Efesios 4:12 - Biblia

¹² Kua reta Cristo uiparawo yanemboe waerä kërái yayeyokui kawi waerä Tumpa pe, opaete yande Cristo jete pewa rami ñaï wae reta, jare jukuärái ñanemɨmɨräta waerä Tumpa kotɨ.

Guaraní Pe (Western): Simba

¹² Cua Cristo uyapo, uñeñono tee Tumpa peguarã vae reta ipɨrãta vaerã ipurugüɨrovia re, jae reta ipuere vaerã uparavɨquɨ Tumpa pe, Cristo jeterã uyeyapo vaerã.

Efesios 4:12 Iomraidhean Croise

San Lucas 22:32

“Jayawe michi pewa ndiyerowata neï chewi kuri. Erëi che ayerure ma Tumpa pe nderé nde jekuaeño nderowia waerä cheré. Jare ndiyerowa ye ma chekotɨ yawe, emɨmɨräta kua nderɨwɨ reta,” jei chupe.

Hechos 1:17

“Yepe tëi Judas ore ndiwe iko kua mbarawɨkɨ pe, jare uyepapa ore ndiwe,

Hechos 11:23

Jare jae oo uwäe yawe, uecha kërái jokua judío mbae wae reta añetete wɨrowia ñonoï yandeYa re jare uyekou ñonoï ipɨakawi re. Jayawe Bernabé tuicha rupi uyerowia jokua re. Jare jae jekuaeño umɨkɨrëɨ reta awɨye waerä uyerowa reta ye yandeYa wi. Jare umɨkɨrëɨ reta wi jekuaeño uyapo reta waerä ipɨa rewe yandeYa jei wae rupi.

Hechos 20:24

“Erëi jesewe akɨye’ä,” jei. “Chepɨa pe ayemɨngeta’ä etei ayerepɨ waerä. Jaeño aipota opa ayapo waerä ayerowia rewe jokua mbarawɨkɨ yandeYa Jesús umee chewe wae. Jare cheparawɨkɨ ko jae jekuaeño amɨmbeu waerä ïru wae reta pe ñee ikawi wae kërái ko Tumpa ipɨakawiete ye oï yandewe wae re,” jei chupe reta.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Hechos 9:31

Joko wi ɨma katu rupi opaete ɨwɨ Judea rupi, Galilea rupi, jare Samaria rupi hermano reta ipɨawiwe yureko jare uñemɨmɨräta reta Tumpa re. Yureko reta uipɨu rewe yandeYa wi, jare Espíritu Santo umbɨpɨakatu reta. Jayawe jekuaeño uyembɨjeta yuraa Cristo re wɨrowia wae reta.

Romanos 12:5

Jukuärái wi ko opaete yande Cristo re yarowia wae reta. Yepe tëi jeta ko yande reta jare oyowake’ä etei ko ñaï, erëi Cristo opaetei yandapo ma pëti ramiño iyé. Jare pëti ramiño ko ñaï jese ramo, yande reta pëti ramiño ko ñaï yandiyé wi.

Romanos 12:7

Jare kía pe Tumpa umee ïru hermano reta pe uyeyokui waerä wae, tuyeyokui kawi chupe reta. Jare kía pe Tumpa umee iñee re oporomboe waerä wae, toporomboe kawi.

Romanos 14:19

Jáeramo yayapo kawi mii ñañemɨmɨräta päwe waerä Tumpa re jare yaiko kawi waerä yandepɨakatu rewe.

Romanos 15:14

Jayawe hermano mii reta, aikuaa aï pe pepɨakawiete ko jare pikuaa kawi peï jeta kua mbaembae rewa. Jare aikuaa aï wi pe reta pepuere piyembɨarakuaa kawi.

Romanos 15:2

Erëi yande pëti pëti wae imeta ko yaiko yambɨyerowia waerä ïru hermano Cristo re wɨrowia wae reta mbaembae ikawita chupe wae rupi. Echa’ä jukuärái yayapo yawe, ñamɨmɨrätata ñanoi reta Tumpa kotɨ.

Romanos 15:29

Jare aikuaa che a pepɨ yawe, yayekou päweta mbaembae ikawi wae Cristo uyapo yandewe wae re.

1 Corintios 12:27

Jayawe yanemandúa kawi yawe opaete kua mbaembae reta re, añawe yandepuere yae yambɨjaanga rewe opaete yande ko jae yandeYa Cristo jete, jare pëti pëti ko ñaï jae jete pewa.

1 Corintios 12:7

Jayawe Espíritu Santo umee pëti pëti Cristo re wɨrowia wae pe kërái omborɨ waerä ïru hermano reta ambɨe ye ye rupi. Jare jukuärái opaete wae uñemɨkɨrëɨta Tumpa kotɨ.

1 Corintios 14:12

Jokua re ikawi piyemɨngeta waerä pepɨa pe. Che aikuaa pe reta pipotaete penoi mbaepuere reta Espíritu Santo umee wae. Erëi peka mii jokua mbaepuere reta pemɨmɨräta waerä pɨpe ïru hermano Cristo re wɨrowia wae reta.

1 Corintios 14:14

Che chepuere ayerure Tumpa pe ñee yaikuaa mbae wae pɨpe. Erëi jukuärái yawe, che ayerure pochɨño aï. Che ayerure aï Espíritu Santo rupi, erëi che etei aikuaa’ä mbae jae aï wae.

1 Corintios 14:26

Jáeramo hermano mii reta, opaete kua yayemboe yayu wae re, ¿kërái pa añawe yayapo? Pe reta piyembatɨ yawe päwe rewe pembutuicha waerä Tumpa jee, pëti wae ipuere jei mbae nunga salmo pekäta waerä. Ïru wae ipuere oporomboe mii. Ïru wae ipuere uikuaaka pewe kërái Tumpa pëti mbae uechaka ma chupe wae. Jare ïru wae ipuere uyemɨngeta mii pëti ñee ambɨe pe. Jare ïru wae ipuere umbɨasa jokua ñee ñaniñee pe. Erëi opaete kua mbaembae mii tuiko pepɨräta päwe waerä Tumpa kotɨ.

2 Corintios 12:19

Aramoi perowia peï nduyerepɨ waeräño ko numɨmbeu noï pewe kua mbaembae. Erëi jukuärai’ä ko. Tumpa jowake ko numɨmbeu noï pewe, ore pëti ramiño noï Cristo re wae reta. Mase cheïru puau wae reta, opaete nduyapo wae, nduyapo ko pe reta pepɨräta waerä Tumpa re.

2 Corintios 13:11

Jayawe hermano mii reta, kuaño ma aipota pe reta piyapo waerä: Piyerowia jare jekuaeño peka mbae jupi waeño piyapo waerä. Piñemɨkɨrëɨ päwe rewe. Piko kawi pepɨakatu rewe pëti ramiño. Jare Tumpa oïta pe reta ndiwe. Jae ko yanderau jare yanembɨpɨakatu wae.

2 Corintios 13:9

Ore nduyerowiata pe reta piko yawe Tumpa uipota wae rupi, yepe tëi aramoi ore nduyekuaata orepɨräta’ä wae rami. Jáeramo nduyerure noï peré opa piyeapɨkatu kawi waerä Tumpa ndiwe.

2 Corintios 3:8

Erëi ¡ikawiete ye ye ko kua yemɨngeta ipɨau wae Espíritu Santo uyapo oï wae!

2 Corintios 4:1

Jáeramo ore orekueri’ä etei. Echa’ä Tumpa oreparareko jare umee orewe nduyeyokui waerä chupe.

2 Corintios 5:18

Jare Tumpa ko uyapo opaete kua. Yepe tëi yande reta yayowaichose yaiko Tumpa kotɨ, erëi jae yandeapɨkatu ma jae ndiwe etei Cristo rupi. Jare añawe Tumpa umee ma yandewe yamɨmbeu waerä ïru wae reta pe kërái jae reta ipuere waerä uyeapɨkatu Tumpa ndiwe. Kua ñee jae ko kuärái: Opaete yande kua ɨwɨ pe yaiko wae reta yayawɨ ma Tumpa kotɨ jare teko pe ma ñaï jae jowai. Erëi Tumpa uyapo ma kërái rupi yandepuere waerä yayeapɨkatu jae ndiwe etei – jokua ko jae Cristo uyapo yandewe wae rupi. Jare añawe kía wɨrowia Cristo re yawe, ndarau ye Tumpa umbɨjeko mbaembae uyawɨ ikotɨ wae re.

2 Corintios 6:3

Ore nduipota’ä kiawe umbɨjeko waerä oreparawɨkɨ Tumpa pewarä wae. Jáeramo nduyandareko kawi oriyé awɨye waerä numbɨawái kiawe Tumpa kotɨ.

2 Corintios 7:1

Opaete kua mbaembae Tumpa uikuaaka ma yandewe jae uyapota oï. Jáeramo cheïru puau mii wae reta, yamombota ko yandeyuwi ipotawe mbae yandererukachi Tumpa kotɨ wae – jae ko mbae ikawi mbae yayapo yandepɨa pe wae jare yanderete pe wi. Yandereko toya katu too jupi wae re Tumpa wi yaipɨu ramo.

Efesios 4:16

Kua yandepuere yambɨjaanga yanderete re. Echa’ä yanderete pe oï wae ambɨe ye ye ko, jare pëti pëti jokua reta ime onoi iparawɨkɨi. Erëi opaete jokua reta pëtiño ko. Jukuärái wi ko yande Cristo re yarowia wae reta. Cristo ko jae ñanäka rami, jare yande ñaï ma ko jae jete rami. Pëti pëti yande ime ñanoi yandeparawɨkɨi Tumpa uipota yayapo waerä wae. Jare jukuärái yayapo yawe yayerau rewe, jare yayemborɨ päwe rewe yawe, jayawe ñañemɨmɨrätata ñaï Tumpa re.

Efesios 4:29

Jare piyandareko kawi piyé mbae pere wae rupi. Awɨye ñee ikawi mbae wae pemoë. Pemoë ñee ikawi waeño pemɨkɨrëɨ waerä ïru wae reta. Jare jukuärái ipotawe kía piñee re uyapɨsaka wae uñemɨmɨrätata Tumpa re.

Efesios 4:4

Añetete yande ñaï pëti ramiño, echa’ä Cristo jete rami ko ñaï. Jae nunga wi Espíritu Santo yandepɨa pe oï wae pëtiño ko. Jae ramiño wi pëti ramiño yande ñaäro ñaï yarowia katu rewe jokua ara ñanoi waerä opaete mbaembae ikawiete wae Tumpa umeeta oï yandewe wae.

Colosenses 1:24

Che jeta ma aiporara jokua ñee amɨmbeu waerä jare pe reta piyekou waerä jese. Erëi ayerowia aï, echa’ä kua che añawe aiporara aï wae rupi añemɨïru aï Cristo ndiwe. Echa’ä Cristo uiporara wi kua ɨwɨ pe iko rambuewe. Jayawe che arupɨa aï ayerowia rewe opaete mbaembae aiporara aï wae, jukuärái opaete Cristo re wɨrowia wae reta uyekou waerä Tumpa re. Jae reta ko jae yandeYa Cristo jete rami.

Colosenses 1:28

Jayawe ore numɨmbeu noï Cristo rewa. Ndupurumbɨarakuaa noï jare nomboe noï opaete wae arakuaa katu rewe. Echa’ä ore nduipota tëi opaete wae ñonoï waerä pëti ramiño Cristo re jare ukuakuaa kawi reta waerä Tumpa kotɨ. Jukuärái ore nduipota tëi nduraa opaete wae Tumpa jowai.

Colosenses 4:17

Jare pere wi hermano Arquipo pe tuñemɨatangätu opa uyapo waerä mbarawɨkɨ yandeYa umee chupe wae.

1 Timoteo 1:12

Jayawe che amee yasurupái yandeYa Jesucristo pe, echa’ä jae chemɨmɨräta ramo. Amee yasurupái wi chupe, echa’ä jae chererowia katu ayapo waerä mbarawɨkɨ Tumpa pewarä jare cheparawo ayeyokui waerä chupe.

2 Timoteo 4:11

Jaeño Lucas imeño oï che ndiwe. Jayawe ndeyu ma neï yawe, eka eru Marcos nde ndiwe. Echa’ä jae chemborɨ kawita kua mbarawɨkɨ pe.

2 Timoteo 4:5

Erëi nde, jekuaeño iyandareko kawi ndiyé mbaembae kachi wae wi. Jekuaeño emɨmbeu ñee ikawi wae Jesucristo rewa, jare emɨawäta ndiporara yawe ñee ikawi wae jeko pewa. Jare opa iyapo kawi mbarawɨkɨ Tumpa umee ndewe wae.

Hebreos 13:17

Petenondewa reta uparawɨkɨ ñonoï uyandareko kawi waerä peré, echa’ä jae reta uikuaa pëti ara uyemboɨta ñonoï Tumpa jowai umɨmbeu waerä iparawɨkɨ rewa. Jáeramo piko mii jae reta jei wae rupi. Echa’ä jukuärái piyapo yawe, jae reta uyerowia rewe uyeyokuita Tumpa pe. Erëi pe reta piyapɨsaka’ä yawe jese reta, jae reta ipɨatɨtɨta, jare jokua ndarau ueru pewe mbae ikawi wae.

Hebreos 6:1

Jáeramo yasa mii ya tenonde yemboe Cristo rewa yawái mbae oï wae wi yakuakuaa kawi waerä Tumpa kotɨ. Awɨye jekuaeño yayemboe jokua tenonde yambɨpɨ yayemboe wae reño – jae ko kërái imeta ko yaeya yandepɨayemɨngeta jupi mbae wae jare yarowia kawi waerä Tumpa re. Echa’ä tenonde yawe yarowiase tëi mbaembae yayapo wae rupi ko yandepuere ñanoi tekowe opa mbae wae.