Efesios 2:12 - Biblia

¹² Pemandúa jokua ara reta rupi pe judío mbae piko wae pikose mbɨrɨ Cristo wi. Jare opaete mbaembae ikawiete wae Tumpa jei umeeta iko Israel iñemoñaa reta pe wae pemaerä'ä ko, echa’ä Israel iñemoñaa reta’ä ko pe reta ramo. Jare jokua yemɨngeta Tumpa arakae uyapo Israel iñemoñaa reta ndiwe wae pemaerä'ä ko. Jáeramo pikoiñose kua ɨwɨ pe mbɨrɨete Tumpa wi.

Guaraní Pe (Western): Simba

¹² Jáeramo jocua ara reta pe Cristo mbae'ã co peve. Echa'ã pe reta Israel pegua reta'ã co, jare Tumpa jei umeeta Israel pegua reta pe vae pembaerã'ã co. Jáeramo peãro'ã mbae piyerovia reve. Echa'ã picose cua ɨvɨ pe Tumpa picuaa mbae reve.

Efesios 2:12 Iomraidhean Croise

Génesis 15:18

Jayawe jokua ara etei Tumpa uikuaaka Abram pe mbae uyapota iko Abram iñemoñaa reta pewarä wae, jare jei chupe: “Niñemoñaa reta pe ameeta aï kua ɨwɨ, ɨ wasu Egipto pewa wiwe ɨ wasu tuicha wae Éufrates jee wae pe rewa. Kua ɨwɨ ameeta aï chupe reta,” jei chupe.

Éxodo 12:45

“Uparawɨkɨ pewe wae reta jare mboupa reta ambɨe ɨwɨ pewa awɨye tou tembiu yemɨmandúa pewa,” jei.

San Lucas 1:72

Tumpa uiparareko Abraham jare ïru yanderamɨkue reta, echa’ä jae iñakañɨ'ä jokua jae jei chupe reta wae wi.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 15:5

“Che ko jae uva iyɨpɨ rami, jare pe reta ko jae jäka reta rami. Jekuaeño piñemɨïru kawi yawe che ndiwe, uyekuaata oï peré Tumpa jeko ikawi wae, echa’ä che jekuaeño aïta pe reta ndiwe pomborɨ waerä. Añetete pe retaiño ndarau pepuere piyapo mbae ikawi wae Tumpa pewarä che pomborɨ mbae rewe,” jei chupe reta.

San Juan 4:22

“Pe Samaria pewa piko wae reta pembutuicha tëi Tumpa jee, erëitu pikuaa’ä kërái ko jae wae. Erëi ore judiorä nduiko wae reta numbutuicha Tumpa jee nduikuaa rewe. Echa’ä ore rupi Tumpa uikuaaka oï tekowe opa mbae wae rewa,” jei.

Hechos 2:39

“Jukuärái yandeTumpa ikoño mái wae jei uyapota oï ipotawe kía Tumpa ueni wae pewarä – jae ko pemaerä, piñemoñaa reta pewarä, jare opaete kerupi rupi ñonoï wae reta pewarä wi,” jei Pedro chupe reta.

Hechos 28:20

“Jayawe che puenika peyu waerä kua pe pepou waerä chepɨ jare yayemɨngeta waerä. Che aipota jae pewe wae ko kua: amokue wae reta cheñonoka kua cadena pe, echa’ä che arowia aï ou ma ko Upuruepɨ wae Tumpa jei ombouta iko yandewe wae,” jei Pablo chupe reta.

Hechos 3:25

“Jare jokua jae reta uikuatía wae, jae ko yanemaerä añawe, yande iñemoñaa retarä yaiko wae. Jare jokua yemɨngeta ikawi wae Tumpa uyapo arakae yanderamɨkue Abraham ndiwe wae, jae ko yanemaerä wi. Echa’ä Tumpa jei chupe kuärái: ‘Niñemoñaa rupi opaete ɨwɨ pewa reta uyekouta,’ jei chupe.

Gálatas 4:8

Tenonde yawe, ndei Tumpa pikuaa mbowe, piyeyokuise tëi piko tumparaanga reta pe. Piyapose tëi chupe reta opa kërái rái jae reta pemborɨ waerä.

Efesios 2:19

Jáeramo pe reta judío mbae piko wae ambɨe’ä ma ko Tumpa pewarä, jare piyembɨyao tee’ä ma ko Tumpa imaerä iko wae reta wi. Añawe pe reta wi ko Tumpa jëtararä peï waerä ara pe opaete ïru uñeñono tee Tumpa pewarä wae reta ndiwe.

Efesios 4:18

Jae reta uyembɨpɨatäta Tumpa wi, jare uipota’ä uyapɨsaka reta ñee ikawi wae Tumpa rewa. Jáeramo ñonoï reta pɨ̈tumimbi pe wae echa jare mbɨrɨ Tumpa tekowe ipɨau wae umee wae wi.

Colosenses 1:21

Tenonde yawe pe reta piko mbɨrɨete Tumpa wi jare piyowaichose piko ikotɨ. Echa’ä pepɨa pe piyemɨngetase kachi jare piyapose wi mbaembae ikawi mbae wae.

Colosenses 1:27

Echa’ä Tumpa uikuaaka ma yandewe kërái opaete wae ipuere uyekou mbae ikawiete ye wae re – jae ko ipuere onoi Cristo ipɨa pe kërái pe reta penoi wae rami. Jare jukuärái ipuere uäro reta wi uyerowia katu rewe uyekou reta waerä Tumpa imbaepuere jembipete ye wae re.

Colosenses 1:5

Añetete kua jekuaeño piyapo peï, echa’ä pe reta peäro peï perowia katu rewe jokua mbaembae ikawi wae Tumpa ime onoi ara pe pemaerä wae. Jukuärái pikuaa ma ñee ikawi wae Cristo rewa piyandu ramo wiwe. Jokua ko jae ñee añetete wae.

1 Tesalonicenses 4:13

Añawe hermano mii reta, ime ye mbae re ore nduipota pumbɨarakuaa waerä. Nduipota pe reta pikuaa waerä mbae ra uasa kía Cristo re wɨrowia wae umano yawe. Echa’ä jokua pikuaa yawe, ndarau pepɨatɨtɨete imano re Cristo re wɨrowia mbae wae reta ipɨatɨtɨ rami. Echa’ä ime yande mbae ñaäro ñaï yayerowia rewe wae jae reta mbaetɨ onoi wae.

1 Tesalonicenses 4:5

Awɨye tuiko jete uipota uyapo wae rupiño Tumpa uikuaa mbae wae reta yureko rami.

2 Tesalonicenses 2:16

YandeYa Jesucristo etei jare yandeRu Tumpa yanderau jare ñanemɨkɨrëɨ. Jare jukuärái uyapota oï jaeño mái pewa. Jáeramo yandepuere ñaäro yarowia katu rewe jokua mbaembae ikawi wae jae ipɨakawi rupi umeeta oï yandewe wae.

1 Timoteo 1:1

Cheraɨ mii Timoteo, che araaka aï ndewe saludo yandeYa Jesucristo jee re. Che ko jae Pablo. YandeRu Tumpa jare yandeYa Jesucristo cheparawo chemondo waerä opaete kerupi amɨmbeu waerä Tumpa iñee. Tumpa ko jae yandeRepɨ wae, jare ñaäro ñaï yayerowia rewe yandeYa Jesucristo ou ye rewa.

Hebreos 11:34

Amokue reta, yepe tëi jowaicho reta omombo tata tuicha wae pe, erëi okai’ä. Echa’ä Tumpa ombowe chupe reta tata jae reta wɨrowia jese ramo. Amokue reta, yepe tëi jowaicho reta uipota tëi uyuka reta kɨsepuku pe, erëi oyepe chuwi reta. Amokue reta ipɨräta’ä, erëi wɨrowia reta Tumpa re ramo, Tumpa umɨmɨräta reta. Jáeramo jae reta imbaepuerete ñeräro pe jare opa ombosi iyuwi jowaicho isɨndaro reta.

Hebreos 6:18

Jukuärái Tumpa jei jare jae iyapu’ä etei ko. Jáeramo yandepuere yarowia katu Tumpa uyapo waerä jokua jae jei yandewe wae. Jayawe yande reta Tumpa re ñañepɨ̈ro ñaï wae, kua mbaembae ñanemɨatangätuete jekuaeño ñaäro waerä yarowia katu rewe Tumpa jei wae opaetei.

Hebreos 8:6

Erëi añawe jokua mbarawɨkɨ Tumpa umee Jesús pe wae ikawiete ko ipotawe sacerdote iparawɨkɨ kua ɨwɨ pewa wi. Echa’ä Jesús rupi Tumpa uyapo pëti yemɨngeta ipɨau wae yande ndiwe. Jare kua yemɨngeta ikawiete ko jokua yemɨngeta arakae uyapo reta wae wi. Echa’ä mbaembae añawe Tumpa jei umeeta oï yandewe wae ikawiete ko.

1 Pedro 1:21

Jare kua Cristo uyapo pewe wae rupi pe reta piyeko peï Tumpa re. YandeRu Tumpa jae ko umbɨjekowe ye Cristo ueru umanokue wae reta ipɨte wi wae. Jare jae umbɨjekowe ye ma yawe, umee chupe mbaepuere jupiete ye wae. Jukuärái Tumpa uyapo pe reta pikuaa waerä pepuere perowia katu jese umee waerä pewe opaete jae jei umeeta pewe wae.

1 Pedro 1:3

¡Yambutuicha yandeRu Tumpa jee! Jae ko yandeYa Jesucristo Tu. Jae yandeparareko wae rupi uyapo ma yandewe yaa pɨau ye waerä Espíritu Santo rupi, jare jukuärái ñanoi waerä tekowe ipɨau wae. Jare Jesucristo ikowe ye ou umanokue wae reta ipɨte wi ramo, yandepuere yaikuaa kawi imeta ñanoi jokua mbaembae ikawi wae jae jei umeeta oï yandewe wae. Jare kua mbaembae ñaäro ñaï yarowia katu rewe.

1 Pedro 3:15

Pipɨu Cristo wi añetete rewe. Echa’ä jae ko peYa, jare jae ipo pe oï opaete mbaembae. Aramoi imeta kía upɨrandu pewe: “Maera pa pemae peï Tumpa kotɨ perowia katu rewe?” jeita. Jáeramo jekuaeño piyeyapɨkatuta ko peï pemɨmbeu chupe waerä. Erëi pemɨmbeuta ko chupe ñee kawi rewe jare pipɨu rewe.

1 Juan 3:3

Kua añetete uyeyapota ko. Jare opaete kua uäro ñonoï wae reta wɨrɨ̈ro mbae kachi wae, echa’ä jae reta uipota yureko jupi Cristo rami.