reta mbaepuere ime onoi wae wi añawe wiwe jare jaeño mái pewa.

Efesios 2:22

Jare pe reta judío mbae piko wae peï pëti ramiño ore ndiwe. Jukuärái opaete rewe yande reta ko jae Tumpa jëta rami jare oï pɨpe Espíritu Santo.

Efesios 3:17

Jare aeka aï chupe wi piñemɨatangätu perowia katu waerä Cristo re, jukuärái Cristo jekuaeño oï waerä pepɨa pe ipɨawiwe rewe. Jukuärái rupi pepuere piyerau päwe añetete rewe. Jáeramo piñemɨmɨrätata peï Tumpa re pëti temitɨ kɨpe japo oï wae rami.

Efesios 6:23

Jayawe hermano reta, ayerure aï yandeRu Tumpa pe peré. Aeka aï chupe jare yandeYa Jesucristo pe pembɨpɨakatu waerä, jare pemborɨ piyerau päwe waerä, jare jekuaeño perowia kawi waerä jese wi.

Deuteronomio 6:4

Moisés jei: “Israel iñemoñaa reta, piyapɨsaka kawi kua re. YandeYa Tumpa ko jae jaeño Tumpa wae.

1 Juan 3:24

Jare kía kua Tumpa jei wae uyapo wae jekuaeño uñemɨïru Tumpa ndiwe, jare Tumpa jekuaeño uñemɨïru jae ndiwe wi. Jare yande yaikuaa Tumpa uñemɨïru ko yande ndiwe, echa’ä jae umee yandewe Espíritu Santo ramo.