Efesios 3:12 - Biblia

¹² Jayawe Cristo re yarowia ramo, pëti ramiño ñaï jese. Jáeramo yandepuere ñañemɨïru kawi Tumpa ndiwe yakɨye mbae rewe jare yandepɨawiwe rewe.

Guaraní Pe (Western): Simba

¹² Yandepuere yaya Tumpa re Cristo rupi. Echa'ã yarovia ma Cristo re ramo, yandepuere yaya yaquɨye mbae reve.

Efesios 3:12 Iomraidhean Croise

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

Romanos 3:22

Tumpa umae yanderé yandereko mbae wae rami yarowia yawe Jesucristo re, ipotawe kía kía yande wae reta.

Romanos 5:2

Jare añawe yarowia ma Cristo re ramo, Cristo uyapo ma yayekou waerä Tumpa ipɨakawi re. Jare yayerowia ñaï, echa’ä yaikuaa ko pëti ara yayekouta ñaï kuri Tumpa imbaepuere jupiete ye wae re.

2 Corintios 3:4

Kua orepuere ndoe pewe, echa’ä ndorowia katu ore rupi ko Cristo uparawɨkɨ pe reta perowia waerä. Jukuärái ore ndoe Tumpa jowake.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Hebreos 10:35

Jáeramo jekuaeño piyeko kawi Tumpa re, echa’ä jokua re jae jeta umɨñatimata oï pewe kuri.

Hebreos 3:6

Erëi Cristo ko jae tëta iya taɨ rami etei. Jare jae ko Tumpa jëta iyandarekoa. Jare yande reta ko jae Tumpa jëta pewa reta, jekuaeño ñaneratangätu yawe jare ñaäro yawe yarowia katu rewe Tumpa umeeta oï yandewe wae.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

1 Juan 2:28

Jayawe cheraɨ mii reta puau wae, jekuaeño piñemɨïru kawi Jesucristo ndiwe. Echa’ä jukuärái yayapo yawe, ndarau yayepokouka jokua ara Cristo ou ye yawe. Ñaïta jae jowai yayerowia rewe jare ñanemara mbae rewe.

1 Juan 3:21

Cheïru puau wae reta, yandepɨa mbaetɨ ma yanembɨjeko mbae re yawe, yandepuereta yaya Tumpa re yayerowia rewe.