Efesios 4:4 - Biblia

⁴ Añetete yande ñaï pëti ramiño, echa’ä Cristo jete rami ko ñaï. Jae nunga wi Espíritu Santo yandepɨa pe oï wae pëtiño ko. Jae ramiño wi pëti ramiño yande ñaäro ñaï yarowia katu rewe jokua ara ñanoi waerä opaete mbaembae ikawiete wae Tumpa umeeta oï yandewe wae.

Guaraní Pe (Western): Simba

⁴ Cristo jete pegua reta pentiño co, jare Espíritu Santo pentiño co. Jae ramiño vi Tumpa peparavo, peãro vaerã piyerovia reve penti ramiño.

Efesios 4:4 Iomraidhean Croise

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

Hechos 15:11

“Mase, yande yarowia Tumpa yanderepɨ ma ko yandeYa Jesús ipɨakawi rupiño, mbaetɨ ko Moisés arakae uikuatía wae rupi. Jae nunga wi judío mbae wae reta uyerepɨka wi Jesús ipɨakawi rupiño,” jei Pedro chupe reta.

Romanos 11:29

Jare Tumpa uiparawo yawe kía jae imaerä, jaeño mái ikota jae imaerä. Jare Tumpa umee yawe mbae ikawi wae kía reta pe, ndarau etei upɨ̈ro ye chuwi.

1 Corintios 10:17

Jare ime ye mbae kua pe yaecha waerä. Mbɨyape pëtiño ko, erëi joko wiño opaete yande reta ñapɨsäa yau päwe waerä. Kua pëti yembɨjaanga ko jare uikuaaka yandewe yepe tëi yande jeta ñaï, erëi pëti ramiño ko ñaï wi, echa’ä opaete yande reta Cristo pewa ko.

1 Corintios 12:20

Jare ikawi ko yaikuaa kawi waerä yande reta pëti pëti wae ikawi wae ko ïru wae reta pewarä. Yanemandúa kawi ñaï, yepe tëi yanderete pewa reta jeta ko oï, erëi pëtiño ko yanderete jare opaete mbaembae yanderete pewa uyeko ñonoï iyé reta.

2 Corintios 11:4

Echa’ä che aikuaa aï ou yawe kía ambɨe ye umɨmbeu pewe Cristo rewa wae, pe reta pere’ä ko mbae awe jare pemaeño ko jese. Jukuärái piyapo peï, yepe tëi jae umɨmbeu Cristo rewa ambɨe ye ore numɨmbeu pewe wae wi, jare yepe tëi jae ou’ä Espíritu Santo imbaepuere pe. Añetete ko jae ou ambɨe espíritu imbaepuere pe, jare jae iñee ambɨe ye ko ñee ikawi wae pe reta perowia ma jese wae wi.

Efesios 1:18

Aeka aï chupe wi pembɨpɨarakuaa katu waerä, jukuärái pikuaa kawi waerä kërái ikawiete ye ko opaete mbaembae Tumpa ime onoi pemaerä wae. Jare jokua ko peäro peï perowia katu rewe, echa’ä jukuärái Tumpa umeeta oï opaete kía jae imaerä wae pe. Añetete ikawiete ye ko.

Efesios 2:16

Jare jukuärái jae uyapo ma imano kurusu re wae rupi. Añetete Cristo imano rupi yanembɨpɨakatu ma yande yepái jare jae nunga wi yanembɨpɨakatu ma Tumpa ndiwe. Jáeramo mbaetɨ ye ma yayembowaicho ñaï yande yepái.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Efesios 2:22

Jare pe reta judío mbae piko wae peï pëti ramiño ore ndiwe. Jukuärái opaete rewe yande reta ko jae Tumpa jëta rami jare oï pɨpe Espíritu Santo.

Efesios 4:1

Che aï peresorɨru pe ayeyokui yandeYa Jesucristo pe jeko pewa ramo. Mase, yayeyokui Tumpa pe yawe, ipuere ou yandewe jeta yembɨawái reta. Erëi jesewe che aipota pumɨkɨrëɨ mii. Añawe yaikuaa ñaï pëti ramiño ñaï Cristo re ramo, Tumpa uyapo ma jeta mbaembae ikawiete wae yanemaerä. Jáeramo jekuaeño pechaka mii teko kawi, echa’ä jokuaerä ko Tumpa yandeparawo. Piko teko kawi rupi ïru wae reta jowai jae reta ipuere uikuaa waerä pe reta ko jae Tumpa taɨ reta.

Colosenses 1:5

Añetete kua jekuaeño piyapo peï, echa’ä pe reta peäro peï perowia katu rewe jokua mbaembae ikawi wae Tumpa ime onoi ara pe pemaerä wae. Jukuärái pikuaa ma ñee ikawi wae Cristo rewa piyandu ramo wiwe. Jokua ko jae ñee añetete wae.

Colosenses 3:15

Tumpa pereni piko waerä pëti ramiño pepɨakatu rewe. Jokuaerä ko Cristo pembɨpɨakatu. Jáeramo jekuaeño piko jukuärái. Jare jekuaeño pemee yasurupái Tumpa pe.

2 Tesalonicenses 2:16

YandeYa Jesucristo etei jare yandeRu Tumpa yanderau jare ñanemɨkɨrëɨ. Jare jukuärái uyapota oï jaeño mái pewa. Jáeramo yandepuere ñaäro yarowia katu rewe jokua mbaembae ikawi wae jae ipɨakawi rupi umeeta oï yandewe wae.

1 Timoteo 1:1

Cheraɨ mii Timoteo, che araaka aï ndewe saludo yandeYa Jesucristo jee re. Che ko jae Pablo. YandeRu Tumpa jare yandeYa Jesucristo cheparawo chemondo waerä opaete kerupi amɨmbeu waerä Tumpa iñee. Tumpa ko jae yandeRepɨ wae, jare ñaäro ñaï yayerowia rewe yandeYa Jesucristo ou ye rewa.

Tito 1:2

Jae reta wɨrowia kawi yawe Cristo re jare yemboe añetete wae uikuaa kawi reta yawe, wɨrowia katu rewe uärota ñonoï tekowe opa mbae wae. Echa’ä ndei ɨwɨ uyembɨpɨ mbowe, Tumpa jei umeeta oï yandewe tekowe opa mbae wae. Jare Tumpa ndarau etei iyapu yandewe.

Tito 2:13

Jukuärái ko yaikota añawe rupi, yande ñaäro ñaï rambuewe yayerowia rewe yandeYa Jesucristo ou ye rewa. Jokua ara jae uyekuaata oï imbaepuere jembipete rewe. Echa’ä jae ko yandeTumpa jare yandeRepɨ wae, jare jae imbaepuere tuichaete.

Tito 3:7

Jare ipɨakawiete ramo, Tumpa umae yanderé yandereko mbae wae rami. Jukuärái Tumpa uyapo yandewe yandepuere yaiko waerä taɨ jare tayɨ retarä. Jáeramo ñaäro ñaï yayerowia rewe yaiko waerä jae ndiwe jaeño mái pewa.

1 Pedro 1:21

Jare kua Cristo uyapo pewe wae rupi pe reta piyeko peï Tumpa re. YandeRu Tumpa jae ko umbɨjekowe ye Cristo ueru umanokue wae reta ipɨte wi wae. Jare jae umbɨjekowe ye ma yawe, umee chupe mbaepuere jupiete ye wae. Jukuärái Tumpa uyapo pe reta pikuaa waerä pepuere perowia katu jese umee waerä pewe opaete jae jei umeeta pewe wae.

1 Juan 3:3

Kua añetete uyeyapota ko. Jare opaete kua uäro ñonoï wae reta wɨrɨ̈ro mbae kachi wae, echa’ä jae reta uipota yureko jupi Cristo rami.