Efesios 1:4 - Biblia

⁴ Jukuärái Tumpa uipota uyapo yandewe opaete yande pëti ramiño ñaï Cristo re wae. Echa’ä iyɨpɨ wiwe jae yanderau ndei ɨwɨ uyapo mbowe, jare yandeparawo ñaï waerä jae imaeräño jare yandereko mbae wae rami.

Guaraní Pe (Western): Simba

⁴ Echa'ã ndei ɨvɨ uyeyapo mbove, Tumpa yandeparavo, yande ñaĩ vaerã Cristo imbaerã. Cua uyapo, ñaneñono tee vaerã iyupeguarã, jare yanembujupi vaerã jae jovaque.

Efesios 1:4 Iomraidhean Croise

Levítico 19:2

“Ere Israel iñemoñaa reta pe kuärái: ‘Che ko jae peTumpa aikoño mái wae. Che ko jae jupi wae. Jáeramo pe reta pikota ko jupi rupi. ...

San Mateo 24:22

“Jare Tumpa jei’ä yawe awɨye uiporara reta waerä ɨma rupi, ndarau etei upɨta kiawe jekowe rewe jokua ara reta opa rewa. Erëi Tumpa uiparareko jae uiparawo wae reta ramo, jae jeita awɨye uiporara reta waerä ɨma,” jei chupe reta.

San Mateo 24:24

“Echa’ä imeta upurumbɨtawɨ wae reta jei, ‘Che ko jae Cristo,’ jare imeta wi ïru upurumbɨtawɨ wae reta jei, ‘Tumpa chembou amɨmbeu waerä ñee chuwi etei ou wae.’ Jukuärái jeita tëi reta. Jare jae reta uyapota mbaembae tuicha wae kuimbae retaño ipuere’ä uyapo wae. Jare jokua mbaembae rupi jae reta uipotata tëi wi umbɨtawɨ Tumpa uiparawo wae retawe,” jei.

San Mateo 24:31

“Jare pëti temimbɨ wasu uñee oï rewe che amondota araɨwa reta umbatɨ waerä che aiparawo wae reta opaete kerupi rupi wi,” jei chupe reta.

San Mateo 25:34

“Joko wi che mburuwicha wasurä aïta wae, jaeta cheakata kotɨ ñonoï wae reta pe: ‘CheRu uyapo ma pewe piyekou waerä che ndiwe che opaete wae imburuwicha wasurä aï wae re. CheRu kua uyapɨkatu ma pewe ɨwɨ uyembɨpɨ wiwe. Peyu piyekou jese.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 15:16

“Pe reta’ä ko cheparawo. Che ko puparawo, jare amee ma pewe mbarawɨkɨ – jae ko opaete kerupi peo wae rupi Tumpa jeko ikawi wae tuyekuaa jeta peré. Jare jekuaeño jukuärái tuiko. Jare jayawe cheRu uyapota oï pewe ipotawe mbae piyerure jese cheree re wae,” jei chupe reta.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

Hechos 13:48

Jayawe judío mbae wae reta joko pe yureko wae uyandu reta yawe jokua ñee, tuicha rupi uyerowia reta, jare umee reta yasurupái Tumpa pe jae iñee re. Jayawe jeta wae wɨrowia jese. Jare jukuärái uechaka reta jae reta ko Tumpa uiparawo wae onoi waerä tekowe opa mbae wae.

Hechos 15:18

Jae ko arakae wiwe uikuaaka kua mbaembae.’ Jukuärái uyekuatía oï,” jei Jacobo chupe reta.

Hechos 18:10

Echa’ä che aï nde ndiwe jare ndarau kiawe ipuere marái ndapo,” jei. “Jekuaeño chemɨeräkua, echa’ä imeño jeta wae reta wɨrowiata ñonoï cheré kua tëta wasu pe.” Jukuärái yandeYa jei chupe.

Romanos 8:33

Jayawe ¿kía ra ipuereta mbae re yanembɨjeko Tumpa jowai? Ndarau ipuere kiawe, echa’ä yande ko jae Tumpa etei yandeparawo wae reta, jare Tumpa etei umae ma yanderé yandereko mbae wae rami.

1 Corintios 1:8

Jare añawe rupi jokua ara yandeYa Jesucristo pewa ou rewa, Tumpa jekuaeño pemɨmɨrätata oï ikotɨ pepuere waerä jokua ara piyemboɨ jae jowai pereko mbae rewe.

Gálatas 5:13

Jukuärái che jae, echa’ä pe chehermano mii reta, Tumpa mbaetɨ etei ko pereni pe reta piko waerä Moisés arakae uikuatía wae rupi täta uyeyokui wae reta rami. Tumpa pereni ko piko waerä pepɨawiwe rewe. Erëi awɨye pere peyupe: “Tumpa uyapo yandepɨawiwe yaiko waerä. Jáeramo yandepuere yaiko yande yae wae rupiño.” Awɨye jokua. Piyeyokuita ko peyupe piyerau päwe rewe.

Gálatas 5:22

Erëi kía iko yawe Espíritu Santo jei wae rupi, upuruauta, uyerowiata, ipɨakatuta, ipɨawasuta, ipɨakawita, jeko kawita, wɨrowia kawita Tumpa re,

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Efesios 2:10

¿Maera ra yayapo jayawe mbaembae ikawi wae? Mase, Tumpa umbɨpɨau ma yanderekowe jae yandapo pëti ramiño Cristo re yawe. Jare añawe yanderekowe uyembɨpɨau ma ramo, Tumpa uipota yayapo waerä mbaembae ikawi wae tenonde wiwe jae uipota yayapo waerä wae. Echa’ä jokuaerä ko Tumpa yandapo.

Efesios 3:17

Jare aeka aï chupe wi piñemɨatangätu perowia katu waerä Cristo re, jukuärái Cristo jekuaeño oï waerä pepɨa pe ipɨawiwe rewe. Jukuärái rupi pepuere piyerau päwe añetete rewe. Jáeramo piñemɨmɨrätata peï Tumpa re pëti temitɨ kɨpe japo oï wae rami.

Efesios 4:2

Jayawe pe reta pikota ko kuärái: Piñemɨmichi peyuwi jare pepɨakawi peyupe. Awɨye piñeengata peyupe. Pepɨawasu peyupe jare perupɨa mii peyupe piyerau päwe rewe.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Efesios 5:27

Jare pëti ara jae yanembɨyemboɨta oï jae jowai päwe rewe jupi jare teko mbae rewe. Jare joko wi yayerowia rewe ñaïta ñaï jae ndiwe jaeño mái pewa. Jukuärái Cristo uñemee yanderé yaiko kawi waerä yanderauete ramo. Jae ramiño wi kuimbae reta uauta ko jembireko jae iko kawi waerä.

Filipenses 2:15

Echa’ä jukuärái piyapo yawe, pikota jupi jare ndarau kía pembɨjeko mbae re. Jare uyekuaata wi Cristo re wɨrowia mbae wae reta ipɨte rupi kërái pe reta ko jae Tumpa taɨ jeko mbae wae reta. Jae reta jeko kachi jare jupi’ä ko reta. Erëi pe reta pemɨmbeu yawe chupe reta ñee tekowe opa mbae wae rewa, pikota tembipe rami jae reta ipɨte rupi. Piyapo mii kua mbaembae reta che chepuere waerä ayerowia tuicha jokua ara yandeYa Cristo pewa ou yawe. Echa’ä aikuaata cheparawɨkɨ pepɨte pe iko wae oë kawi ma yepe.

Colosenses 1:22

Erëi añawe Tumpa peapɨkatu ma jae ndiwe etei Cristo imano rupi. Jare jukuärái jae uyapo ipuere waerä ara taɨkuewa pe pembɨyemboɨ jae jowai jupi jare pereko mbae.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

Colosenses 3:12

Pe reta ko jae Tumpa peparawo wae reta. Jae perauete jare peñono tee ma piko waerä jae imaerä. Jáeramo piko mii kuärái: Piyeparareko, pepɨakawi peyupe, piñemɨmichi peyuwi, piñee kawi peyupe, pepɨawasu peyupe,

1 Tesalonicenses 3:12

Jare yandeYa tuparawɨkɨ pepɨa pe jeiete piyerau päwe waerä jare jeiete peau waerä opaete wae reta kërái ore puau rami.

1 Tesalonicenses 4:7

Jae nunga wi Tumpa mbaetɨ ko ñanereni yande yaiko waerä kachi rupi. Ñanereni ko ñañeñono tee waerä jae imaerä.

2 Timoteo 1:9

Jeta ma yayawɨ Tumpa kotɨ. Erëi Tumpa yanderepɨ ma jokua teko yareko wae wi, jare ñanereni ma ñañeñono tee waerä jae imaerä. Yande mbaembae ikawi wae yayapo wae rupi’ä ko jokua, erëi Tumpa ipɨakawi ramo ko uyapo yandewe jokua. Echa’ä iyɨpɨ wiwe ndei ɨwɨ jae uyapo mbowe, Tumpa ipɨayemɨngeta ko uikuaaka waerä yandewe ipɨakawi Jesucristo rupi.

2 Timoteo 2:10

Jayawe jokua ñee ikawi wae jekuaeño uyembeu oo oï ramo, chepɨawasu rewe amɨawätata aï opaete kua aiporara aï wae reta. Che ayapo aï jukuärái Tumpa uiparawo wae reta pewarä. Che aikuaa aï jokua ñee ikawi wae uyandu reta yawe, wɨrowiata jese. Jare chepɨa rewe che aipota Tumpa uepɨ reta waerä Jesucristo rupi jare yureko reta waerä jae ndiwe jaeño mái pewa.

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

Santiago 2:5

Mase, hermano puau mii reta, ¿kía ra ko jae wɨrowia kawi Tumpa re wae reta? Jae ko iparawete wae reta. Jáeramo Tumpa uiparawo ma jae reta ikokatu waerä Tumpa kotɨ. Añetete jae reta uyekouta ñonoï Tumpa imbaepuere mburuwicha wasu pewa re jaeño mái pewa. Echa’ä jae reta uau Tumpa jare Tumpa jei ma kuärái: “Opaete cherau wae reta, che aïta chupe reta imburuwicha wasurä,” jei.

1 Pedro 1:20

Ndei ɨwɨ uyeyapo mbowe yandeRu Tumpa uiparawoño mái Cristo jae perepɨ waerä. Jare jukuärái jae uyapo ma pewe kua ara taɨkuewa reta pe, echa’ä ou ma ikawi waerä pewe.

1 Pedro 2:9

Erëi pe reta ko jae Tumpa uiparawo wae reta. Pe reta ko jae sacerdote reta piyeyokui peï yaneMburuwicha wasu ara pewa pe. Jare Tumpa peñono tee ma pe reta piko waerä jae imaerä, pemɨmbeu waerä kërái jokua jae uyapo wae ikawiete ye ko. Echa’ä tenonde yawe pikuaa’ä piko añetete wae Tumpa rewa jare jukuärái pikose pɨ̈tumimbi pe rami. Erëi añawe jae uyekuaaka ma pewe, jare jukuärái pereni ma ikotɨ jokua pɨ̈tumimbi wi piko waerä tembipe ikawiete wae pe.

2 Pedro 3:14

Jáeramo cheïru puau mii wae reta, kua mbaembae peäro peï rambuewe, piko teko kawi rupi pepuere wae rupi awɨye waerä Tumpa pepokou teko pe jare pereko kachi rewe. Tuwäe pewe pepɨakatu rewe jae ndiwe.

1 Juan 4:16

Jayawe kua mbaembae rupi yaikuaa kawi ma Tumpa yanderau ko, jare jokua re yarowia jare yayeko ma jese. Tumpa ko tuicha upuruau. Añetete Tumpa etei ko jae mburuau. Jayawe kía upuruau rewe iko wae uñemɨïru kawi ko oï Tumpa ndiwe, jare Tumpa uñemɨïru kawi oï jae ndiwe wi.

Apocalipsis 13:8

Jare opaete seri ɨwɨ pewa reta umbutuicha bestia jee. Jaeño jokua Owecha kuimbae taurusu wae uyeyukaka wae itupapire pe jee uyekuatía oï wae reta umbutuicha’ä jae jee. Jokua tupapire ko jae opaete tekowe opa mbae wae onoi wae reta jee uyekuatía oï pɨpe wae. Jare jae reta jee uyekuatiaño mái iko ɨwɨ uyembɨpɨ wiwe.

Apocalipsis 17:8

Jayawe araɨwa jei wi chewe: “Kua bestia ndecha wae ikose tenonde yawe, erëi añawe mbaetɨ ma. Erëi uyekuaa yeta oï, echa’ä oëta ma oï ɨwɨkua wasu juwa mbae wae wi. Erëi jokua jaɨkue rupi Tumpa omombota Tatawasurenda pe jaeño mái pewa,” jei. “Jare ɨwɨ pewa reta ipɨakañɨeteta uecha yawe jokua bestia tenonde ikose wae uyekuaa ye ramo. Jae reta jee mbaetɨ uyekuatía oï ɨwɨ uyembɨpɨ wiwe Tumpa itupapire pe. Echa’ä jaeño tekowe opa mbae wae onoi wae reta jee uyekuatía oï jokua tupapire pe,” jei chewe.