Efesios 1:9 - Biblia

⁹ Jukuärái Tumpa uikuaaka yandewe ipɨayemɨngeta ikawiete wae. Jokua ko jae mbaembae uyapota oï Cristo rupi wae. Jare jokua ipɨayemɨngeta tenonde yawe jae uikuaaka’ä kía pe awe. Erëi añawe uyerowia rewe Tumpa jokua uikuaaka ma yandewe.

Guaraní Pe (Western): Simba

⁹ Tenonde yave uicuaaca'ã iquɨrẽɨ uyapo vae. Ẽrei añave uicuaaca yandeve iquɨrẽɨ uyapo vae. Cua uyapo jae jei vae rupi.

Efesios 1:9 Iomraidhean Croise

San Mateo 13:11

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi ïru wae reta pe uñemee’ä uikuaa waerä.

San Lucas 12:32

Jayawe Jesús jei wi chupe reta: “Awɨye pekɨye, cheremimboe mbowɨ mii peï wae reta. Echa’ä Tumpa umee ma pewe piko waerä jae ndiwe jae oï ma yawe opaete wae imburuwicha wasurä jaeño mái pewa. Jare jokua re ko jae uyerowiaete oï,” jei chupe reta.

San Lucas 2:14

“¡Tuyembutuichaka Tumpa ara pe oï wae jee! Jare tipɨakatu ɨwɨ pewa reta Tumpa ipɨakawi chupe reta wae,” jei araɨwa reta.

Hechos 13:48

Jayawe judío mbae wae reta joko pe yureko wae uyandu reta yawe jokua ñee, tuicha rupi uyerowia reta, jare umee reta yasurupái Tumpa pe jae iñee re. Jayawe jeta wae wɨrowia jese. Jare jukuärái uechaka reta jae reta ko Tumpa uiparawo wae onoi waerä tekowe opa mbae wae.

Hechos 2:23

“Jesewe pëti wae umee pewe Jesús,” jei. “Jare pe reta etei pipɨsɨka Jesús jare pemee yuapɨ ye judío mbae wae reta pe uikutu kurusu re piyukaka waerä,” jei. “Erëitu pe reta jokoropi piyapo ma ko arakae Tumpa iñee pe uyekuatía oï wae jei piyapota piko wae,” jei. “Echa’ä Tumpa uikuaaño mái iko opaete mbaembae ndei uyeyapo mbowe,” jei Pedro chupe reta.

Hechos 4:28

“Erëi ore nduikuaa nembaepuere tuichaete ko. Jare jae reta uyapo wae, nde ndere uyeyapo ñotái iko,” jei reta Tumpa pe.

Romanos 11:25

Jáeramo hermano mii reta, ime mbae ndei etei uyekuaa oï wae aipota pe judío mbae piko wae reta pikuaa kawi waerä. Jare kua che aipota pikuaa waerä awɨye waerä piyembɨkate. Yepe tëi añawe jeta judío reta ipɨatäta ñonoï Jesucristo kotɨ, erëi ndarau jukuäraiño upɨta reta. Tumpa uikuaa opaete judío mbae wae wɨrowiata oï jese wae reta, jare opa ma jae uipapa reta. Jare opaete jae reta wɨrowia ma yawe,

Romanos 8:28

Jare yande Tumpa yaau wae reta yaikuaa ko Tumpa uparawɨkɨ oï opaete mbaembae uyeyapo oï yandewe wae rupi ikawi waerä yandewe. Jukuärái Tumpa uyapo oï, echa’ä jukuärái rupi uyeyapota oï ipɨayemɨngeta yanemaerä wae. Jokuaerä ko jae ñanereni.

1 Corintios 1:21

Echa’ä ipuere’ä kiawe uikuaa Tumpa jukuärái rupi. Jukuärái Tumpa uikuaaka ma yandewe, jare jaeño ko jae iyarakuaa katuete ye wae opaete wae wi. Jare yepe tëi ñee Cristo rewa uyemɨmbeu oï wae mbae’ä ko jeta wae reta pewarä, erëi ime yawe kía jokua ñee re wɨrowia wae, Tumpa uyerowia rewe uepɨ teko onoi wae wi.

Gálatas 1:12

Echa’ä mbaetɨ ko kiawe kua ɨwɨ pewa umɨmbeu chewe. Jare kiawe wi chemboe’ä jese. Jaeño Jesucristo uikuaaka chewe.

Gálatas 1:15

Erëitu Tumpa ipɨakawiete chewe. Echa’ä ndei awe chesɨ wi aa mbowe, Tumpa chereni ma jare cheñono tee ma aiko waerä jae imaerä. Jare ikawi iko chupe

Gálatas 1:16

Taɨ uikuaaka chewe waerä. Jukuärái uyapo chewe che a amɨmbeu waerä Taɨ rewa judío mbae wae reta pe kerupi rupi ñonoï wae rupi. Erëi Tumpa Taɨ uyekuaa chewe yawe, che aeka’ä kiawe chembɨarakuaa waerä jese.

Efesios 1:11

Jare yande ñaï pëti ramiño Cristo re ramo, Tumpa umee yandewe yandepuere yayekou waerä opaete mbaembae Tumpa onoi Cristo pewarä wae re. Jukuärái ko tenonde wiwe Tumpa ipɨayemɨngeta. Jare jokua jae uipota uyapo wae, jae jekuaeño uyapo.

Efesios 1:8

¡Tuichaete ko Tumpa ipɨakawi yandewe wae! Echa’ä jae umee yandewe arakuaa. Jáeramo yandepuere yaikuaa añetete wae Tumpa rewa.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

2 Timoteo 1:9

Jeta ma yayawɨ Tumpa kotɨ. Erëi Tumpa yanderepɨ ma jokua teko yareko wae wi, jare ñanereni ma ñañeñono tee waerä jae imaerä. Yande mbaembae ikawi wae yayapo wae rupi’ä ko jokua, erëi Tumpa ipɨakawi ramo ko uyapo yandewe jokua. Echa’ä iyɨpɨ wiwe ndei ɨwɨ jae uyapo mbowe, Tumpa ipɨayemɨngeta ko uikuaaka waerä yandewe ipɨakawi Jesucristo rupi.