Efesios 2:1 - Biblia

¹ Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.

Guaraní Pe (Western): Simba

¹ Jare Tumpa umee ma peve tecove ipɨau vae. Echa'ã tenonde yave penoi'ã tecove ipɨau vae pereco icavi mbae vae jare pembaeyoa reta jeco pegua.

Efesios 2:1 Iomraidhean Croise

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

San Mateo 8:22

Jayawe Jesús jei chupe: “Eyuño che ndiwe. Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe.

San Lucas 15:24

Echa’ä kua cheraɨ mii umano rami iko chewi, jare añawe ikowe ye rami ma ko chewe. Jare ukañɨ iko chewi, jare añawe ou wɨte ye ma chepɨ,’ jei tu. Jayawe umbɨpɨ jorɨkatu reta,” jei Jesús chupe reta.

San Lucas 15:32

‘Erëi jupi ko yande yayerowia waerä jare yanderorɨkatu waerä. Echa’ä kua nderɨwɨ mii umano rami iko yandewi, erëi añawe ikowe ye rami ko yandewe. Jare ukañɨ iko yandewi, erëi añawe ou wɨte ye ma yandepɨ,’ jei taɨ pe.” Jukuärái jei Jesús umbɨjaanga rewe chupe reta.

San Juan 10:10

“Imonda wae jaeño ou oñomi waerä, jare upuruyuka waerä, jare upurukachi waerä. Erëi che jokuaerä'ä ko ayu. Che ayu ko amee waerä tekowe opa mbae wae cheré wɨrowia wae reta pe. Jare jokua tekowe onoi reta yawe, tuicha rupi uyekouta reta,” jei Jesús chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 5:25

“Che tae pewe añetete wae, kua ɨwɨ pewa reta umano wae echa ñonoï Tumpa wi. Erëi uwäeta ma ara jae reta uyandu waerä che Tumpa Taɨrä aiko wae chiñee. Añetete yepe añawe uwäe ma jokua ara. Jare jokua uyapɨsakata chiñee re wae reta onoita tekowe ipɨau wae.

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 15:45

Yaikuaa kawi waerä kua mbaembae rewa, yaecha ñamae yandetenondewaete reta Adán jare Cristo re. Uyekuatía oï Tumpa iñeerɨru pe kuärái: “Kuimbae tenondewaete Adán jee wae umbɨpɨ tekowe onoi.” Jukuärái jei, jare jokua uyemɨngeta oï tekowe ɨwɨ pewa re. Erëi Cristo ko jae yandetenondewaete taɨkue rupi outa iko wae, jare jae ko umee yandewe tekowe ara pewa.

2 Corintios 5:14

Echa’ä ore nduikuaa Cristo yanderauete ko, jare jokua oremɨatangätu oï. Echa’ä nduikuaa Cristo umano yanderé. Jáeramo opaete yande ñamano rami wi ko yandereko indechikue wi.

Efesios 4:18

Jae reta uyembɨpɨatäta Tumpa wi, jare uipota’ä uyapɨsaka reta ñee ikawi wae Tumpa rewa. Jáeramo ñonoï reta pɨ̈tumimbi pe wae echa jare mbɨrɨ Tumpa tekowe ipɨau wae umee wae wi.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.

1 Timoteo 5:6

Erëi ime yawe pëti kuña ime umano chuwi wae jare jae jekuaeño iko jete uipota uyapo wae rupiño, jae ko umano wae echa iko mbɨrɨ Tumpa wi. Jáeramo jokua nunga ndarau ikawi yamborɨ waerä.

1 Juan 3:14

Yande yarowia Cristo re wae reta yayerau päwe añetete rewe yawe, jokua uikuaaka yandewe ime ko ñanoi tekowe ipɨau wae jare ndarau ye ñamano wae echa Tumpa wi. Erëi kía upuruau’ä wae imeño umano oï wae echa Tumpa wi.

Apocalipsis 3:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Sardis pe. Ikuatía chupe kua chiñee kuärái: ‘Che ko jae jokua chiu yasɨtata ipo pe onoi wae jare Tumpa iEspíritu Santo chiu wese ye jupi wae onoi wae. Jare che tae Sardis pewa cheré wɨrowia wae reta pe kuärái: Che aikuaa opaete mbae piyapo wae. Jeta wae reta jei tëi pewe pe reta pepɨräta peï Tumpa re. Erëi che tae pe reta jukuärai’ä ko wae.