Efesios 2:3 - Biblia

³ Jare pe judío mbae piko wae retaño’ä ko jukuärái pikose, echa’ä ore judiorä nduiko wae jukuärái wi nduikose. Añetete opaetei yande jukuärái yaikose ndei yarowia Jesucristo re mbowe. Yande yaikose yae wae rupiño, jare jekuaeño yayapo mbaembae kachi wae yandepɨayemɨngeta jei wae rupiño. Jáeramo kua yandereko indechikue jeko pewa, jupi ko Tumpa uiporaraka yandewe waerä tëi opaete ïru wae reta pe uiporarakata oï wae rami.

Guaraní Pe (Western): Simba

³ Tenonde yave opaete yande vi yaico yande yae vae reño jae reta rami. Echa'ã yaicose yanderete jare yandepɨayemɨngueta uipota vae re. Jáeramo Tumpa uiporaracata tẽi yandeve, opaete ĩru vae reta pe uiporaracata rami. Echa'ã yande vi ɨvɨ pegua reta co jae reta rami.

Efesios 2:3 Iomraidhean Croise

Génesis 5:3

Adán 130 año wɨreko yawe, pëti taɨ oa jae echa rami. Jare umbɨjee Set.

Génesis 6:5

Jare Tumpa uecha opaete wae jeko kachi jeiete ma ɨwɨ pe. Uecha kërái opaete wae ipɨayemɨngeta jekuaeño mbaembae kachi wae reño.

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

Isaías 53:6

Yande ko jae owecha opa uñemɨái wae reta rami, echa’ä yaipota yaiko yande yae wae rupiño. Erëitu Tumpa uitɨ kua kuimbae re teko yanderé iko wae.

Marcos 4:19

“Kua nunga reta uyandu Tumpa iñee, erëi jae reta umbɨpɨ uyembɨpɨa’ä mbaembae ɨwɨ pewa reño. Jare uyembɨtawɨ reta, echa’ä uipota ikokatu reta ramo. Jare uipota reta wi onoi jeta mbaembae,” jei. “Jare opaete kua mbaembae umɨakañɨka reta Tumpa iñee wi. Jáeramo ndarau uyekuaa jese reta Tumpa jeko ikawi wae,” jei chupe reta.

San Juan 1:13

Jae reta ko jae Tumpa taɨ reta, echa’ä Tumpa etei uyapo reta jukuärái ramo. Mbaetɨ uyeyapo reta jukuärái kua ɨwɨ pewa reta jeko rupi – jae ko tu jare ichɨ uipota uñemoña ramo.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Hechos 14:16

Jare Pablo jei wi chupe reta: “Pe judío mbae piko wae reta, Tumpa arakae wiwe umaeñoi peré piko waerä pipota wae rupi.

Romanos 1:24

Jáeramo Tumpa ipɨatɨtɨ rewe opa ueya reta uyapo reta waerä mbaembae kachi wae ipɨayemɨngeta jei wae rupi. Jae reta uyapo awasa opa kërái rái rupi, jare jukuärái uyapo reta iyupe mbaembae kachiete wae jete pe.

Romanos 11:30

Pe judío mbae piko wae reta tenonde yawe piyapo’äse Tumpa jei wae jare pikuaa’äse Tumpa ipɨakawi. Erëitu añawe judío reta opaete seri wɨrowia’ä Jesucristo re ramo, Tumpa uechaka ma pewe ipɨakawi.

Romanos 13:14

Yepe tëi amo pe ime ñanoi kɨrëɨ mbae kachi yayapo waerä, erëi awɨye yayemɨngeta yandepɨa pe jese kërái yayapo waerä. Pëti pëti wae yaipɨsɨ yandeyupe yandeYa Jesucristo jeko.

Romanos 2:14

Echa’ä jae retawe wi uikuaa tëi amokue mbaembae Tumpa jei wae mbaetɨ kía umɨmbeu chupe reta rewe. Erëi uyawɨñoi reta. ¿Kërái ra uikuaa reta Tumpa jei wae? Añetete ko jae reta uikuaa. Echa’ä amo pe jae reta uikuaa mbae rewe yurekoño Tumpa jei wae rupi.

Romanos 5:10

Echa’ä yepe tëi tenonde yawe yaikose Tumpa jowaichorä, erëi añawe yayeapɨkatu ma ko Tumpa ndiwe Taɨ imano rupi. Jare jukuärái yawe, ¿këraita pa Tumpa uitɨ oï iarasɨ yanderé kuri ara taɨkuewa pe? Ndarau uyapo, echa’ä Jesús jekuaeño oï yanderepɨ waerä.

Romanos 5:9

Jayawe jukuärái ko Tumpa yanderauete ye. Erëi ime ye mbae ikawi wae yaikuaa waerä. Yaikuaa ñaï yandeYa Jesús upɨyere juwɨ jare umano yanderé Tumpa ipuere waerä umae yanderé yandereko mbae wae rami. Jare jukuärái yawe, ¿këraita pa Tumpa iarasɨ oata oï yanderé kuri ara taɨkuewa pe? Ndarau etei ma.

Romanos 6:12

Jáeramo ime penoi yawe jokua kɨrëɨ mbae kachi piyapo waerä wae, awɨye etei pemaeño jokua kɨrëɨ perete re tuyembɨiya. Perete kua ɨwɨ pewa ko jare ndarau ɨma iko. Jáeramo awɨye piñemee mbae kachi wae piyapo waerä perete pɨpe.

Romanos 7:18

Jare che aikuaa amaeño jese yawe, jare aiko che jae wae rupiño yawe, ndarau uyekuaa ikawi wae. Echa’ä ndarau ayapo ikawi wae aipota tëi ayapo wae. Erëi jokua mbae ikawi mbae wae aipota’ä tëi ayapo wae, jekuaeño jokua ayapo parawete.

Romanos 9:22

Jae ramiño wi Tumpa ipuere uyapo ɨwɨ pewa reta pe jae mbae uipota wae rupi. Tumpa ipuerete uitɨ tëi iarasɨ jowaicho reta re jare uechaka chupe reta imbaepuere. Echa’ä jae reta jeko kachi rupi uñererükumewa ma Tumpa kotɨ. Erëi ɨma rupi Tumpa urupɨa chupe reta, jare umaeño ukuakuaa oo waerä teko jae reta onoi wae.

1 Corintios 4:7

Erëi jekuaeño pe reta pipota oreparawo yawe jare orererɨ̈ro yawe, tapɨrandu pewe: ¿Kía pa umee pewe mbaepuere jukuärái piyapo waerä? Jare ¿marái ramo ra jekuaeño piyembutuicha? ¿Ime yerá penoi aramoi arakuaa Tumpa umee’ä pewe wae? Mbaetɨ. Jayawe pe reta awɨyeta tëi ko piyembutuicha.

2 Corintios 7:1

Opaete kua mbaembae Tumpa uikuaaka ma yandewe jae uyapota oï. Jáeramo cheïru puau mii wae reta, yamombota ko yandeyuwi ipotawe mbae yandererukachi Tumpa kotɨ wae – jae ko mbae ikawi mbae yayapo yandepɨa pe wae jare yanderete pe wi. Yandereko toya katu too jupi wae re Tumpa wi yaipɨu ramo.

Gálatas 3:22

Erëi Tumpa iñeerɨru pe uikuaaka yandewe opaete yande reta yayawɨ ma ko Tumpa kotɨ, jare jokua teko ñanoi wae ñaneapɨ̈ti oï rami ko. Jare jokua jeko pewa pëti peresorɨru pe ñaï rami mbɨrɨ Tumpa wi. Erëi jukuärái ko yande, yaikuaa waerä jaeño Jesucristo rupi yepe yandepuere yayeyoraka teko ñanoi wae wi jare ñaï waerä Tumpa jowai yandereko mbae wae rami. Jare jokua jaeño uyeyapota yandewe yarowia yawe Jesucristo re.

Efesios 2:2

Jukuärái pe reta pikose, echa’ä jekuaeño pemomoe piko kua ɨwɨ pewa reta jeko kachi wae re. Piyeyokuise piko Añawasu pe. Jae ko opaete aña reta imburuwicha, jare yandepuere’ä yaecha wae. Jae ko espíritu ikawi mbae wae jare uparawɨkɨ oï imbaepuere rewe opaete Cristo re wɨrowia mbae wae reta ipɨa pe.

Efesios 4:22

Jare piyemboe ma kërái imeta ko opa peya peyuwi pereko indechikue awɨye piko waerä kërái tenonde pikose wae rami. Echa’ä tenonde pikose pere wae rupiño, jare piyembɨtawɨ piko perete uipota wae rupiño. Erëi jokua mbaembae ko pererukachita.

Colosenses 1:21

Tenonde yawe pe reta piko mbɨrɨete Tumpa wi jare piyowaichose piko ikotɨ. Echa’ä pepɨa pe piyemɨngetase kachi jare piyapose wi mbaembae ikawi mbae wae.

1 Tesalonicenses 4:13

Añawe hermano mii reta, ime ye mbae re ore nduipota pumbɨarakuaa waerä. Nduipota pe reta pikuaa waerä mbae ra uasa kía Cristo re wɨrowia wae umano yawe. Echa’ä jokua pikuaa yawe, ndarau pepɨatɨtɨete imano re Cristo re wɨrowia mbae wae reta ipɨatɨtɨ rami. Echa’ä ime yande mbae ñaäro ñaï yayerowia rewe wae jae reta mbaetɨ onoi wae.

1 Tesalonicenses 5:6

Erëi Cristo re wɨrowia mbae wae reta jeko jukuärai’ä ko. Jae reta jeko ko pɨ̈tu rupi mbae uyapo reta wae rami. Usawɨpo ñonoï rami, jare jeta wae reta oke ñonoï wae rami. Erëi yande reta pɨ̈tumimbi pewa’ä ramo, awɨye yaiko yake ñaï wae rami. Jekuaeño yayandareko jare yaiko yandearakuaa katu rewe.

1 Timoteo 6:9

Erëi kía uipotaete ikokatu wae yawai’ä oa waerä teko kachi pe, pëti mbaemɨmba ñuai pe oa wae rami. Jokua nunga iyarakuaa mbae wae ko, echa’ä uipotaete onoi jae imaeräño jeta mbaembae kua ɨwɨ pewa. Jáeramo uyeyapo chupe jeta ikawi mbae wae jae opa uñererükumewa rewa.

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.

1 Pedro 1:14

Tenonde yawe, pe reta pikuaa’äse Tumpa jare pikose kachi pe reta pere wae rupiño. Erëi añawe pe reta ko jae Tumpa taɨ reta etei. Jáeramo piko kawita ko Tumpa jei wae rupi.

2 Pedro 2:14

Jae reta ipotawe kuña re umae yawe, umae jese uipota rewe. Jare ikueri’ä reta Tumpa kotɨ uyawɨ wae wi. Jae nunga wi jae reta uyawɨka Tumpa kotɨ jokua ipɨräta’ä ñonoï Tumpa re wae reta pe. Jare jekuaeño umae reta japicha imbaembae re uipota rewe. Jáeramo Tumpa iarasɨ uitɨta oï jese reta.

2 Pedro 2:18

Jare jokua oporomboe kachi wae reta, ime ye ambɨe mbae kachi uyapo reta wae. Jae reta uyemɨngeta uyembɨkate rewe. Yepe tëi iñeengatu reta, erëi jokua usiriwe’ä etei kía imaeräwe. Jae reta jei tëi: “Yandepuere yaiko yanderete uipota wae rupiño. Jokua mbae’ä ko,” jei reta. Jukuärái jae reta umbɨtawɨ jaeramo wɨrowia Cristo re wae reta. Echa’ä umɨkɨrëɨ uyapo reta ye waerä jokua jaeramo mbaembae kachi opa tëi ueya reta wae.

1 Juan 2:16

Echa’ä kua ɨwɨ jeko rupi yureko wae reta jaeño uipota yureko teko kachi rupiño jare mbaembae chupe reta ipöra wae reño. Jare jekuaeño uipota uyemɨngeta reta uyembutuicha rewe mbaembae jae reta onoi wae re jare mbaembae uyapo wae re. Erëi jae reta jeko ou’ä etei ko yandeRu Tumpa wi, echa’ä kua ɨwɨ pewaño ko.

1 Juan 2:8

Erëi yepe tëi kua Tumpa jei wae ɨma ma yaikuaa, jesewe imeño ipɨau oï wae echa. Echa’ä Cristo jei pɨau ye ma yandewe yayerau päwe waerä jae yanderau wae rami. Jare jukuärái pe reta añawe piyapo peï. Jáeramo pereko kachi opa ukañɨ oo oï jare pereko kawi uyekuaa oo oï. Jokua ko pɨ̈tumimbi ukañɨ oo oï rami jare tembipe uyekuaa oo oï rami.