Biblia Todo Logo
Bìoball air-loidhne

- Sanasan -




Efesios 4:18 - Biblia

18 Jae reta uyembɨpɨatäta Tumpa wi, jare uipota’ä uyapɨsaka reta ñee ikawi wae Tumpa rewa. Jáeramo ñonoï reta pɨ̈tumimbi pe wae echa jare mbɨrɨ Tumpa tekowe ipɨau wae umee wae wi.

Faic an caibideil Dèan lethbhreac

Guaraní Pe (Western): Simba

18 Echa'ã ipɨayemɨngueta uñemɨpɨ̃tumimbi ma. Güɨnoi'ã tecove Tumpa umee vae. Echa'ã uicuaa'ã Tumpa regua, ipɨatanta ramo.

Faic an caibideil Dèan lethbhreac




Efesios 4:18
34 Iomraidhean Croise  

Echa’ä jae reta ipɨatäta uyeyapo chekotɨ. Iyapɨsa oyopɨ reta awɨye waerä uyandu chiñee. Jare usapɨmi reta awɨye waerä uecha mbaembae ayapo wae. Erëi jae reta moná uyandu chiñee yawe jare uecha reta ayapo wae yawe, ipɨa rewe uikuaa kawita reta jare uyerowata reta chekotɨ che aepɨ reta waerä,’ jei Tumpa.” Jukuärái jei Isaías,” jei Jesús chupe reta.


Jayawe pochɨ rewe Jesús umae iyɨpɨ rupi ñonoï wae reta re, jare tuicha ipɨatɨtɨ jae reta ipɨatäta ramo. Jayawe jei kuimbae pe: “Emɨsɨmi ndepo,” jei chupe. Jayawe kuimbae ipo umɨsɨmi jare ukuera woi.


Uyeyapo chupe reta kërái Isaías uikuatía ye wae rami. Echa’ä jae uikuatía kuärái: “Jokua ipɨatäta wae reta, Tumpa opa uesañoma rami ko awɨye waerä uikuaa kawi reta. Jare jae umbɨpɨatäta ma reta wi awɨye waerä uikuaa reta. Jukuärái Tumpa uyapo ma awɨye waerä jae reta uyerowa ikotɨ. ‘Añetete,’ jei Tumpa, ‘jae reta uyerowa chekotɨ yawe, aepɨta tëi reta,’ jei.”


“Ɨma ma Tumpa ipɨawasu iko chupe reta, echa’ä jae reta uikuaa’ä yureko kërái ko Tumpa wae. Erëi añawe jae jei oï opaete wae pe yaeya waerä yandepɨayemɨngeta jupi mbae wae Tumpa rewa.


Jare jei chupe reta wi: “Añawe cherëtara reta, aikuaa pe reta jare pemburuwicha reta ndiwe piyapo kua ikawi mbae wae pikuaa mbae rewe,” jei.


Jayawe opaete wae uikuaa tëi yureko Tumpa rewa, erëi jesewe opaete seri opa umbɨsɨrɨ iyuwi jokua arakuaa. Jáeramo Tumpa ipɨatɨtɨ rewe opa ueya reta uyemɨngeta reta waerä ipɨa pe opaete mbaembae ikawi mbae wae re. Jare jokua jeko pewa jae reta añawe rewa jekuaeño uyapo opaete mbaembae ikawi mbae wae Tumpa jowai.


Jáeramo hermano mii reta, ime mbae ndei etei uyekuaa oï wae aipota pe judío mbae piko wae reta pikuaa kawi waerä. Jare kua che aipota pikuaa waerä awɨye waerä piyembɨkate. Yepe tëi añawe jeta judío reta ipɨatäta ñonoï Jesucristo kotɨ, erëi ndarau jukuäraiño upɨta reta. Tumpa uikuaa opaete judío mbae wae wɨrowiata oï jese wae reta, jare opa ma jae uipapa reta. Jare opaete jae reta wɨrowia ma yawe,


Jayawe ¿mbae pa yaecha ñaï kua pe? Yepe tëi opaete seri judío reta uipota Tumpa umae waerä jese reta jeko mbae wae rami, erëi jukuärai’ä uyeyapo chupe reta. Amokueño uwäe chupe jokua mbae ikawi wae – jae ko ore iyɨpɨ wiwe Tumpa oreparawo wae reta. Erëi jokua ïru judío reta, opa Tumpa umbɨpɨatäta reta.


Jare pe reta pere tëi wi peyupe kuärái: “Judío mbae wae reta jesa mbae echa wae ko, jare pɨ̈tumimbi pe ñonoï reta rami uikuaa’ä reta Tumpa ramo. Erëi yande yandepuere ñamɨmae reta jare yaechaka chupe reta tembipe.


Echa’ä ipuere’ä kiawe uikuaa Tumpa jukuärái rupi. Jukuärái Tumpa uikuaaka ma yandewe, jare jaeño ko jae iyarakuaa katuete ye wae opaete wae wi. Jare yepe tëi ñee Cristo rewa uyemɨmbeu oï wae mbae’ä ko jeta wae reta pewarä, erëi ime yawe kía jokua ñee re wɨrowia wae, Tumpa uyerowia rewe uepɨ teko onoi wae wi.


Añetete mbaetɨ pëti awe mburuwicha yepe kua arakuaa uikuaa wae. Echa’ä mburuwicha reta kua uikuaa yawe, ndarau tëi uyukaka reta kurusu re yandeYa imbaepuere wae yambutuicha wae.


Erëi Israel iñemoñaa reta ipɨatäta yureko. Uikuaa’ä reta jokua yemɨngeta Tumpa arakae uyapo jae reta ndiwe wae opata iko wae. Jare jukuärái ko jae reta añawe rewa. Echa’ä añawe rupi awe jae reta umɨngeta yawe Moisés arakae uikuatía wae, imeño uikuaa kawi’ä reta. Jae reta iyarakuaa imeño uyakasoi oï tarapo pe wae rami, kërái Moisés jowa tarapo pe umbɨyasoi rami. Echa’ä jae reta wɨrowia Cristo re yaweño ko ipuere iyarakuaa uyepea.


Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.


Tenonde yawe, ndei Tumpa pikuaa mbowe, piyeyokuise tëi piko tumparaanga reta pe. Piyapose tëi chupe reta opa kërái rái jae reta pemborɨ waerä.


Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.


Pemandúa jokua ara reta rupi pe judío mbae piko wae pikose mbɨrɨ Cristo wi. Jare opaete mbaembae ikawiete wae Tumpa jei umeeta iko Israel iñemoñaa reta pe wae pemaerä'ä ko, echa’ä Israel iñemoñaa reta’ä ko pe reta ramo. Jare jokua yemɨngeta Tumpa arakae uyapo Israel iñemoñaa reta ndiwe wae pemaerä'ä ko. Jáeramo pikoiñose kua ɨwɨ pe mbɨrɨete Tumpa wi.


Tenonde yawe pe reta piko mbɨrɨete Tumpa wi jare piyowaichose piko ikotɨ. Echa’ä pepɨa pe piyemɨngetase kachi jare piyapose wi mbaembae ikawi mbae wae.


Awɨye tuiko jete uipota uyapo wae rupiño Tumpa uikuaa mbae wae reta yureko rami.


Jare ime yawe kía uikuaa mbae rewe opia Tumpa jape wi wae, sacerdote tenondewaete ipuere omborɨ uiparareko rewe, echa’ä jae ko ipɨräta mbae wae wi.


Erëi o jupiete ye wae pe sacerdote tenondewaeteño ipuere uike pëti weseño año pe. Jare jae uike yawe, imeta ko uruike mbaemɨmba uyeyukakue wae juwɨ upɨyere waerä Tumpa jowai. Jukuärái uyapo awɨye waerä Tumpa uiporaraka chupe reta jae mbaembae uyawɨ Tumpa kotɨ wae rei jare Israel iñemoñaa reta mbaembae uyawɨ uikuaa mbae rewe wae re.


Tumpa peñono tee ma jae imaerä piko waerä. Jae umenda rami ko pe reta ndiwe. Erëi pe reta awasa uyapo wae rami ko. ¿Pikuaa’ä yerá kua ɨwɨ pewa reta opaete seri oyowaicho ñonoï Tumpa kotɨ wae? Jare ¿pikuaa’ä yerá kía uipɨsɨ jae reta jeko yawe, jae uyembowaicho ko oï Tumpa kotɨ? Jáeramo kía uipota iko yawe kua ɨwɨ jeko rupiño, jae uyeyapo ko oï Tumpa jowaichorä.


Tenonde yawe, pe reta pikuaa’äse Tumpa jare pikose kachi pe reta pere wae rupiño. Erëi añawe pe reta ko jae Tumpa taɨ reta etei. Jáeramo piko kawita ko Tumpa jei wae rupi.


Erëi ime yawe kía uñamɨtäa ïru hermano wae, imeño oï pɨ̈tumimbi pe jare jekuaeño uyapo mbaembae pɨ̈tumimbi pewa. Jae uikuaa’ä ketɨ ra oo oï wae, echa’ä jae ko jesa mbae wae rami Tumpa jowai mbaembae kachi uyapo wae jeko pewa.


Lean sinn:

Sanasan


Sanasan