Efesios 3:3 - Biblia

³ Pikuaa ma ko aipo peï kërái Tumpa etei uikuaaka ma chewe ipɨayemɨngeta Cristo rewa jae tenonde yawe uikuaaka’ä etei wae. Jare kua rewa aikuatía ma pewe michi kua tupapire pe.

Guaraní Pe (Western): Simba

³ Picuaa ma co aipo quirãi jae etei uicuaaca cheve jocua tenonde yave uyecuaa mbae vae. Echa'ã cua regua aicuatía ma peve mbovɨ ñee peño.

Efesios 3:3 Iomraidhean Croise

Hechos 22:17

“Joko wi che ayu ye Jerusalén pe. Jare pëti ara ayerure aiko rambuewe tupao wasu joka pe, aramoiño Tumpa chembɨpau wae echa,” jei.

Hechos 22:21

“Jayawe yandeYa jei chewe: ‘Ekua. Echa’ä che nomondota mbɨrɨ judío mbae wae reta kotɨ,’ jei chewe,” jei Pablo chupe reta.

Hechos 23:9

Jayawe täta rupi uyeaka reta. Aramoiño amokue fariseo Moisés uikuatía wae re oporomboe wae reta uyemboɨ, jare iñeeäta rewe jei reta: “¡Ore nuwäe’ä etei teko kua kuimbae re!” jei reta. “Aramoi pëti umanokue wae iä ani pëti araɨwa uikuaaka ma chupe kua ñee ipɨau wae,” jei reta.

Romanos 11:25

Jáeramo hermano mii reta, ime mbae ndei etei uyekuaa oï wae aipota pe judío mbae piko wae reta pikuaa kawi waerä. Jare kua che aipota pikuaa waerä awɨye waerä piyembɨkate. Yepe tëi añawe jeta judío reta ipɨatäta ñonoï Jesucristo kotɨ, erëi ndarau jukuäraiño upɨta reta. Tumpa uikuaa opaete judío mbae wae wɨrowiata oï jese wae reta, jare opa ma jae uipapa reta. Jare opaete jae reta wɨrowia ma yawe,

Romanos 16:25

Jare añawe yambutuicha Tumpa jee. Jae ko ipuere pemɨmɨräta Tumpa re kua ñee ikawi wae Jesucristo rewa amɨmbeu pewe wae rupi. Ɨma rupi kua ñee kiawe uikuaa’ä iko.

2 Corintios 12:1

Yepe tëi che aikuaa usiriwe’ä chemaerä chemiäri yawe ayembutuicha rewe kuärái, erëi jekuaeño ayapota. Añawe chemiärita pewe yandeYa mbaembae uikuaaka jare uechakaka chewe wae re.

Gálatas 1:12

Echa’ä mbaetɨ ko kiawe kua ɨwɨ pewa umɨmbeu chewe. Jare kiawe wi chemboe’ä jese. Jaeño Jesucristo uikuaaka chewe.

Efesios 1:17

Aeka aï chupe umee pewe waerä arakuaa Espíritu Santo rupi, jukuärái pikuaa kawi waerä Tumpa, yandeYa Jesucristo Tu jupiete ye wae.

Efesios 3:4

Jayawe pemɨngeta yawe kua tupapire, pikuaa kawita ko kërái aikuaa aï Tumpa ipɨayemɨngeta Cristo rewa.

Efesios 3:6

Jare Tumpa ipɨayemɨngeta ko kua: Judío jare judío mbae Cristo re wɨrowia wae reta jae ma ko Tumpa taɨ jare tayɨ reta. Jae reta ñonoï ma ko pëti ramiño Cristo re jare oyowakeño onoita imaerä opaete mbaembae ikawiete wae Tumpa umeeta oï taɨ reta pe wae.

Efesios 3:9

Jare umee wi chewe amɨesäka kawi waerä opaete wae pe kërái jae uyapo oï ipɨayemɨngeta wae. Echa’ä Tumpa opaete mbaembae uyapo wiwe uikuaaka’ä ipɨayemɨngeta kía pe awe. Erëi añawe jae uikuaaka ma yandewe.

Efesios 6:19

Jare piyerure mii cheré wi Tumpa pe, echa’ä añawe che aï peresorɨru pe. Jare oñono reta wi cheré cadena, echa’ä Tumpa jee re che amɨmbeuñoi iñee ikawi wae jeko pewa. Jokua ñee tenonde yawe Tumpa uikuaaka mbae iko wae. Erëi uikuaaka ma chewe. Jáeramo yepe tëi peresorɨru pe aiporara aï, jesewe jekuaeño amɨmbeuta ko jokua ñee. Jayawe piyerure mii Tumpa pe cheré chepuere waerä jekuaeño amɨmbeu jokua ñee akɨye mbae rewe.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

Colosenses 4:3

Jare piyerure mii oreré wi Tumpa umbɨsɨrɨ waerä orewi yembɨawái, jukuärái orepuere waerä numɨmbeu ñee ikawi wae Cristo rewa. Echa’ä añawe cheñono reta cadena pe kua peresorɨru pe ñee ikawi wae jekuaeño amɨmbeu wae jeko pewa. Kua ñee kiawe uikuaa’ä tenonde yawe, erëi añawe yaikuaa.

Hebreos 13:22

Cherëtara mii reta, che pumɨñera piyapɨsaka kawi waerä kua ñee aikuatía aï pewe wae re. Puku’ä ko kua ñee reta.

1 Pedro 5:12

Kua mbowɨño ma aikuatía pewe pumɨkɨrëɨ waerä, jare araaka aï pewe hermano Silvano ndiwe. Jae ko kuimbae arowia katu jese wae. Opaete kua aikuatía pewe wae rupi aipota pikuaa waerä Tumpa ipɨakawi añetete ko. Piñemɨmɨräta jese.

2 Pedro 3:15

Jare che aipota pikuaa waerä kua: YandeYa ipɨawasu rewe uäro oï jeta wae reta ipuere waerä onoi tekowe opa mbae wae. Jare kua jae nunga wi uikuatía pewe yandehermano mii Pablo jokua arakuaa Tumpa umee chupe wae rupi.