Efesios 2:8 - Biblia

⁸ Echa’ä Cristo re yarowia wae rupi Tumpa yanderepɨ mbaembae yayawɨ ikotɨ wae wi. Jare jukuärái uyapo yandewe yambɨepɨ mbae rewe ipɨakawi ramo. Yande yamɨngana wae rupi’ä ko Tumpa yanderepɨ.

Guaraní Pe (Western): Simba

⁸ Echa'ã Tumpa yanembɨasa ipɨacavi jeco pegua, yapurugüɨrovia ramo. Yande yamɨngana'ã etei yembɨasa. Jae co Tumpa umeeiño yandeve vae.

Efesios 2:8 Iomraidhean Croise

San Mateo 16:17

Jayawe Jesús jei Pedro pe: “Nde Simón, Jonás taɨ, ndiyekouete neï. Echa’ä cheRu ara pe oï wae uikuaaka ma ndewe jokua. Mbaetɨ ye kía uikuaaka ndewe wae,” jei chupe.

San Mateo 20:9

“Jare uvarupa wi yuweru ye yawe jokua kaaruete uike uparawɨkɨ wae reta, uvarupa iya umbɨepɨka chupe reta pëti ara uparawɨkɨ wae,” jei.

Marcos 16:16

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

San Lucas 7:50

Erëi Jesús jei kuña pe: “Yepe tëi jeta ndiyawɨ, erëi Tumpa nderepɨ ma chuwi cheré nderowia ramo. Ekua ndepɨakatu rewe,” jei chupe.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:35

Jayawe Jesús jei chupe reta: “Che etei ko jae jokua mbɨyape tekowe opa mbae wae umee wae,” jei. “Ipotawe kía ou chekotɨ cheré wɨrowia rewe wae ndarau etei iyembaɨ jare ndarau etei iɨwe wi,” jei umbɨjaanga rewe.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 6:40

“Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

San Juan 6:44

“CheRu ko chembou. Jare ipuere’ä kía ou chekotɨ cheRu umɨkɨrëɨ'ä yawe ou chekotɨ waerä. Jare jokua chekotɨ ou wae reta ambɨjekowe yeta aï kuri ara taɨkuewa pe,” jei chupe reta.

San Juan 6:65

Joko wi jei chupe reta: “Amokue pe reta perowia’ä cheré, jare jokua jeko pewa che jae ma pewe ipuere’ä kía ou chekotɨ cheRu mbaetɨ yawe umɨkɨrëɨ,” jei Jesús chupe reta.

Hechos 13:39

Echa’ä ipotawe kía wɨrowia Jesús re wae Tumpa umaeta jese jeko mbae wae rami,” jei. “Kua ikawiete ko, echa’ä ɨma ma yaipota tëi yayembujupika Moisés arakae uikuatía wae rupi. Erëi yandepuere’ä etei,” jei chupe reta.

Hechos 14:27

Jare yuraa uwäe reta ye yawe Antioquía pe, Pablo jare Bernabé umbatɨka Cristo re wɨrowia wae reta. Jare umɨmbeu chupe reta opaete mbaembae Tumpa uyapo wae jae reta uwata wae rupi. Umɨmbeu wi chupe reta kërái Tumpa umaeño wi judío mbae wae reta re wɨrowia waerä jese.

Hechos 15:11

“Mase, yande yarowia Tumpa yanderepɨ ma ko yandeYa Jesús ipɨakawi rupiño, mbaetɨ ko Moisés arakae uikuatía wae rupi. Jae nunga wi judío mbae wae reta uyerepɨka wi Jesús ipɨakawi rupiño,” jei Pedro chupe reta.

Hechos 16:14

Jare jokua kuña reta ipɨte wi, pëti wae jee Lidia. Jae uyapɨsaka kawi iko opaete ore ndoporomboe nduiko wae re. Lidia ko jae tëta wasu Tiatira jee wae pewa, jare asoya mborao wae owaka wae ko. Jae uipɨu kawi Tumpa wi, jare yandeYa uñatai chuwi ipɨa uyapɨsaka kawi waerä jare wɨrowia waerä wi opaete Pablo jei iko wae re.

Hechos 16:31

Jayawe jae reta jei chupe: “Erowia yandeYa Jesucristo re jare jae nderepɨta. Jare nerëtara reta wi torowia jese,” jei reta chupe.

Romanos 10:14

Erëi ¿këraita ra ipuere uyerure reta yandeYa pe uepɨ reta waerä, mbaetɨ wɨrowia reta jese yawe? Jare ¿këraita ra ipuere wɨrowia reta, mbaetɨi uyandu reta jesewa yawe? Jare ¿këraita ra ipuere uyandu reta jesewa, mbaetɨ yawe kía umɨmbeu chupe reta wae?

Romanos 10:17

Erëitu yaikuaa ñaï jaeño kía uyapɨsaka ñee ikawi wae re Cristo rewa wae ipuere wɨrowia jese.

Romanos 4:16

Erëi Tumpa ipɨakawiete ye jeko pewa, jae uipota opaete wae yayekou waerä – jae ko judiorä yaiko wae reta jare judío mbae yaiko wae reta wi. Jáeramo jae jei yandewe jaeño yarowia waerä jese kërái Abraham wɨrowia jese rami. Jare jukuärái yayapo yawe, Abraham ko jae yanderukue rami Tumpa jowai.

Romanos 4:5

Erëi jukuärai’ä ko Tumpa ndiwe. Echa’ä Tumpa umae jupi mbae wae reta re jeko mbae wae rami jae reta jese wɨrowia ramo – mbaetɨ ko mbaembae ikawi wae jae reta uyapo wae rupi.

Romanos 9:16

Jayawe kua uikuaaka yandewe Tumpa uipota kía uiparawo yawe, jukuärái jae uyapota ipɨakawi rupiño. Yande retái ndarau yandepuere yayeparawoka Tumpa pe yande yae wae rupi jare mbae yayapo wae rupi wi.

Gálatas 3:14

Jare Jesucristo kua uyapo yandewe wae rupi, judío mbae wae reta wi ipuere uyekou mbaembae ikawi wae re Tumpa jei Abraham pe uyapota iko wae. Jare jukuärái opaete yande Cristo re yarowia wae reta ñanoi ko Espíritu Santo Tumpa jei umeeta iko wae.

Gálatas 3:22

Erëi Tumpa iñeerɨru pe uikuaaka yandewe opaete yande reta yayawɨ ma ko Tumpa kotɨ, jare jokua teko ñanoi wae ñaneapɨ̈ti oï rami ko. Jare jokua jeko pewa pëti peresorɨru pe ñaï rami mbɨrɨ Tumpa wi. Erëi jukuärái ko yande, yaikuaa waerä jaeño Jesucristo rupi yepe yandepuere yayeyoraka teko ñanoi wae wi jare ñaï waerä Tumpa jowai yandereko mbae wae rami. Jare jokua jaeño uyeyapota yandewe yarowia yawe Jesucristo re.

Efesios 1:19

Jare aeka aï chupe wi pikuaa kawi waerä tuichaete ye ko Tumpa imbaepuere yanemborɨ waerä opaete yande Cristo re yarowia wae reta. Jukuärái ayerureñoi aï Tumpa pe peré. Jayawe che aipota pikuaa kawi waerä Tumpa imbaepuere rewa. Tumpa uikuaaka ma opaete wae pe tuichaete ye ko imbaepuere.

Efesios 2:10

¿Maera ra yayapo jayawe mbaembae ikawi wae? Mase, Tumpa umbɨpɨau ma yanderekowe jae yandapo pëti ramiño Cristo re yawe. Jare añawe yanderekowe uyembɨpɨau ma ramo, Tumpa uipota yayapo waerä mbaembae ikawi wae tenonde wiwe jae uipota yayapo waerä wae. Echa’ä jokuaerä ko Tumpa yandapo.

Efesios 2:5

Jáeramo yepe tëi ñamano wae echa yaiko Tumpa wi yayawɨ ikotɨ jeko pewa, jesewe Tumpa umee yandewe tekowe ipɨau wae. ¿Kërái ra ko jokua? Yaikuaa ñaï yandeRu Tumpa umbɨjekowe ye Cristo ueru umanokue wae reta ipɨte wi. Jukuärái rami Tumpa yanembɨjekowe ye ma jae yandapo pëti ramiño Cristo re yawe. Jayawe Tumpa ipɨakawi tuicha ramo, yanderepɨ ma teko ikotɨ ñanoi wae wi.

Filipenses 1:29

Echa’ä Tumpa mbaetɨ ko umee pewe Cristo re perowia waeräño. Umee ko pewe wi piporara waerä jae imaerä.

Colosenses 2:12

Ani yandepuere yae kuärái: Ndei Cristo re perowia mbowe, pe reta pikose pere wae rupiño. Jáeramo jekuaeño piyawɨse Tumpa kotɨ, jare jokua jeko pewa pemano wae echa piko Tumpa wi. Erëi pëti ara pe reta piyandu kërái Tumpa imbaepuere tuichaete wae. Jare piyandu wi kërái jae umbɨjekowe ye ueru Cristo umanokue wae reta ipɨte wi wae. Jare perowia yawe jae imbaepuere perepɨ waerä wae re, jayawe Tumpa peapo pëti ramiño Cristo re etei. Kua uipota jei Cristo umano yawe, jare teöwerenda pe oñono reta yawe, pe reta wi pemano rami jae ndiwe. Jare Cristo ikowe ye yawe, pe reta wi Tumpa pembɨjekowe pɨau ye rami ko Cristo ndiwe. Yande ñanoi tekowe ipɨau wae, echa’ä Tumpa opa ma umbái yandewi mbaembae yayawɨ ikotɨ wae.

2 Tesalonicenses 1:9

Jáeramo jokua jeko pewa Tumpa opata omombo reta Tatawasurenda pe, jare joko pe jae reta uiporarata ñonoï jaeño mái pewa mbɨrɨete yandeYa wi. Jare ndarau etei uecha reta yandeYa imbaepuere jembipete wae.

Hebreos 6:4

Ikawi’ä ko jekuaeño yapɨta waerä jukuäraiño. Kía jaeramo wɨrowia Cristo re yawe, Tumpa umbɨembipe ma ipɨa pe, jare jae umbɨpɨ ma uyekou mbaembae ara pewa re. Jae nunga wi uñemɨïru ma oï Espíritu Santo ndiwe. Jare umbɨpɨ ma uyekou oï Tumpa iñee ikawi wae re jare Tumpa imbaepuere mburuwicha wasu pewa outa oï wae re. Kua ikawi ko. Erëi kua nunga uyerowa ye yawe kua mbaembae jupi wae wi, jayawe ndaraúi ma ipuere uyembɨpɨauka ye tenonde rami jare ipuereta’ä ma umbɨambɨe ipɨayemɨngeta Cristo kotɨ. Echa’ä jae uikutuka ye Cristo kurusu re rami ko, jare uyapo oï ïru wae reta upuka waerä Cristo re.

1 Pedro 1:5

Erëi añawe pe reta peäro peï rambuewe, Tumpa uyandareko oï peré imbaepuere pe, echa’ä pe reta perowia jese ramo. Jare jae jekuaeño uyandarekota oï peré ara taɨkuewa rewa. Jare ara taɨkuewa uwäe ma yawe, jayawe ramo uyekuaata oï opa ma uyeyapo Tumpa ipɨayemɨngeta yanderepɨ waerä.