Efesios 3:4 - Biblia

⁴ Jayawe pemɨngeta yawe kua tupapire, pikuaa kawita ko kërái aikuaa aï Tumpa ipɨayemɨngeta Cristo rewa.

Guaraní Pe (Western): Simba

⁴ Pemɨngueta yave, picuaa cavita co quirãi che aicuaa jocua Cristo regua tenonde yave uyecuaa mbae vae.

Efesios 3:4 Iomraidhean Croise

San Mateo 13:11

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi ïru wae reta pe uñemee’ä uikuaa waerä.

San Lucas 8:10

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi che amboe ïru wae reta ambɨjaanga rewe awɨye waerä uikuaa kawi reta. Echa’ä jae reta uecha tëi che mbaembae ayapo wae jare uyandu reta tëi wi chiñee, erëi jesewe uipota’ä wɨrowia reta cheré,” jei chupe reta.

Romanos 11:25

Jáeramo hermano mii reta, ime mbae ndei etei uyekuaa oï wae aipota pe judío mbae piko wae reta pikuaa kawi waerä. Jare kua che aipota pikuaa waerä awɨye waerä piyembɨkate. Yepe tëi añawe jeta judío reta ipɨatäta ñonoï Jesucristo kotɨ, erëi ndarau jukuäraiño upɨta reta. Tumpa uikuaa opaete judío mbae wae wɨrowiata oï jese wae reta, jare opa ma jae uipapa reta. Jare opaete jae reta wɨrowia ma yawe,

Romanos 16:25

Jare añawe yambutuicha Tumpa jee. Jae ko ipuere pemɨmɨräta Tumpa re kua ñee ikawi wae Jesucristo rewa amɨmbeu pewe wae rupi. Ɨma rupi kua ñee kiawe uikuaa’ä iko.

1 Corintios 13:2

Jare aramoi Tumpa umee oï chewe ñee amɨmbeu waerä ïru wae reta pe. Jare aramoi ime anoi opaete arakuaa chepuere waerä aikuaa opaete mbaembae ïru wae reta uikuaa mbae wae. Jare aramoi chepuere ambɨsɨrɨ ɨwɨtu wasu reta che tuicha arowia Tumpa re ramoño. Erëi mbaetɨ apuruau yawe, mbae’ä etei ko che.

1 Corintios 4:1

Jayawe che aipota pe reta pemae oreré waerä jaeño nduyeyokui ko noï Cristo pe. Tumpa oreokui ma numɨmbeu waerä pewe mbaembae tenonde yawe jae uikuaaka’ä kía pe awe wae.

2 Corintios 11:6

Che aramoi chiñee ngatu’ä parawete chemiäri waerä. Erëi aikuaa kawi mbae re ayemɨngeta aï wae. Jare pe reta pikuaa kawi ma jokua rewa, echa’ä ɨma rupi jare opa kërái rái rupi ore nduikuaaka ma pewe jokua orearakuaa ime nonoi wae.

Efesios 1:9

Jukuärái Tumpa uikuaaka yandewe ipɨayemɨngeta ikawiete wae. Jokua ko jae mbaembae uyapota oï Cristo rupi wae. Jare jokua ipɨayemɨngeta tenonde yawe jae uikuaaka’ä kía pe awe. Erëi añawe uyerowia rewe Tumpa jokua uikuaaka ma yandewe.

Efesios 3:3

Pikuaa ma ko aipo peï kërái Tumpa etei uikuaaka ma chewe ipɨayemɨngeta Cristo rewa jae tenonde yawe uikuaaka’ä etei wae. Jare kua rewa aikuatía ma pewe michi kua tupapire pe.

Efesios 3:9

Jare umee wi chewe amɨesäka kawi waerä opaete wae pe kërái jae uyapo oï ipɨayemɨngeta wae. Echa’ä Tumpa opaete mbaembae uyapo wiwe uikuaaka’ä ipɨayemɨngeta kía pe awe. Erëi añawe jae uikuaaka ma yandewe.

Efesios 5:32

Yawái ko yaikuaa kawi waerä opaete kua mbaembae rewa. Erëitu jokua uyekuatía oï wae umbɨjaanga oï wi yandewe kërái yande Cristo re yarowia wae reta ñaï pëti ramiño Cristo re wae.

Efesios 6:19

Jare piyerure mii cheré wi Tumpa pe, echa’ä añawe che aï peresorɨru pe. Jare oñono reta wi cheré cadena, echa’ä Tumpa jee re che amɨmbeuñoi iñee ikawi wae jeko pewa. Jokua ñee tenonde yawe Tumpa uikuaaka mbae iko wae. Erëi uikuaaka ma chewe. Jáeramo yepe tëi peresorɨru pe aiporara aï, jesewe jekuaeño amɨmbeuta ko jokua ñee. Jayawe piyerure mii Tumpa pe cheré chepuere waerä jekuaeño amɨmbeu jokua ñee akɨye mbae rewe.

Colosenses 1:26

Kua ñee tenonde yawe kiawe uikuaa’ä iko opaetei, echa’ä Tumpa uikuaaka’ä chupe reta ramo. Erëi añawe Tumpa uikuaaka ma yandewe yande Cristo re yarowia wae reta pe.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

Colosenses 4:3

Jare piyerure mii oreré wi Tumpa umbɨsɨrɨ waerä orewi yembɨawái, jukuärái orepuere waerä numɨmbeu ñee ikawi wae Cristo rewa. Echa’ä añawe cheñono reta cadena pe kua peresorɨru pe ñee ikawi wae jekuaeño amɨmbeu wae jeko pewa. Kua ñee kiawe uikuaa’ä tenonde yawe, erëi añawe yaikuaa.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

1 Timoteo 3:9

Jare torowia ipɨa rewe jokua ñee Tumpa umee yandewe yaikuaa waerä wae. Jare awɨye tuyapo mbae ipɨa umbɨjekota oï kuri wae.