Efesios 4:13 - Biblia

¹³ Jare jukuärái opaete yande ñaïta pëti ramiño mbaembae jupiete yarowia wae re jare mbaembae yaikuaa Tumpa Taɨ rewa wae re. Jare jukuärái yakuakuaata ya yandereko oï rewa Cristo jeko rami.

Guaraní Pe (Western): Simba

¹³ Cristo uipota yayeyapo vaerã penti ramiño yandepurugüɨrovia rupi, yaicuaa cavi vaerã jae co Tumpa Taɨ. Uipota yayeyapo vaerã penti cuimbae ipɨrãta vae rami. Jare jucuarãi yayeyapota co, yandepɨa tɨnee oĩ Cristo pe yave.

Efesios 4:13 Iomraidhean Croise

Isaías 53:11

Jetaete ma uiporara yawe, uyerowia yeta, echa’ä jae uikuaata jokua jae uiporara wae rupi jeta wae reta onoita tekowe opa mbae wae Tumpa ndiwe. Tumpa jei kuärái: “Che amaeta jeta wae reta re jeko mbae wae reta rami. Echa’ä yepe tëi uyawɨ reta ma chekotɨ, jesewe jokua chewe uyeyokui wae opata umbɨepɨ teko onoi reta chekotɨ wae.

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 1:16

Jayawe jae ko jee Ñee wae ipɨakawiete ye ramo, jekuaeño yayekou mbaembae ikawiete ye wae re – jae ko mbaembae jae ipo wi etei ou wae.

San Juan 16:3

“Kua uyapota pewe reta, echa’ä jae reta chekuaa’ä jare uikuaa’ä wi cheRu.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 6:69

Jare wi ore ndorowia ko nderé jare nduikuaa ndeeño ko jae Tumpa Taɨ jupiete wae,” jei Pedro Jesús pe.

Hechos 4:32

Jayawe opaete Cristo re wɨrowia wae reta yureko ipɨa pe pëti ramiño uyerowia rewe. Mbaetɨ pëti awe jae reta ipɨte pe mbaembae umbɨete iyupe reta wae. Opaete mbaembae onoi reta wae umbɨyaoñoi iyupe reta.

1 Corintios 1:10

Jayawe hermano mii reta, che pumɨñera yandeYa Jesucristo jee re awɨye waerä piyeaka pe yepái jare awɨye waerä piyembɨyao tee tee peyuwi. Erëi pumɨñera piñemɨïru päwe pëti ñee wae rupiño.

1 Corintios 14:20

Hermano mii reta, kua mbaembae reta rewa awɨye jekuaeño pepɨa pe piyemɨngeta sambiaɨ reta rami. Ime amokue mbaembae re ikawi ko pe reta piko waerä pëti sambiaɨ iyarakuaa mbae wae rami – jae ko mbaembae ikawi mbae wae rewa. Erëi jokua mbaepuere reta Espíritu Santo umee yandewe wae, jokua re aeka pewe piyemɨngeta waerä pepɨa pe ukuakuaa wae reta rami.

1 Corintios 2:6

Erëi che aï yawe kía kía Tumpa kotɨ ukuakuaa ma wae reta ipɨte pe, che aiporu ko ñee arakuaa katu pewa. Erëi kua arakuaa mbaetɨ ko ɨwɨ pewa. Jare jae’ä ko wi mburuwicha reta kua ɨwɨ pewa iyarakuaa onoi wae rami. Echa’ä añetete jokua mburuwicha reta imbaepuere opata oï.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Gálatas 4:19

Pe reta ko jae cheraɨ reta rami. Jare añawe kërái pëti kuña imembɨrasɨ oï wae ipɨa’ä oï imembɨ re rami, jukuäraiete wi che chepɨa’ä aï peré. Jare jukuärái chepɨata’ä aï peré Cristo jeko uyekuaa peré rewa.

Efesios 1:17

Aeka aï chupe umee pewe waerä arakuaa Espíritu Santo rupi, jukuärái pikuaa kawi waerä Tumpa, yandeYa Jesucristo Tu jupiete ye wae.

Efesios 4:12

Kua reta Cristo uiparawo yanemboe waerä kërái yayeyokui kawi waerä Tumpa pe, opaete yande Cristo jete pewa rami ñaï wae reta, jare jukuärái ñanemɨmɨräta waerä Tumpa kotɨ.

Efesios 4:3

Espíritu Santo yandapo ma pëti ramiño yaiko waerä. Jáeramo piyandareko kawi piyé pepɨakatu rewe jukuärái piko waerä.

Efesios 4:5

Ime ñanoi wi pëtiño yandeYa, jare jae iñee re yarowia ñaï pëti ramiño. Jare wi opaete yande yayembɨsakambuka ma ɨ pe yaechaka waerä ïru wae reta pe kërái ñaï ma pëti ramiño Cristo re wae.

Filipenses 3:10

Che aipota aikuaa kawi Cristo. Jare jokua mbaepuere Tumpa uiporu umbɨjekowe ye waerä Cristo wae, jokua mbaepuere aipota uparawɨkɨ waerä che rupi wi. Jare yepe tëi aramoi aiporarata jare amanota Cristo rami, erëi aipota aiko wi Cristo rami.

Filipenses 3:8

Jare jukuärái wi ko opaete ïru mbaembae reta ayekose tëi jese wae. Añawe che aikuaa cheYa Jesucristo, jare che arowia jokua ikawiete ye oï ipotawe ïru mbaembae wi. Jáeramo che aeya ma opaete jokua mbaembae ayekose tëi jese wae. Jare aecha ma ɨtɨ rami jokua mbaembae reta chepuere waerä akuakuaa Cristo kotɨ.

Colosenses 1:28

Jayawe ore numɨmbeu noï Cristo rewa. Ndupurumbɨarakuaa noï jare nomboe noï opaete wae arakuaa katu rewe. Echa’ä ore nduipota tëi opaete wae ñonoï waerä pëti ramiño Cristo re jare ukuakuaa kawi reta waerä Tumpa kotɨ. Jukuärái ore nduipota tëi nduraa opaete wae Tumpa jowai.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

Hebreos 5:14

Erëi ukuakuaa ma Tumpa kotɨ wae reta ɨma rupi uyemboe ma uikuaa waerä mbae ra ko jae ikawi wae jare ikawi mbae wae. Jae reta ko kía ipuere jou tembiu ipɨräta wae rami, echa’ä ipuere uikuaa kawi reta yemboe yawái wae.

2 Pedro 1:4

Jare Tumpa imbaepuere jare ipɨakawi rupi yayekou ñaï mbaembae ikawiete ye wae re Tumpa jei umeeta iko yandewe wae re. Jare pe reta kua re piyekou peï ramo, pereko ipuere iko Tumpa jeko rami. Jare jukuärái kua ɨwɨ pewa reta jeko ikawi mbae wae ndarau pererükumewa. Añetete kua ɨwɨ jeko rupi yureko wae reta uñererükumewa ma, echa’ä jaeño uipota uyapo reta mbae ikawi mbae wae.

2 Pedro 3:18

Jekuaeño pekuakuaa Tumpa kotɨ yandeRepɨ wae yandeYa Jesucristo ipɨakawi rupi. Jare arakuaa jesewa tukuakuaa peré. ¡Jae jee tuyembutuichaka añawe jare jaeño mái pewa! Jukuärái tuiko.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.