Efesios 4:11 - Biblia

¹¹ Jare jae etei uiparawo amokue wae reta uyeyokui waerä jese wɨrowia wae reta pe. Amokue jae reta Cristo omondo jae jee re umɨmbeu waerä jesewa opaete kerupi. Jare wi amokue jae reta jae uiparawo umɨmbeu waerä ñee Tumpa wi etei ou wae. Jare wi amokue jae reta jae uiparawo umɨmbeu waerä ñee ikawi wae Cristo rewa ndei uikuaa wae reta pe. Jare wi amokue jae reta jae uiparawo uyandareko kawi waerä Cristo re wɨrowia wae reta re jare omboe kawi reta waerä Tumpa iñee re.

Guaraní Pe (Western): Simba

¹¹ Jare Cristo etei umee amocue vae pe temimondo retarã yugüɨreco vaerã. Jare umee amocue vae pe Tumpa iñee umɨmbeu vaerã. Umee vi amocue vae pe umɨmbeu vaerã ñee icavi vae. Umee vi ĩru vae reta pe uyandareco vaerã upurugüɨrovia vae reta re, jare ĩru vae reta pe omboe vaerã upurugüɨrovia vae reta.

Efesios 4:11 Iomraidhean Croise

San Mateo 28:20

“Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

Hechos 13:1

Tëta wasu Antioquía pe ime yureko jeta wae reta Cristo re wɨrowia wae. Jare jae reta ipɨte pe yureko amokue kuimbae ñee Tumpa wi etei ou wae umɨmbeu wae reta jare Tumpa iñee re oporomboe wae reta. Jae reta jee Bernabé, jare Simón (jae nunga wi jee ko Jü wae), jare Lucio (jae ko tëta wasu Cirene jee wae pewa), jare Manaén (jae ukuakuaa mburuwicha wasu Herodes ndiwe), jare Saulo wi.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Hechos 21:8

Pɨarewe pe ore noë ndoo chuwi reta jare ndoo nuwäe tëta wasu Cesarea pe. Joko pe ore ndupɨta Felipe jëta pe. Felipe ko jae Cristo rewa ndei uikuaa wae reta pe umɨmbeu wae. Jare jae ko jokua chiu kuimbae wi pëti wae.

Romanos 12:7

Jare kía pe Tumpa umee ïru hermano reta pe uyeyokui waerä wae, tuyeyokui kawi chupe reta. Jare kía pe Tumpa umee iñee re oporomboe waerä wae, toporomboe kawi.

1 Corintios 12:4

Jare jae nunga wi Espíritu Santo umee yandewe opaño kërái raí mbaepuere reta. Erëi yepe tëi oyowake’ä ko jokua mbaepuere reta, erëi opaete pëti Espíritu wiño ko ou.

Efesios 2:20

Yandepuere yambɨjaanga pëti tëta re: Opaete yande Cristo re yarowia wae reta ko jae Tumpa jëta rami. Pëti tëta ikawi oï waerä, imeta ko ikawi oï iwapɨka. Tumpa jëta iwapɨka ko jae Jesús jemimboe tenondewaete reta jare Cristo rewa tenondete umɨmbeu wae reta. Jare Jesucristo etei ko jae tëta iwapɨka ita tenondewaete uñeñono wae rami.

Efesios 3:5

Kua ipɨayemɨngeta tenonde yawe jae uikuaaka’ä kía pe awe. Erëi añawe Espíritu Santo rupi jae uikuaaka ma orewe. Ore ko jae Jesús oremondo jae jee re wae jare ñee Tumpa wi etei ou wae numɨmbeu wae reta.

Efesios 4:8

Jukuärái ko arakae wiwe Tumpa jei iñeerɨru pe, echa’ä uyekuatía oï Cristo rewa kuärái: “Jae uyeupi oo ye ɨwate kotɨ yawe, oo upurumɨamɨri wae wɨraa oï ipereso reta wae rami. Jare umee mbaembae ikawi wae kuimbae jare kuña reta pe.” Jukuärái uyekuatía oï.

2 Timoteo 4:5

Erëi nde, jekuaeño iyandareko kawi ndiyé mbaembae kachi wae wi. Jekuaeño emɨmbeu ñee ikawi wae Jesucristo rewa, jare emɨawäta ndiporara yawe ñee ikawi wae jeko pewa. Jare opa iyapo kawi mbarawɨkɨ Tumpa umee ndewe wae.

Hebreos 5:12

Ɨma ma pe reta perowia tëi Cristo re, jare peporomboeta tëi ma ko kua mbaembae re. Erëi pepuere’ä, echa’ä jokua yemboe yawái mbae mii awe Tumpa rewa ndeiño pikuaa wi. Imeta ko ou kía pemboe pɨau ye. Añetete pe reta ko jae michi wae reta necheño jou wae rami.

Judas 1:17

Erëi pe cheïru puau mii wae reta, pemandúa yandeYa Jesucristo jemimboe tenondewaete reta umɨmbeu pewe wae re.

Apocalipsis 18:20

Joko wi ayandu pëti ñee jei kuärái: “Tuyerowia kua re opaete wae ara pe ma ñonoï wae reta. Jare tuyerowia wi opaete wae Tumpa oñono tee ma jae imaerä wae reta jare opaete wae ñee Tumpa wi etei ou wae umɨmbeu wae reta. Jare tuyerowia wi opaete wae Tumpa omondo jae jee re wae reta. Echa’ä Tumpa uyepɨ ma chupe reta Babilonia pe.” Jukuärái jei.

Apocalipsis 21:14

Jare tëta wasu ikësea ime onoi doce iwapɨka. Jare uyekuatía oï jese reta Owecha kuimbae taurusu wae doce jemimboe tenondewaete jee reta pëti pëti rupi.