Efesios 2:7 - Biblia

⁷ Jukuärái Tumpa uyapo yandewe uikuaaka kawi waerä opaete wae pe taɨkue rupi kërái tuichaete ko Tumpa ipɨakawi yanemaerä Jesucristo rupi.

Guaraní Pe (Western): Simba

⁷ Cua uyapo, uicuaaca vaerã ara reta outa vae pe quirãi tuicha ete co ipɨacavi. Cua ipɨacavi uicuaaca ma yandeve Cristo Jesús rupi.

Efesios 2:7 Iomraidhean Croise

Romanos 2:4

Añawe Tumpa ipɨakawi oï ndewe jare ipɨawasu oï ndewe; jáeramo ndeiño uiporaraka oï ndewe. Erëi nemaerä, mbae’ä chawaa oï ndewe. Erëi aipota ndikuaa waerä kua: Tumpa ipɨakawi oï ndewe ndeya waerä ndepɨayemɨngeta jupi mbae wae Tumpa rewa.

Efesios 2:4

Erëi Tumpa ipɨakawiete jare yanderauete.

Efesios 3:21

Opaete yande ñaï pëti ramiño Jesucristo re wae reta yambutuicha Tumpa jee, jae ipɨakawiete yandewe ramo. ¡Tuyembutuichaka Tumpa jee jaeño mái pewa! Jukuärái tuiko.

Efesios 3:5

Kua ipɨayemɨngeta tenonde yawe jae uikuaaka’ä kía pe awe. Erëi añawe Espíritu Santo rupi jae uikuaaka ma orewe. Ore ko jae Jesús oremondo jae jee re wae jare ñee Tumpa wi etei ou wae numɨmbeu wae reta.

2 Tesalonicenses 1:12

Jukuärái ore ndueka noï Tumpa pe uyembutuichaka waerä yandeYa Jesucristo jee pe reta rupi, jare jae uyemɨngeta kawi waerä peré wi. Jukuärái tuyeyapo yandeRu Tumpa jare yandeYa Jesucristo ipɨakawi rupi.

Tito 3:4

Erëi Tumpa ko jae yandeRepɨ wae. Jae uikuaaka yandewe kërái jae ipɨakawiete yandekotɨ wae jare kërái yanderauete oï.

1 Pedro 1:12

Erëi Tumpa uikuaaka chupe reta jokua ñee Cristo rewa wae mbaetɨ ko jae reta imaerä. Jae ko yanemaerä, yande añawe rupi yaiko wae reta pewarä. Jare añawe pe reta pikuaa ma ko kua mbaembae rewa, echa’ä ou ma umɨmbeu pewe amokue wae reta ñee ikawi wae umɨmbeu wae. YandeYa Cristo ombou ma Espíritu Santo ara wi, jare Espíritu Santo imbaepuere rupi jae reta umɨmbeu jokua ñee. Añetete araɨwa retawe uipota echa uikuaa kawi kua mbaembae rewa.