Efesios 3:8 - Biblia

⁸ ¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Guaraní Pe (Western): Simba

⁸ Yepe tẽi che co jae uñeñono tee Tumpa peguarã vae reta jaɨcuegua ete, ẽrei Tumpa cua umee cheve ipɨacavi jeco pegua, che amɨmbeu vaerã judío mbae vae reta pe quirãi yaicocatu ete co Tumpa cotɨ, Cristo re yarovia yave. Echa'ã mbaetɨ quía ipuere uicuaa cua regua ipɨayemɨngueta rupiño.

Efesios 3:8 Iomraidhean Croise

San Lucas 14:22

“Jayawe uyeyokui wae oo uyapo karái jei wae. Jare opa ma uyapo yawe, jei karái pe: ‘Karái, ayapo ma opaete nde ndere chewe wae, erëitu imeño amokue tenda reta ipo mbae oï wae,’ jei chupe.

San Juan 1:16

Jayawe jae ko jee Ñee wae ipɨakawiete ye ramo, jekuaeño yayekou mbaembae ikawiete ye wae re – jae ko mbaembae jae ipo wi etei ou wae.

Hechos 5:41

Jayawe Jesús jemimboe tenondewaete reta oë ye yuraa joko wi. Jare uyerowiaete reta, echa’ä Tumpa umee chupe reta ipuere waerä uiporara Jesús re wɨrowia reta wae re.

Hechos 9:15

Jayawe yandeYa jei chupe: “Ekuaño eowäiti Saulo,” jei. “Echa’ä che aiparawo ma uyeyokui waerä chewe. Amondota aï Saulo chekuaaka waerä judío mbae wae reta pe, jare imburuwicha reta pe, jare Israel iñemoñaa reta pe wi.

Romanos 11:33

¡Tuichaete ye ko Tumpa iyarakuaa! ¡Mbaetɨ mbae awe jae uikuaa mbae wae! ¿Kía ra ipuere uikuaa Tumpa ipɨayemɨngeta jare maera uyapo jokua uyapo wae?

Romanos 12:10

Piyerau päwe rewe pëti tëtara reta uyerau wae rami, jare awɨye piyembɨtenonde ïru wae reta wi.

Romanos 2:4

Añawe Tumpa ipɨakawi oï ndewe jare ipɨawasu oï ndewe; jáeramo ndeiño uiporaraka oï ndewe. Erëi nemaerä, mbae’ä chawaa oï ndewe. Erëi aipota ndikuaa waerä kua: Tumpa ipɨakawi oï ndewe ndeya waerä ndepɨayemɨngeta jupi mbae wae Tumpa rewa.

1 Corintios 1:30

Pe retái piyeyapo’ä ko pëti ramiño Jesucristo re. Tumpa ko uyapo jokua mbae. Jare Cristo rupi Tumpa uikuaaka yandewe iyarakuaa. Echa’ä Cristo uyapo wae rupi opa ma uyembɨepɨ teko yareko wae, jare jukuärái Tumpa umae yanderé yandereko mbae wae rami jare ñaneñono tee jae imaerä.

1 Corintios 15:9

Echa’ä tenonde yawe jeta che aiporarakase Cristo re wɨrowia wae reta pe. Jáeramo jokua ïruwe kuimbae reta Cristo etei omondo wae ko jae cherɨkeɨ tenondewa chemaerä, jare che jupi’ä etei ko jei reta waerä chewe Cristo etei omondo wae.

1 Corintios 2:9

Erëi ¿këraita ra ipuere uikuaa reta? Echa’ä Tumpa iñeerɨru pe jei yandewe kuärái: “Tumpa uyapɨkatu ma mbaembae ikawiete ye ye wae kía kía uau Tumpa wae reta pewarä. Erëi mbaetɨi kiawe uecha jare uyandu jokua mbaembae rewa wae. Jare mbaetɨi wi kiawe ipɨa pe yepe uyemɨngeta jese wae, echa’ä ikawiete ye ye wae ko.” Jukuärái uyekuatía oï.

Gálatas 1:16

Taɨ uikuaaka chewe waerä. Jukuärái uyapo chewe che a amɨmbeu waerä Taɨ rewa judío mbae wae reta pe kerupi rupi ñonoï wae rupi. Erëi Tumpa Taɨ uyekuaa chewe yawe, che aeka’ä kiawe chembɨarakuaa waerä jese.

Gálatas 2:8

Añetete Tumpa omondo Pedro judío reta ipɨte pe. Jare jukuärái wi Tumpa chemondo judío mbae wae reta ipɨte pe. Jayawe ore mokui rewe ko jae Tumpa oremondo jae jee re wae.

Efesios 2:7

Jukuärái Tumpa uyapo yandewe uikuaaka kawi waerä opaete wae pe taɨkue rupi kërái tuichaete ko Tumpa ipɨakawi yanemaerä Jesucristo rupi.

Efesios 3:1

Pe reta judío mbae piko wae, jeräkua ma ko pewe kërái Jesucristo umee chewe mbarawɨkɨ ikawi wae amɨmbeu waerä pewe ñee Tumpa ipɨakawi rewa. Jayawe amɨesäka pewe kërái Cristo rupi yandepuere ñanoi tekowe opa mbae wae. Jare jukuärái ayeyokui Jesucristo pe ramo, peresorɨru pe aï.

Efesios 3:16

¡Tuichaete ko yandeRu Tumpa imbaepuere jupiete wae! Jare aeka aï Tumpa pe umɨmɨräta waerä pepɨa Espíritu Santo rupi.

Efesios 3:19

Mbaetɨ kiawe ipuere uikuaa opaete Cristo yanderau wae rewa, echa’ä tuichaete ye ko. Jáeramo aeka aï Tumpa pe jekuaeño pembɨpɨarakuaa waerä jesewa, jare jukuärái peya katu waerä Tumpa jeko jupi wae re. Jukuärái ayerure aï chupe peré.

Filipenses 2:3

Awɨye mbae piyapo piyembutuicha rewe jare piyembɨkate rewe. Erëi pëti pëti tumae uñemɨmichi rewe ïru wae reta re jae ko itenondewa rami.

Filipenses 4:19

Jare jukuärái wi cheRu Tumpa jetaete ye onoi wae wi umeeta pewe opaete mbae uata oï pewe wae. Jukuäraita ko, echa’ä pe reta pëti ramiño peï Jesucristo re ramo.

Colosenses 1:27

Echa’ä Tumpa uikuaaka ma yandewe kërái opaete wae ipuere uyekou mbae ikawiete ye wae re – jae ko ipuere onoi Cristo ipɨa pe kërái pe reta penoi wae rami. Jare jukuärái ipuere uäro reta wi uyerowia katu rewe uyekou reta waerä Tumpa imbaepuere jembipete ye wae re.

1 Timoteo 1:13

Jukuärái Cristo uyapo chewe yepe tëi tenonde yawe che jaeñoi ikawi mbae wae ikotɨ, jare ayapoñoi ikawi mbae wae jese wɨrowia wae reta kotɨ, jare chereko kachi ikotɨ reta. Erëitu yandeYa ipɨakawi chewe, echa’ä ndei arowia aiko jese ramo, jare aikuaa’ä aiko jokua ayapo wae mbae ikawi mbae wae ko.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.

1 Timoteo 2:7

Jare Tumpa cheparawo jare chemondo jae jee re opaete kerupi amɨmbeu waerä iñee. Jare kua che jae aï wae añetete ko. Chapu’ä etei ko aï. Echa’ä Tumpa etei cheparawo amboe waerä judío mbae wae reta pe añetete wae rewa.

2 Timoteo 1:11

Jayawe Tumpa cheparawo, jare chemondo jae jee re etei amɨmbeu waerä jeta wae reta pe jokua ñee jare aporomboe waerä jese.

Apocalipsis 3:18

‘Jáeramo añawe che pumbɨarakuaa aï piyapo waerä kuärái: Peyu chekotɨ pewa chewi waerä oro uwerasɨ wae rami. Echa’ä jukuärái pikokatuta chekotɨ. Jae nunga wi pewa chewi temimonde tïi wae pemonde waerä, awɨye waerä pemara penani peï ramo. Jae ramiño wi pewa chewi moa piñono waerä peresa pe pepuere waerä pemae kawi chekotɨ.