Efesios 2:13 - Biblia

¹³ Erëi añawe Tumpa pemokoiño ma iyé Jesucristo rupi, echa’ä Cristo upɨyere juwɨ kurusu re umbái waerä teko penoi Tumpa kotɨ wae. Jare Cristo re perowia ramo, Tumpa peapo ma pëti ramiño jese.

Guaraní Pe (Western): Simba

¹³ Tenonde yave pe reta mbɨrɨ pico Tumpa güi. Ẽrei añave piyeyapo penti ramiño Cristo Jesús ndive, jare coiño ma co pico Tumpa güi Cristo imano jeco pegua.

Efesios 2:13 Iomraidhean Croise

Salmo 22:7

Opaete wae reta cheyoyai ñonoï. Upuka reta chewe, jare iñäkambɨwawa rewe jei ñonoï reta chewe kuärái: “Ndiyeko tëi Tumpa re,” jei reta. “¿Maera pa nderepɨ'ä Tumpa? Tumpa tuicha nderau yawe, nderepɨta tëi ko.” Jukuärái jei ñonoï reta.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

Hechos 15:14

“Simón Pedro umɨmbeu ma yandewe kërái Tumpa jaeramo etei uparawɨkɨ judío mbae wae reta ipɨte rupi oñono tee waerä amokue wae reta jae imaerä,” jei.

Hechos 2:39

“Jukuärái yandeTumpa ikoño mái wae jei uyapota oï ipotawe kía Tumpa ueni wae pewarä – jae ko pemaerä, piñemoñaa reta pewarä, jare opaete kerupi rupi ñonoï wae reta pewarä wi,” jei Pedro chupe reta.

Hechos 22:21

“Jayawe yandeYa jei chewe: ‘Ekua. Echa’ä che nomondota mbɨrɨ judío mbae wae reta kotɨ,’ jei chewe,” jei Pablo chupe reta.

Hechos 26:18

nemɨmaeka reta waerä, jare jukuärái uyerowa reta waerä pɨ̈tumimbi wi tembipe kotɨ, jare wi uyerowa reta waerä Satanás imbaepuere wi Tumpa kotɨ. Kua uyapo reta yawe, Tumpa opata umbái chuwi reta mbaembae ikotɨ uyawɨ reta wae. Jayawe tuicha rupi uyekouta ñonoï, echa’ä Tumpa oñono teeta reta jae imaerä kërái jae uyapo opaete ïru cheré wɨrowia wae reta pe rami.’ Jukuärái jei chewe yandeYa,” jei.

Romanos 8:1

Jayawe ¿mbae ra añawe yandepuere yaikuaa opaete kua mbaembae reta rupi? ¿Kërái ra ko ñaï añawe yande reta Cristo re pëti ramiño yaiko wae? Añawe yaikuaa ñaï Tumpa ndarau ma yanembɨjeko.

1 Corintios 1:30

Pe retái piyeyapo’ä ko pëti ramiño Jesucristo re. Tumpa ko uyapo jokua mbae. Jare Cristo rupi Tumpa uikuaaka yandewe iyarakuaa. Echa’ä Cristo uyapo wae rupi opa ma uyembɨepɨ teko yareko wae, jare jukuärái Tumpa umae yanderé yandereko mbae wae rami jare ñaneñono tee jae imaerä.

1 Corintios 12:13

Echa’ä yepe tëi opaete yande reta ambɨe ye ye ko yandeyuwi, erëi Espíritu Santo yandapo ma pëti ramiño Cristo re. Yande ko jae Cristo jete pewa rami ipotawe kía ko yande wae. Ipuere ko yande judío ani judío mbae wae, jare uyeyokui wae ani uyeyokui mbae wae. Erëi opaete yande reta pëti ramiño ko ñaï Cristo re, jare yandepuere yayekou oyowake Espíritu Santo re yandepɨa pe oï wae rupi.

1 Corintios 6:11

Jare jukuärái pikose amokue pe reta. Erëi añawe Tumpa opa oyoe pewi opaete kua mbaembae ikawi mbae wae. Añawe jae peñono tee jae imaerä jare umae peré pereko mbae wae rami. Jukuärái Tumpa uyapo iEspíritu rupi, echa’ä añawe pe reta peï pëti ramiño yandeYa Jesucristo re ramo. Jáeramo awɨye ye ma piko jupi mbae wae reta rami.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

Gálatas 3:28

Añetete, ore judiorä nduiko wae reta jare pe judío mbae piko wae reta oyowakeño ko ñaï pëti ramiño Cristo re. Jare jae nunga wi täta rupi yayeyokui wae reta jare yayeyokui mbae wae reta oyowakeño ko wi. Jare yande kuimbaerä yaiko wae reta jare kuña reta oyowakeño ko wi. Echa’ä opaete yande reta ñaï pëti ramiño Jesucristo re ramo.

Efesios 1:1

Cherɨkeɨ reta, cherɨwɨ reta, jare cherindɨ reta tëta wasu Éfeso pe piko wae, che araaka aï pewe saludo yandeYa Jesucristo jee re. Che ko jae Pablo. YandeYa Jesucristo chemondo jae jee re amɨmbeu waerä jesewa, echa’ä jukuärái Tumpa uipota ramo. Jare aikuatía aï kua tupapire pewe Cristo re perowia wae reta pe. Pe reta ko jae Tumpa peñono tee jae imaerä.

Efesios 2:10

¿Maera ra yayapo jayawe mbaembae ikawi wae? Mase, Tumpa umbɨpɨau ma yanderekowe jae yandapo pëti ramiño Cristo re yawe. Jare añawe yanderekowe uyembɨpɨau ma ramo, Tumpa uipota yayapo waerä mbaembae ikawi wae tenonde wiwe jae uipota yayapo waerä wae. Echa’ä jokuaerä ko Tumpa yandapo.

Efesios 2:12

Pemandúa jokua ara reta rupi pe judío mbae piko wae pikose mbɨrɨ Cristo wi. Jare opaete mbaembae ikawiete wae Tumpa jei umeeta iko Israel iñemoñaa reta pe wae pemaerä'ä ko, echa’ä Israel iñemoñaa reta’ä ko pe reta ramo. Jare jokua yemɨngeta Tumpa arakae uyapo Israel iñemoñaa reta ndiwe wae pemaerä'ä ko. Jáeramo pikoiñose kua ɨwɨ pe mbɨrɨete Tumpa wi.

Efesios 2:2

Jukuärái pe reta pikose, echa’ä jekuaeño pemomoe piko kua ɨwɨ pewa reta jeko kachi wae re. Piyeyokuise piko Añawasu pe. Jae ko opaete aña reta imburuwicha, jare yandepuere’ä yaecha wae. Jae ko espíritu ikawi mbae wae jare uparawɨkɨ oï imbaepuere rewe opaete Cristo re wɨrowia mbae wae reta ipɨa pe.

Efesios 2:6

Jare jokuaño’ä ko. Jae nunga wi yandeRu Tumpa wɨraa Cristo ara pe, jare jae uwapɨ oï Tumpa iyɨke pe iyakata kotɨ jare onoi mbaepuere opaete wae re. Jukuärái rami wi Tumpa umae yanderé yawapɨ ñaï Cristo ndiwe ara pe ñanoi waerä mbaepuere jae ndiwe. Jukuärái ko, echa’ä yande ñaï pëti ramiño Cristo re ramo.

Hebreos 9:18

Jae ramiño wi jokua yemɨngeta arakae Tumpa uyapo yanderamɨkue reta ndiwe wae uyeyapo waerä imeta ko oï mano rani. Imeta ko tuwɨ uyepɨyere wae.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.