Efesios 1:19 - Biblia

¹⁹ Jare aeka aï chupe wi pikuaa kawi waerä tuichaete ye ko Tumpa imbaepuere yanemborɨ waerä opaete yande Cristo re yarowia wae reta. Jukuärái ayerureñoi aï Tumpa pe peré. Jayawe che aipota pikuaa kawi waerä Tumpa imbaepuere rewa. Tumpa uikuaaka ma opaete wae pe tuichaete ye ko imbaepuere.

Guaraní Pe (Western): Simba

¹⁹ Tumpa tuicuaaca vi peve quirãi tuicha ete imbaepuere yanemborɨ vaerã. Echa'ã yande yarovia Cristo re. Tumpa uicuaaca ma tuicha ete co cua imbaepuere.

Efesios 1:19 Iomraidhean Croise

Isaías 53:1

¿Ime ra kía yepe wɨrowia oriñee re wae? ¿Uecha’ä yerá reta Tumpa imbaepuere?

San Juan 3:6

Imeta ko onoi rani tekowe ipɨau wae, jare jokua nunga tekowe jaeño ou Espíritu Santo rupi. Yandesɨ retaño mbaetɨ umee yandewe jokua nunga tekowe. Jae reta jaeño umee yandewe tekowe ɨwɨ pewaño,” jei chupe.

Hechos 26:18

nemɨmaeka reta waerä, jare jukuärái uyerowa reta waerä pɨ̈tumimbi wi tembipe kotɨ, jare wi uyerowa reta waerä Satanás imbaepuere wi Tumpa kotɨ. Kua uyapo reta yawe, Tumpa opata umbái chuwi reta mbaembae ikotɨ uyawɨ reta wae. Jayawe tuicha rupi uyekouta ñonoï, echa’ä Tumpa oñono teeta reta jae imaerä kërái jae uyapo opaete ïru cheré wɨrowia wae reta pe rami.’ Jukuärái jei chewe yandeYa,” jei.

Romanos 1:16

Mbaetɨ etei chemara amɨmbeu waerä ñee ikawi wae Cristo rewa. Echa’ä opaete jokua ñee re wɨrowia wae reta, Tumpa uepɨta oï reta imbaepuere rupi mbaembae uyawɨ reta ikotɨ wae wi. Jare jukuärái ndarau omombo reta Tatawasurenda pe. Tenonde kua ñee ikawi wae ou judío reta pe rani, erëi añawe ou ma wi judío mbae wae reta pewarä.

2 Corintios 4:7

Ore parawete reta orepɨräta’ä noï. Erëi Tumpa umee orewe kua mbarawɨkɨ ikawiete wae. Jae ko kía umbɨru oï mbae ikawiete wae pëti yambɨi oyɨ kawi mbae wae pe rami. Erëi jukuärái ko uyekuaa waerä ore rupi ipotawe mbaepuere nonoi wae Tumpa wi ko ou. Ou’ä ko orewi.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

Efesios 2:10

¿Maera ra yayapo jayawe mbaembae ikawi wae? Mase, Tumpa umbɨpɨau ma yanderekowe jae yandapo pëti ramiño Cristo re yawe. Jare añawe yanderekowe uyembɨpɨau ma ramo, Tumpa uipota yayapo waerä mbaembae ikawi wae tenonde wiwe jae uipota yayapo waerä wae. Echa’ä jokuaerä ko Tumpa yandapo.

Efesios 3:20

¡Tuyembutuichaka Tumpa jee! Echa’ä jae imbaepuere tuichaete wae rupi uparawɨkɨ oï yandepɨa pe. Jare jae ipuere uyapo jetaete mbaembae yaeka chupe wae wi jare jetaete mbaembae yandepɨayemɨngeta ueka wae wi.

Efesios 3:7

Jukuärái ko Tumpa ipɨayemɨngeta. Jare yepe tëi tenonde yawe arowia’ä aiko Cristo re, jesewe Tumpa ipɨakawi tuicha chekotɨ. Echa’ä jae cheparawo ayeyokui waerä chupe imbaepuere rupi amɨmbeu waerä kua ñee ikawi wae ïru wae reta pe.

Efesios 6:10

Añawe hermano reta, kua jaeño ma jaeta aï pewe: Ndarau yandepuere yayeyokui yandei yandeYa pe. Jáeramo yayekota ko jae imbaepuere tuichaete wae re.

Filipenses 2:13

Jare kua pepuerete piyapo, echa’ä Tumpa etei ñanemɨkɨrëɨ jare umee yandewe mbaepuere yayapo waerä jokua mbaembae Tumpa umbɨyerowia wae.

Filipenses 3:21

Jae umbɨambɨeta oï yanderete kua ɨwɨ pewa ikawiete ye oï waerä jae jete imbaepuerete wae ara pewa rami. Jukuärái yandeYa uyapota oï jae imbaepuere tuichaete wae rupi. Kua ko jae mbaepuere jae ime onoi opaete mbaembae re wae.

Colosenses 1:29

Jokuaerä ko che aparawɨkɨ aï täta. Jare yepe tëi yawái ko, erëi Cristo imbaepuere rupi chemɨmɨräta che amɨamɨri waerä yembɨawái.

Colosenses 2:12

Ani yandepuere yae kuärái: Ndei Cristo re perowia mbowe, pe reta pikose pere wae rupiño. Jáeramo jekuaeño piyawɨse Tumpa kotɨ, jare jokua jeko pewa pemano wae echa piko Tumpa wi. Erëi pëti ara pe reta piyandu kërái Tumpa imbaepuere tuichaete wae. Jare piyandu wi kërái jae umbɨjekowe ye ueru Cristo umanokue wae reta ipɨte wi wae. Jare perowia yawe jae imbaepuere perepɨ waerä wae re, jayawe Tumpa peapo pëti ramiño Cristo re etei. Kua uipota jei Cristo umano yawe, jare teöwerenda pe oñono reta yawe, pe reta wi pemano rami jae ndiwe. Jare Cristo ikowe ye yawe, pe reta wi Tumpa pembɨjekowe pɨau ye rami ko Cristo ndiwe. Yande ñanoi tekowe ipɨau wae, echa’ä Tumpa opa ma umbái yandewi mbaembae yayawɨ ikotɨ wae.

1 Tesalonicenses 1:5

Echa’ä numɨmbeu pewe yawe ñee ikawi wae Cristo rewa, ore nduyendu kërái Espíritu Santo oremɨmbaepuere iko wae. Ore nduyemɨngetaiño’ä ko. Jare pe reta pikuaa jokua numɨmbeu pewe wae añetete ko. Jare pemae oreré yawe, pe reta pikuaa piko orereko ikawi ko jare jaeño ore nduipota ikawi wae pemaerä.

2 Tesalonicenses 1:11

Jayawe ore jekuaeño nduyerure noï peré. Echa’ä yandeYa ou ye yawe, ore nduipota Tumpa uyerowia rewe umae waerä peré jare jei waerä pewe: “Che jaekawi puparawo.” Jae nunga wi ore nduikuaa noï pe reta perowia Cristo re ramo, ime mbaembae ikawi wae pipota piyapo jae imaerä. Jare ore nduyerure noï Tumpa pe jae pemborɨ waerä imbaepuere rupi pe reta opa piyapo waerä.

Santiago 1:18

Jare Tumpa uipota ramo, yandapo taɨ retarä ñee añetete wae yarowia wae rupi, jare jukuärái ñaneñono tee waerä jae imaerä opaete ïru jembiapo reta wi.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!