Efesios 4:5 - Biblia

⁵ Ime ñanoi wi pëtiño yandeYa, jare jae iñee re yarowia ñaï pëti ramiño. Jare wi opaete yande yayembɨsakambuka ma ɨ pe yaechaka waerä ïru wae reta pe kërái ñaï ma pëti ramiño Cristo re wae.

Guaraní Pe (Western): Simba

⁵ Ime vi pentiño yandeYa, jare opaete yarovia yandeYa re, jare opaete yayembɨbautizaca Espíritu Santo pe.

Efesios 4:5 Iomraidhean Croise

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

Hechos 2:36

“Jayawe aipota pe cherëtara Israel pewa reta pikuaa kawi waerä kua re: kua Jesús pe reta pikutuka jare piyukaka wae, Tumpa uyapo ma opaete mbaembae iYarä jare Upuruepɨ waerä.” Jukuärái jei Pedro chupe reta.

1 Corintios 1:13

Jukuärái pere yawe, Cristo pembɨyao tee tee peï rami ko. Erëi ¿uyembɨyao tee tee ra oï Cristo? Ndarau. Jayawe, ¿maera pa pe Cristo jete pewa piko wae reta opa piyembɨyao tee tee peï peyuwi oreré? ¿Che yerá amano kurusu re peré? ¿Cheree re yerá piyembɨsakambuka ɨ pe? Mbaetɨ etei. Che jae’ä ko peYa.

1 Corintios 12:13

Echa’ä yepe tëi opaete yande reta ambɨe ye ye ko yandeyuwi, erëi Espíritu Santo yandapo ma pëti ramiño Cristo re. Yande ko jae Cristo jete pewa rami ipotawe kía ko yande wae. Ipuere ko yande judío ani judío mbae wae, jare uyeyokui wae ani uyeyokui mbae wae. Erëi opaete yande reta pëti ramiño ko ñaï Cristo re, jare yandepuere yayekou oyowake Espíritu Santo re yandepɨa pe oï wae rupi.

1 Corintios 12:5

Jare yepe tëi yande reta oyowake’ä ko yayeyokui yandeYa pe, erëi yandeYa pëtiño ko.

1 Corintios 8:6

Erëi yanemaerä ime pëtiño Tumpa añetete wae. Jae ko yandeRu Tumpa ara pe oï wae. Jae ko uyapo opaete mbaembae, jare yande reta yaiko yambutuicha waerä jae jee. Jare ime wi oï pëtiño yandeYa. Jae ko yandeYa Jesucristo. Jae rupi ko opaete mbaembae uyekuaa. Jare jae rupi ko wi yande reta ime ñanoi tekowe ipɨau wae.

2 Corintios 11:4

Echa’ä che aikuaa aï ou yawe kía ambɨe ye umɨmbeu pewe Cristo rewa wae, pe reta pere’ä ko mbae awe jare pemaeño ko jese. Jukuärái piyapo peï, yepe tëi jae umɨmbeu Cristo rewa ambɨe ye ore numɨmbeu pewe wae wi, jare yepe tëi jae ou’ä Espíritu Santo imbaepuere pe. Añetete ko jae ou ambɨe espíritu imbaepuere pe, jare jae iñee ambɨe ye ko ñee ikawi wae pe reta perowia ma jese wae wi.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Efesios 4:13

Jare jukuärái opaete yande ñaïta pëti ramiño mbaembae jupiete yarowia wae re jare mbaembae yaikuaa Tumpa Taɨ rewa wae re. Jare jukuärái yakuakuaata ya yandereko oï rewa Cristo jeko rami.

Filipenses 2:11

Jare jae reta jeita chupe uipɨu rewe: “Nde, Jesucristo, nde ko jae opaete wae iYa,” jeita reta. Jare kua uyeyapo ma yawe, yandeRu Tumpa jee uyembutuichakata oï wi opaete wae pe.

Filipenses 3:8

Jare jukuärái wi ko opaete ïru mbaembae reta ayekose tëi jese wae. Añawe che aikuaa cheYa Jesucristo, jare che arowia jokua ikawiete ye oï ipotawe ïru mbaembae wi. Jáeramo che aeya ma opaete jokua mbaembae ayekose tëi jese wae. Jare aecha ma ɨtɨ rami jokua mbaembae reta chepuere waerä akuakuaa Cristo kotɨ.

Tito 1:1

Cheraɨ Tito, che araaka aï ndewe saludo yandeYa Jesucristo jee re. Che ko jae Pablo. Che ayeyokui Tumpa pe, jare Jesucristo chemondo jae jee re amɨmbeu waerä jesewa. Jae chemondo Tumpa uiparawo wae reta pe amborɨ reta wɨrowia kawi waerä Cristo re jare uikuaa kawi reta waerä yemboe añetete wae. Jokua yemboe uikuaaka chupe reta kërái umbɨyerowia reta waerä Tumpa.

Tito 1:4

Che aikuatía aï ndewe kua tupapire, Tito. Nde ko jae cheraɨ rami, echa’ä che ko jae nomboe Cristo rewa ramo. YandeRu Tumpa jare yandeYa Jesucristo yandeRepɨ wae jekuaeño tipɨakawi ndewe jare tuyapo ndewe ndiko waerä ndepɨakatu rewe.

Hebreos 13:7

Jekuaeñota ko pemandúa petenondewa reta re, echa’ä jae reta ko jae Tumpa iñee umɨmbeu pewe wae. Piyemɨngeta mii pepɨa pe jae reta ikawi uyapo wae rewa. Jare jekuaeño perowia Cristo re kërái jae reta wɨrowia jese rami.

Santiago 2:18

Erëi aramoi kía jeita chewe: “Mbaetɨ yambɨyerowia Tumpa oyowake rupi. Amokue wae reta jaeño wɨrowia Tumpa re, jare ïru wae reta jae nunga wi uyapo mbaembae ikawi wae. Erëi mokui rewe umbɨyerowia ñonoï Tumpa.” Jukuärái ipuere kía jei tëi chewe aramoi. Erëi che tae jukuärái uyemɨngeta wae pe kuärái: Yaecha echaka chewe nderowia Tumpa re wae mbaembae ikawi wae ndiyapo mbae rewe. Ndarau etei ndepuere. Erëi chemaerä, che aechakata ndewe arowia Tumpa re wae mbaembae ikawi wae ayapo wae rupi. Jukuärái che jae.

1 Pedro 3:21

Jare jokua ko jae pëti yembɨjaanga yembɨsakambu re. Echa’ä jukuärái rupi pe reta penoi tekowe opa mbae wae. Erëi mbaetɨ ɨ peyoe wae rupi penoi tekowe opa mbae wae. Pe reta penoi tekowe opa mbae wae, echa’ä Tumpa uyapo ma peï waerä jae jowai pepɨa pembɨjeko mbae rewe. Jare jokua ko pemɨmbeu piyembɨsakambuka yawe ɨ pe. Añetete yandeYa Jesucristo ikowe ye ou umanokue wae reta ipɨte wi, jare jokua rupiño ko yande ñanoi tekowe opa mbae wae.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

Judas 1:20

Erëi pe cheïru puau mii wae reta, jekuaeño piñemɨmɨräta Tumpa iñee jupi wae rupi perowia jese wae. Jare jekuaeño piyerure Tumpa pe Espíritu Santo jei wae rupi.

Judas 1:3

Cheïru puau mii wae reta, che aipota tëi aikuatía aiko pewe jokua tekowe opa mbae wae ime ñanoi wae re. Erëi aikuaa ime ye ambɨe mbae re imeta ko aikuatía pewe. Tumpa ñaneñono tee ma jae imaerä jare uikuaaka ma yandewe mbaembae re yarowia waerä. Kua mbaembae jaeño mái pewa añetete ko jare ndarau etei uyepepɨka. Jáeramo aipota pumɨkɨrëɨ jekuaeño piyapo waerä pepuere wae rupi uyemɨmbeu waerä jupi rupi jokua mbaembae.