Efesios 4:2 - Biblia

² Jayawe pe reta pikota ko kuärái: Piñemɨmichi peyuwi jare pepɨakawi peyupe. Awɨye piñeengata peyupe. Pepɨawasu peyupe jare perupɨa mii peyupe piyerau päwe rewe.

Guaraní Pe (Western): Simba

² Piñemɨmichi uyucotɨ. Agüɨye pepochɨ piyupe. Pepɨaguasu piyupe. Piyerau ramo, agüɨye piñeengata piyupe.

Efesios 4:2 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 11:29

“Che añemɨmichi jare ayembutuicha’ä etei. Jáeramo piñemee mii chewe che pomboe waerä. Jare jukuärái piyapo yawe, peputuuta añetete pewa,” jei.

Marcos 9:19

Jayawe Jesús jei joko pe ñonoï wae reta pe: “¿Marái mbate ra pe reta perowia kawi’ä cheré? Chembɨkueri ma peï perowia mbae cheré wae. ¿Kërái yawe rewa ra arupɨata pewe? Peru chewe kua pe jokua kunumi raɨ,” jei chupe reta.

Hechos 20:19

“Yepe tëi judío reta ikueri’ä chembɨawái, erëi jesewe jekuaeño ayeyokui yandeYa pe pepɨte rupi añemɨmichi rewe jare cheresaɨ rewe,” jei.

Romanos 15:1

Jayawe yande ñanepɨräta ñaï Tumpa kotɨ wae reta, yandepɨawasuta ko ndeiño ipɨräta Tumpa kotɨ wae reta pe. Awɨyeta ko yaiko yandeiño yayembɨyerowia waerä.

1 Corintios 13:7

Jare yarupɨata wi mbae ikawi mbae wae yanderapicha pe. Añetete yapuruau yawe, yarowiata’ä jawoi pewa mii mbae kachi wae yanderapicha rewa. Jekuaeño yarowia katuta mbae ikawi waeño uyapo waerä. Jare yepe tëi ko ïru wae reta uiporaraka yandewe aramoi, erëi yarupɨata chupe. Jokoropi ko uyekuaa añetete yapuruau wae.

Gálatas 6:2

Jayawe piyemborɨ katu yembɨawái reta rupi, piyemborɨ katu tewɨta poɨ wae pewoɨ wae rami. Jare jukuärái piyapo kawita peï kuri Cristo jei yandewe yayapo waerä wae.

Efesios 1:4

Jukuärái Tumpa uipota uyapo yandewe opaete yande pëti ramiño ñaï Cristo re wae. Echa’ä iyɨpɨ wiwe jae yanderau ndei ɨwɨ uyapo mbowe, jare yandeparawo ñaï waerä jae imaeräño jare yandereko mbae wae rami.

Colosenses 1:11

Jae nunga wi pe reta piko yawe Tumpa pembɨyerowia waerä, Tumpa pemɨmɨrätata imbaepuere tuichaete wae pe, jukuärái pepuere waerä jekuaeño perupɨa ipotawe mbae pepɨawasu rewe jare piyerowia rewe.

1 Timoteo 6:11

Erëi nde ko jae kuimbae ndiyeyokui kawi Tumpa pe wae. Jáeramo esɨrɨ jokua mbaembae ikawi mbae wae wi. Jare awɨye ipotaete korepoti. Jaeño nekɨrëɨ iyapo mbaembae ikawi wae. Jare eya katu Tumpa jeko re. Jekuaeño tukuakuaa nderowia Tumpa re wae. Jekuaeño epuruau. Jekuaeño ndepɨawasu. Jare jekuaeño iko ndepɨakawi rewe ïru wae reta ndiwe.

2 Timoteo 2:25

Jare omboeta ko uñemɨmichi rewe oyowaicho jae ndiwe wae reta. Echa’ä aramoi Tumpa umeeta chupe reta ueya waerä ipɨayemɨngeta jupi mbae wae jare uikuaa waerä añetete wae,

Santiago 1:21

Jáeramo peya opaete pereko kachi wae jare opa kërái rái mbae ikawi mbae wae. Jare pipɨsɨ peyupe piñemɨmichi rewe jokua ñee Tumpa oñono ma pepɨa pe wae. Echa’ä jaeño jokua ñee ipuere perepɨ opa mbae ikawi mbae wae wi.

1 Pedro 3:15

Pipɨu Cristo wi añetete rewe. Echa’ä jae ko peYa, jare jae ipo pe oï opaete mbaembae. Aramoi imeta kía upɨrandu pewe: “Maera pa pemae peï Tumpa kotɨ perowia katu rewe?” jeita. Jáeramo jekuaeño piyeyapɨkatuta ko peï pemɨmbeu chupe waerä. Erëi pemɨmbeuta ko chupe ñee kawi rewe jare pipɨu rewe.

1 Pedro 3:8

Jayawe opaete kua mbaembae rupi aipota jae pewe kuärái: Piko kawi pëti ramiño päwe rewe. Piyeparareko. Piyerau päwe rewe. Pepɨakawi jare piñemɨmichi peyupe.