Efesios 2:4 - Biblia

⁴ Erëi Tumpa ipɨakawiete jare yanderauete.

Guaraní Pe (Western): Simba

⁴ Ẽrei Tumpa yandeparareco ete, jare yanderau ete.

Efesios 2:4 Iomraidhean Croise

San Lucas 1:78

Jukuärái Tumpa uyapota yandeparareko ramo. Jare yandeparareko ramo, jae ombouta yandewe ara wi Upuruepɨ wae, kërái ndimbowe rupi omoë yandewe warasɨ rami.

Romanos 10:12

Jare jokua wɨrowia jese wae reta, jae reta ko judío yawe ani judío mbae wae yawe, jokua mbae’ä ko Tumpa pewarä. Echa’ä yandeYa ko jae opaete wae iYa, jare jae uyapota ikawiete wae opaete chupe uyerure wae reta pe.

Romanos 2:4

Añawe Tumpa ipɨakawi oï ndewe jare ipɨawasu oï ndewe; jáeramo ndeiño uiporaraka oï ndewe. Erëi nemaerä, mbae’ä chawaa oï ndewe. Erëi aipota ndikuaa waerä kua: Tumpa ipɨakawi oï ndewe ndeya waerä ndepɨayemɨngeta jupi mbae wae Tumpa rewa.

Romanos 5:8

Erëi Tumpa uechaka ma yandewe yanderauete ko. Echa’ä yepe tëi yande yayapoñoi mbaembae kachi wae Tumpa jowai, erëi jesewe jae etei ombou Cristo umano waerä yanderé.

Romanos 9:23

Jukuärái Tumpa uyapo, echa’ä jae uipota ïru wae reta uecha waerä imbaepuere tuichaete ye wae jokua ara jae uitɨ yawe iarasɨ wasu jowaicho reta re. Jare jokua ïru wae reta ko jae Tumpa uiparareko wae reta. Jae reta Tumpa uipota uyekou waerä jae imbaepuere jupiete ye wae re, echa’ä jokua ko jae ipɨayemɨngeta iyɨpɨ wiwe.

Efesios 2:7

Jukuärái Tumpa uyapo yandewe uikuaaka kawi waerä opaete wae pe taɨkue rupi kërái tuichaete ko Tumpa ipɨakawi yanemaerä Jesucristo rupi.

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

2 Tesalonicenses 2:13

Erëi ikawi ko ore jekuaeño numee waerä yasurupái Tumpa pe peré, pe yandeYa perau wae reta. Echa’ä Tumpa peparawo iyɨpɨ wiwe penoi waerä tekowe opa mbae wae añetete wae perowia wae rupi jare Espíritu Santo rupi – jae ko peñono tee Tumpa pewarä wae.

1 Timoteo 1:14

Añetete tuicha ko yandeYa ipɨakawi chewe. Jáeramo añawe chepɨa rewe arowia aï Jesucristo re, jare jae umee chewe chepuere apuruau waerä.

2 Timoteo 1:9

Jeta ma yayawɨ Tumpa kotɨ. Erëi Tumpa yanderepɨ ma jokua teko yareko wae wi, jare ñanereni ma ñañeñono tee waerä jae imaerä. Yande mbaembae ikawi wae yayapo wae rupi’ä ko jokua, erëi Tumpa ipɨakawi ramo ko uyapo yandewe jokua. Echa’ä iyɨpɨ wiwe ndei ɨwɨ jae uyapo mbowe, Tumpa ipɨayemɨngeta ko uikuaaka waerä yandewe ipɨakawi Jesucristo rupi.

1 Pedro 1:3

¡Yambutuicha yandeRu Tumpa jee! Jae ko yandeYa Jesucristo Tu. Jae yandeparareko wae rupi uyapo ma yandewe yaa pɨau ye waerä Espíritu Santo rupi, jare jukuärái ñanoi waerä tekowe ipɨau wae. Jare Jesucristo ikowe ye ou umanokue wae reta ipɨte wi ramo, yandepuere yaikuaa kawi imeta ñanoi jokua mbaembae ikawi wae jae jei umeeta oï yandewe wae. Jare kua mbaembae ñaäro ñaï yarowia katu rewe.