Efesios 1:22 - Biblia

^22-23 Jayawe Tumpa umee Cristo pe mbaepuere opaete mbaembae re. Jare umee wi chupe iko waerä opaete jese wɨrowia wae reta iYarä. Kua yandepuere yambɨjaanga yanderete re. Echa’ä ñanäka ime onoi mbaepuere yanderete re. Jukuärái wi Cristo ko ñanäka rami jare ime onoi mbaepuere yanderé. Jare opaete yande Cristo re yarowia wae reta ñaï ma ko jae jete rami. Jae imbaepuere tuichaete ye ko jare opa tɨnee ara jare ɨwɨ. Jare jokua imbaepuere uparawɨkɨ oï yande rupi uyeyapo waerä jae jei wae.

Guaraní Pe (Western): Simba

²² Echa'ã Tumpa umee Cristo pe ico vaerã opaete vae iYarã. Umee vi chupe ico vaerã upurugüɨrovia vae reta iYarã.

Efesios 1:22 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

San Mateo 16:18

“Jare che tae ndewe, añawe nderee ko jae Pedro. Jare chemaerä nde ndikota pëti itape jese kía jëtarä uyapo wae rami. Echa’ä che ayapota nde ndiko waerä opaete cheré wɨrowiata oï wae reta iyɨpɨrä. Jare Añawasu ndarau ipuere umɨamɨri reta,” jei.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

1 Corintios 11:3

Erëitu aipota pikuaa kawi waerä wi kua: YandeYa Cristo ime onoi mbaepuere kuimbae re. Jare kuimbae ime onoi mbaepuere kuña re. Jare yandeRu Tumpa ime onoi mbaepuere Cristo re.

Efesios 3:21

Opaete yande ñaï pëti ramiño Jesucristo re wae reta yambutuicha Tumpa jee, jae ipɨakawiete yandewe ramo. ¡Tuyembutuichaka Tumpa jee jaeño mái pewa! Jukuärái tuiko.

Efesios 5:23

Yaikuaa ñanäka onoi mbaepuere yanderete re. Jae ramiño wi Tumpa uyapo kuimbae iko waerä jembireko iñäka rami. Jáeramo kuña ikota ko ime jei wae rupi. Kua yandepuere yambɨjaanga kuärái: Cristo ko jae opaete yande jese yarowia wae reta yandeRepɨ wae. Jáeramo Tumpa uyapo Cristo iko waerä ñanäka rami. Jare opaete yande reta ñaï ma ko jae jete rami. Jáeramo yaikota ko jae jei wae rupi.

Colosenses 1:18

Jare opaete yande Taɨ re yarowia wae reta, Taɨ ko jae ñanäka rami. Echa’ä kërái ñanäka ime onoi mbaepuere yanderete re, jukuärái wi Taɨ ime onoi mbaepuere yanderé. Jae rupi uyembɨpɨ opaete mbaembae, jare jae rani ko ikowe ye umanokue wae reta ipɨte wi ndarau ye umano waerä. Jáeramo jae ko opaete mbaembae ime oï wae iYa.

Colosenses 1:8

Jare jae umɨmbeu ma orewe kërái Espíritu Santo imbaepuere rupi piyerau peï päwe rewe.

Colosenses 2:10

Jare jae ko opaete mburuwicha reta ara pewa jare ɨwɨ pewa iYa. Jare pe reta pëti ramiño peï Cristo re ramo, uata’ä etei pewe mbae awe penoi waerä tekowe opa mbae wae.

Colosenses 2:19

Erëitu jae reta uyembɨsɨrɨ ñonoï yandeYa Cristo wi, yepe tëi jae ko ñanäka rami jare yande reta ko jae jete rami. Añetete Cristo yandapo pëti ramiño kërái ñanekäwe reta iyuapɨyuapɨ wae jare yanderayɨ reta uyapo pëti ramiño yanderete rami. Jare jukuärái jekuaeño yakuakuaa ñaï Tumpa kotɨ kërái Tumpa uipota rami.

1 Timoteo 3:15

Erëi chepuere’ä a ndepɨ ɨmambae yawe, aikuaaka aï ndewe kua tupapire rupi këraita ko yureko Cristo re wɨrowia wae reta. Yande Cristo re yarowia wae reta ko jae Tumpa ikoño mái wae taɨ jare tayɨ retarä. Jare Tumpa umee ma yandewe yemboe añetete wae yamɨmbeu waerä jare yayandareko waerä jese awɨye waerä uyembɨambɨe.

Hebreos 2:8

Opaete mbaembae niñono ma orepo pe.” Jukuärái jei. Jayawe Tumpa oñono yawe yandepo pe opaete mbaembae, kua uikuaaka yandewe mbaetɨ ko mbae awe ñanoi’ä mbaepuere jese wae. Erëitu añawe rupi ndeiño yaecha opaete mbaembae yandepo pe oï.