Efesios 3:1 - Biblia

^1-2 Pe reta judío mbae piko wae, jeräkua ma ko pewe kërái Jesucristo umee chewe mbarawɨkɨ ikawi wae amɨmbeu waerä pewe ñee Tumpa ipɨakawi rewa. Jayawe amɨesäka pewe kërái Cristo rupi yandepuere ñanoi tekowe opa mbae wae. Jare jukuärái ayeyokui Jesucristo pe ramo, peresorɨru pe aï.

Guaraní Pe (Western): Simba

¹ Jáeramo che etei ayerure Tumpa pe peré. Che co jae penti pereso pereco pegua, Cristo Jesús pe ayeyocui ramo - pe reta co jae judío mbae vae reta.

Efesios 3:1 Iomraidhean Croise

San Lucas 21:12

“Erëi ndei kua mbaembae uyeyapo mbowe, ïru wae reta pepɨsɨta jare uyapota ikawi mbae wae pewe cheré perowia ramo,” jei. “Echa’ä jae reta pereraata itupao reta pe pembɨjeko waerä joko pe. Jare peñonota reta peresorɨru pe. Jare pereraata reta wi mburuwicha reta jare mburuwicha wasu reta jowai pembɨjeko reta waerä,” jei.

Hechos 21:33

Jayawe sɨndaro reta itenondewaete oo uipɨsɨ Pablo chuwi reta jare oyokui isɨndaro reta oñono waerä mokui cadena pe. Joko wi upɨrandu tekorái uyapo wae reta pe: “¿Kía ra ko jae? ¿Mbae ikawi mbae wae ra uyapo?” jei chupe reta.

Hechos 23:18

Jayawe wɨraa kunumi sɨndaro reta itenondewaete pe jare jei chupe: “Jokua pereso Pablo ueka chewe aru waerä ndewe kua kunumi. Echa’ä jae ime onoi mbae jei waerä ndewe,” jei chupe.

Hechos 26:29

Jayawe Pablo jei chupe: “Aipota echa ɨmambae ani mbowɨ ara rupi nde jare opaete ïru añawe uyapɨsaka ñonoï cheré wae reta piyeyapo waerä che rami. Erëi awɨye peï kua nunga cadena pe,” jei chupe reta.

Hechos 9:15

Jayawe yandeYa jei chupe: “Ekuaño eowäiti Saulo,” jei. “Echa’ä che aiparawo ma uyeyokui waerä chewe. Amondota aï Saulo chekuaaka waerä judío mbae wae reta pe, jare imburuwicha reta pe, jare Israel iñemoñaa reta pe wi.

2 Corintios 1:6

Jukuärái uasa orewe. Echa’ä opaete ore nduiporara wae rupi, Tumpa orembɨpɨakatu. Jare jokua ikawita oï wi pemaerä. Echa’ä añawe ore orepuereta pumbɨpɨakatu pe reta piporara peï yawe. Jare jukuärái pe reta pepuereta pemɨawäta pepɨawasu rewe jokua mbaembae piporara peï wae reta. Echa’ä kërái ore nduiporara wae rami, jukuärái wi pe reta piporarata peï.

2 Corintios 10:1

Amokue pepɨte pe ñonoï wae reta jei: “Pablo yande ndiwe oï yawe, uñemɨmichi. Erëi ikotɨ̈a oï yawe, uyemɨngeta yandekotɨ uipɨu mbae rewe,” jei reta. Jae reta wɨrowia tëi ore nduiko kua ɨwɨ jeko rupiño. Jáeramo che a awäe pepɨ yawe, imeta ko aipo ambɨeta chupe reta aipɨu mbae rewe. Erëi kërái yandeYa Cristo uñemɨmichi jare uyembutuicha’ä etei, jukuärái wi che añemɨmichi rewe pumɨñera, awɨye piko jae reta rami. Echa’ä che aipota’ä ambɨeta aï pewe wi jukuärái.

2 Corintios 11:23

“Ore nduyeyokui Cristo pe,” jei reta tëi. Che jeiete ayeyokui Cristo pe chuwi reta. Añetete kua pe ayemɨngeta ye aï iyarakuaa mbae wae reta uyemɨngeta rami. Che ayapo jetaete mbarawɨkɨ chuwi reta Tumpa pewarä. Jare che ayapɨraa reta peresorɨru pe jare ñenupa pe – chepuere’ä etei opa kawi aipapa. Jeta wese amano seri.

Gálatas 5:11

Hermano mii reta, amokue wae reta jei tëi ñonoï cheré: “Pablo oporomboe oï yande reta imeta ko yayembɨcircuncidaka Tumpa umae kawi waerä yanderé.” Jukuärái jei reta tëi. Erëi jukuärai’ä ko. Jukuärái che jae yawe, jayawe judío reta ndarau tëi uiporaraka ñonoï chewe. Añetete judío reta iarasɨ ko chekotɨ che aporomboe wae jeko pewa. Echa’ä che aporomboe jaeño Cristo imano kurusu re wae rupi ko yandepuere ñaï yandereko mbae wae rami Tumpa jowai – mbaetɨ ko yayembɨcircuncidaka wae rupi.

Gálatas 5:2

Mase, jeta wae reta uyembɨcircuncidaka uyembujupika waerä tëi Tumpa kotɨ. Erëi che tae pewe, pe reta piyapo yawe jukuärái, jayawe Cristo uyapo wae usiriweta’ä etei ko pewe maeräwe.

Gálatas 5:24

Tenonde yawe yande reta yaipotase yaiko yande yae wae rupiño. Erëi añawe opaete yande Jesucristo pewa ma yaiko wae reta yaeya ma ko yande yae wae rupiño yaiko wae jare jokua kɨrëɨ mbaembae kachi wae ndiwe. Yaikutu ma kurusu re yaeya wae rami ko.

Efesios 3:13

¡Ikawiete ye ko kua mbaembae Tumpa uyapo ma yandewe wae! Jáeramo yepe tëi che peresorɨru pe aiporara aï, erëi awɨye kua pikuaa wae re piyembɨakɨ. Cheyukenda reta che amɨmbeu pewe Cristo rewa ramo. Erëi ayerowia aï Tumpa taɨ retarä ma peï ramo.

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Efesios 4:1

Che aï peresorɨru pe ayeyokui yandeYa Jesucristo pe jeko pewa ramo. Mase, yayeyokui Tumpa pe yawe, ipuere ou yandewe jeta yembɨawái reta. Erëi jesewe che aipota pumɨkɨrëɨ mii. Añawe yaikuaa ñaï pëti ramiño ñaï Cristo re ramo, Tumpa uyapo ma jeta mbaembae ikawiete wae yanemaerä. Jáeramo jekuaeño pechaka mii teko kawi, echa’ä jokuaerä ko Tumpa yandeparawo. Piko teko kawi rupi ïru wae reta jowai jae reta ipuere uikuaa waerä pe reta ko jae Tumpa taɨ reta.

Filipenses 1:7

Che jupi ko ayemɨngeta waerä kuärái peré, echa’ä che puauete ramo. Jae nunga wi yayekou ñaï päwe rewe Tumpa ipɨakawi re. Echa’ä jae umaeño ma yanderé yaparawɨkɨ waerä pëti ramiño ñee ikawi wae uñemɨái waerä. Echa’ä che amɨmbeu aï ñee ikawi wae jare aikuaaka aï chupe reta kërái jokua ñee añetete wae ko. Jare pe reta chemborɨ peï chepuere waerä ayapo jukuärái. Jare jokuaño’ä ko. Jae nunga wi, yepe tëi che peresorɨru pe aï, erëitu pe reta jekuaeño chemborɨ peï.

Colosenses 1:24

Che jeta ma aiporara jokua ñee amɨmbeu waerä jare pe reta piyekou waerä jese. Erëi ayerowia aï, echa’ä kua che añawe aiporara aï wae rupi añemɨïru aï Cristo ndiwe. Echa’ä Cristo uiporara wi kua ɨwɨ pe iko rambuewe. Jayawe che arupɨa aï ayerowia rewe opaete mbaembae aiporara aï wae, jukuärái opaete Cristo re wɨrowia wae reta uyekou waerä Tumpa re. Jae reta ko jae yandeYa Cristo jete rami.

Colosenses 4:18

Kua che etei aikuatía aï pewe pikuaa waerä che ko amondo aï pewe kua tupapire wae. Awɨye mii peakañɨ chewi parawete kua peresorɨru pe aï rambuewe. Tumpa jekuaeño tipɨakawi pewe. Jukuärái tuiko.

Colosenses 4:3

Jare piyerure mii oreré wi Tumpa umbɨsɨrɨ waerä orewi yembɨawái, jukuärái orepuere waerä numɨmbeu ñee ikawi wae Cristo rewa. Echa’ä añawe cheñono reta cadena pe kua peresorɨru pe ñee ikawi wae jekuaeño amɨmbeu wae jeko pewa. Kua ñee kiawe uikuaa’ä tenonde yawe, erëi añawe yaikuaa.

2 Timoteo 1:16

Erëitu yandeYa Jesucristo tuiparareko Onesíforo jare jëtara reta, echa’ä Onesíforo jeta wese ou opou chepɨ jare jekuaeño chembɨpɨakatu. Jare yepe tëi peresorɨru pe aï parawete, jesewe jae imara’ä chewi.

2 Timoteo 1:8

Jáeramo awɨye nemara nemɨmbeu waerä yandeYa Jesucristo rewa. Jare awɨye wi nemara chewi che aï kua peresorɨru pe wae re. Echa’ä yandeYa pe ayeyokui ramo, aï kua pe. Nde ndikuaa kawi neï yamɨmbeu yawe ñee ikawi wae Jesucristo rewa, yaiporara ñotái ko. Erëi nde, iyapo che ayapo wae rami. Jekuaeño emɨmbeu jokua ñee. Jare yepe tëi ndiporarata neï, erëi Tumpa umee yandewe mbaepuere ñamɨawäta waerä.

Filemón 1:1

Nde, Filemón, cheïru nduau mii wae jare cheparawɨkɨ ïru, che ko jae Pablo aikuatía aï ndewe kua tupapire. Mase, che parawete peresorɨru pe aï amɨmbeu Jesucristo rewa ramo. Jare hermano Timoteo wi ime oï kua pe che ndiwe.

Filemón 1:23

Epafras wi omondo ndewe saludo. Jae ime oï kua peresorɨru pe che ndiwe umɨmbeu Jesucristo rewa ramo.

Filemón 1:9

Erëi nduau rewe che numɨñera. Mase, che chendechi ma ko, jare añawe kua peresorɨru pe aï parawete amɨmbeu Jesucristo rewa ramo. Jáeramo cheparareko mii jare iyapo mii chewe ikawi wae.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.